Idi Huebes, Nobiembre 1, 2018, inkeddeng ti Korte Suprema ti South Korea a ti panagkedked nga agsoldado gapu iti diktar ti konsiensia ket saan a krimen. Naibatay dayta iti desision ti siam a hues kontra uppat. Ti konsiensia a naibatay iti relihion ket maibilang itan a “nainkalintegan a rason” tapno saan nga agpalista kas soldado ti maysa a tao. Gapu iti daytoy a nagpateg a desision ti kangatuan a korte ti South Korea, naikeddeng a saan a nakabasol ti nasurok a 900 a kakabsat a lallaki a nakapila ti kasoda iti amin a tukad ti sistema ti korte ti Korea.

Idi rugrugi daytoy a tawen, inyetnag ti Constitutional Court of Korea a mangrugi inton Disiembre 2019, masapul nga adda alternatibo a serbisio nga aramiden dagiti agkedked nga agsoldado gapu iti diktar ti konsiensiada.

Maragsakantayo ken idaydayawtayo ni Jehova gapu iti daytoy a nakallalagip a desision.