NEW YORK—Awisen dagiti Saksi ni Jehova ti amin a tattao para kadagiti napateg nga okasion nga inyurnosda para iti tawen 2017.

Inton Martes, Abril 11, 2017, sangailiento dagiti Saksi iti intero a lubong dagiti mayat a mangselebrar a kaduada iti Pangrabii ti Apo, a maaw-awagan met iti Pananglaglagip iti ipapatay ni Kristo. Adda espesial a kampaniada a nangrugi idi Sabado, Marso 18, 2017, ken agpatingga inton Abril 11, 2017. Usarenda dayta a tiempo a personal a mangawis iti adu a tattao agingga iti kabaelanda, ken usarenda dagiti nayimprenta nga imbitasion a mangipakita iti oras ken lugar a pakaangayanna. Ibilang daytoy dagiti Saksi a kapatgan nga okasion iti tawen.

Kas katuloy ti panangselebrar iti Memorial, awisento dagiti Saksi ti amin a tao para iti 30 a minuto a diskurso a naibatay iti Biblia a napauluan, “No Kasano ti Agbalin a Mannakikappia iti Managpungpungtot a Lubong.” Dayta ti paulo ti diskurso para kadagiti naawis inton Abril 15 ken 16, 2017, iti dandani amin a Kingdom Hall dagiti Saksi ni Jehova iti intero a lubong.

Mangrugi inton Mayo 19, 2017, ti tallo nga aldaw a tinawen a kombension dagiti Saksi ni Jehova a napauluan iti “Dika Sumuksuko!” Mangrugi dayta idiay United States ken sarunuen ti dadduma a lugar iti intero a lubong agingga iti nasapa a paset ti 2018. Iti kada kombension, addanto tallo a lawas a kampania dagiti Saksi a mangawis kadagiti tattao kadagiti lugar a pakaangayan dagiti kombension.

Libre amin dagitoy, a kas met laeng kadagiti gimong dagiti Saksi ni Jehova. Maawis ti amin a media a kontakenda ti opisina dagiti Saksi ni Jehova iti lugarda para iti tulong a kasapulanda iti panagipadamagda.

Media Contact:

David A. Semonian, Office of Public Information, +1-845-524-3000