LVIV, Ukraine—Idi Mayo 2, 2017, nailukat iti publiko ti sanga nga opisina dagiti Saksi ni Jehova idiay Ukraine. Naaddaan iti tsansa dagiti opisial ti gobierno, propesor, negosiante, ken dagiti residente ti siudad ti Lviv a mangkita iti panagandar ti sangay.

Nangaramid ti sangay kadagiti espesial nga eksibit, displey ken video maipapan iti panagandar ti sangay, museo maipapan iti pakasaritaan dagiti Saksi idiay Ukraine, ken maysa a seksion para kadagiti ubbing. Imbaga ni Ivan Riher, a pannakangiwat dagiti Saksi ni Jehova idiay Ukraine: “Sipud idi 2001, daytoy ti damo a nailukat ti sanga nga opisina iti publiko. Pagaammokami ditoy Ukraine iti panangisuromi iti Biblia iti binalaybalay, ngem magagarankami a nangimbitar kadagiti adda iti asideg tapno makitada no kasano nga agtartaray ti sanga nga opisinami ken no ania ti maitultulongna iti komunidad.”

Ni Andriy Yurash, direktor ti Department of Religious Affairs and Nationalities, maysa a departamento iti Ministry of Culture ti Ukraine, ket bimmisita iti sangay. Inkomentona maipapan iti panagandar ti sangay: “Babaen iti daytoy, impakita ti organisasion dagiti Saksi ni Jehova no ania ti mabalin nga aramiden tapno adda panagkaykaysa iti komunidad, iti nagbaetan dagiti miembrona ken iti sabsabali.”

Iti daytoy a tawen, linuktan met dagiti Saksi iti publiko ti sanga nga opisinada idiay Cameroon ken ti sangalubongan a hedkuarterda idiay Warwick, New York.

Media Contacts:

International: David A. Semonian, Office of Public Information, +1-845-524-3000

Ukraine: Ivan Riher, +38-032-240-9323