HULIO 26, 2019
SPAIN
Madrid, Spain—2019 “Ti Ayat Saan a Pulos Agpatingga”! nga Internasional a Kombension
Petsa: Hulio 19-21, 2019
Lokasion: Wanda Metropolitano Stadium iti Madrid, Spain
Lengguahe ti Programa: English, Spanish, Spanish Sign Language
Kangatuan a Bilang ti Immatender: 52,516
Bilang ti Nabautisaran: 434
Bilang ti Delegado Manipud iti Agduduma a Pagilian: 6,300
Naawis a Sangay: Albania, Argentina, Bulgaria, Canada, Central America, Dominican Republic, Ghana, Hungary, Korea, Netherlands, Peru, Slovenia, Taiwan, Turkey, United States
Kapadasan: Kuna ni César López, ti direktor ti maysa kadagiti hotel a nagdagusan dagiti delegado: “Naidumduma unay ti napadasanmi. Sangkaestoria ti maysa kadagiti empleadomi dagiti delegado nga immatender iti daytoy nga okasion—ti isemda, kinasingpetda, ken kinamannakigayyemda. Panagkunak, ipakpakitan dagiti delegado ti mensaheyo [“Ti Ayat Saan a Pulos Agpatingga”] sakbay nga immayda ditoy. Impakita dayta ti amin a nagdagus iti hotelmi. Maragsakankami a mangpasangbayto manen kadagiti delegadoyo.”
Dagiti kakabsat a siraragsak a mangsabsabat kadagiti delegado iti Adolfo Suárez Madrid-Barajas Airport
Kabsat a kadua ti maysa a delegado a mangaskasaba iti Madrid nga us-usarenda ti imbitasion ti kombension
Dagiti delegado a mapmapan iti pagkombensionan iti sesion ti bigat
Dagiti delegado manipud iti nagduduma a pagilian a nakaisem ken agpaypayapay kalpasan ti programa iti Biernes
Dua nga agtutubo a Saksi iti maysa kadagiti naka-tie-in a venue a mangipakpakita iti elektroniko a kopia ti rebisado a Baro a lubong a Patarus iti Spanish. Nairuar ti Biblia iti aldaw ti Biernes iti Madrid ken iti 11 pay a venue
Maysa kadagiti 434 a kabbaro a kakabsat a nakaisem kalpasan ti bautismona
Dagiti delegado nga agserserbi iti espesial nga amin-tiempo nga agpaypayapay iti pagkombensionan iti maudi nga aldaw ti kombension
Dagiti kakabsat a siraragsak nga agpalpalakpak bayat ti kombension
Ni Brother Gerrit Lösch, a miembro ti Bagi a Manarawidwid, a makial-alamano iti maysa kadagiti agserserbi iti espesial nga amin-tiempo kalpasan ti kombension
Dagiti kakabsat a babbai a nakasuot iti namaris a tradisional a bado bayat nga agsalsalada iti evening gathering
Baka Kayatmo Met ti
MAIPAPAN KADAKAMI
Atenderam ti 2024 a Kombension—“Ipakaammo ti Naimbag a Damag!”
Naimpusuan nga awisendaka nga umatender iti tallo nga aldaw a kombension nga insagana dagiti Saksi ni Jehova ita a tawen.
