Bayat ti Mayo 2019, naipadamag a dinalapus ti napigsa a tudo ken agarup 500 nga allawig ti United States.

Naapektaran kadagitoy dagiti Saksi ni Jehova iti Arkansas, Indiana, Mississippi, Missouri, Ohio, Oklahoma, Pennsylvania, ken Texas. Awan ti natay kadagiti kakabsattayo. Ngem innem kadakuada ti nadangran, ket uppat kadagitoy ti nayospital. Kanayonanna, 6 a balay ti kakabsattayo ti interamente a nadadael ken 98 a balay ken 12 a Kingdom Hall ti saan unay a nakaro a nadadael. Gapu iti dayta, 84 kadagiti kapammatiantayo ti nangpanaw iti balayda.

Bayat a suksukimaten dagiti kakabsat ti kakaro dagiti nadadael, mangipapaayda iti makan, danum, ken pagyanan kadagiti naapektaran. Ipapaay met dagiti panglakayen ken manangaywan iti sirkito ti naespirituan ken emosional a kasapulan dagiti kakabsattayo.

Itultuloytayo a suportaran ken ikararagan dagiti kapammatiantayo, bayat nga ikagkagumaanda ti bumangon manipud kadagiti epekto dagitoy a bagyo.—2 Corinto 1:3, 4.