Idi Septiembre 26, 2018, indeklara ti Korte Suprema ti “Donetsk People’s Republic” (DPR) nga “extremist” ti narelihiosuan nga asosasion dagiti Saksi ni Jehova. Kas resulta, maipariten dagiti aktibidadtayo. Bayat ti bista, ti general prosecutor, a nangyuli iti kaso a mangkueskuestion iti asosasiontayo, ken uray ti Korte ket saan man la a nakisarita iti asinoman kadagiti Saksi ni Jehova. Kumarkaro ti pannakaidadanestayo iti daytoy a rehion ket ti panangiparit ti kabaruan a pamay-an ti narelihiosuan a panangidadanesda kadatayo.

Kimmaro ti situasion ti kakabsat iti dadduma a lugar kadagiti rehion ti Donetsk ken Luhansk, iti makindaya a Ukraine, manipud idi indeklara ti Korte Suprema ti DPR nga “extremist” ti dadduma a publikasiontayo idi tengnga ti 2017. Bayat dayta a tawen, pinalutpot dagiti polis ti nasurok a 170 a Saksi. Innala metten dagiti autoridad kadagita a rehion dagiti Kingdom Hall-tayo. Idi Agosto 29, 2018, 16 a Kingdom Hall ti naalada.

Nupay maparparitan ti panagdaydayaw dagiti kakabsattayo kadagita a lugar, agtultuloy latta ti panagpannurayda iti ‘Dios ti pannakaisalakan.’—Salmo 18:46.