Idi Marso 3, 2018, rinugian dagiti Saksi ni Jehova ti sangalubongan a kampania a panagiwaras iti imbitasion para iti Pangrabii ti Apo, a maawagan met iti Pananglaglagip iti ipapatay ni Kristo, wenno Memorial. Agtitiponto dagiti Saksi iti 240 a pagilian para iti daytoy nga okasion, nga ibilangda a kapatgan nga aldaw ti tawen, a maaramid inton Marso 31. Iyaw-awis met dayta nga imbitasion iti publiko ti espesial a lektiur a naibatay iti Biblia iti lawas ti Marso 19 a natemaan iti “Asino a Talaga ni Jesu-Kristo?”

Kuna ti pannakangiwat dagiti Saksi ni Jehova a ni David A. Semonian: “Idi 2017, nasurok a 20 a milion ti immatender iti Memorial, ket agarup 12 a milion kadagita ti saan a Saksi. Gapuna, ti Memorial ket nagpateg a tinawen nga okasion saan laeng a kadagiti Saksi ni Jehova no di ket uray iti minilion nga umat-atender a saan a Saksi iti intero a lubong. Kayatmi a maikkan ti amin iti imbitasion tapno atenderanda daytoy nga okasion iti lokasion a kombiniente kadakuada.”

Media Contact:

International: David A. Semonian, Office of Public Information, +1-845-524-3000