Idi Sabado, Hulio 13, 2019, timmama iti Louisiana ti Category 1 a bagyo a maawagan iti Barry ngem dagus a kimmapuy. Nadadael dagiti balbalay, naglayus ken naawan ti koriente iti adu a lugar iti estado ti Alabama, Louisiana, ken Mississippi.

Nupay awan ti nadangran ken natay kadagiti kapammatiantayo, 123 ti napapanaw iti balayda. Kanayonanna, 27 a balbalay dagiti kakabsat ken lima a Kingdom Hall ti dinadael ti bagyo.

Bisbisitaen ken liwliwaen dagiti manangaywan iti sirkito ken dagiti lokal a panglakayen dagiti naapektaran iti bagyo. Mangipapaay met dagiti kakabsat manipud kadagiti kabangibang a kongregasion iti danum, makan, ken pagyanan kadagiti agkasapulan. Mangor-organisar metten dagiti lumugar a kakabsat iti trabaho a panagtarimaan.

Itultuloytayo nga ikararagan ken tulongan dagiti kakabsattayo iti makin-abagatan a paset ti United States bayat nga ib-ibturanda ti epekto ti Bagyo a Barry.​—Proverbio 18:10.