Louisiana ken abagatan a daya a paset ti Texas

• Idi Oktubre 9, 2020, nag-landfall ti Category 2 a bagyo iti abagatan a laud a paset ti Louisiana. Ninayonanna ti perhuisio kadagiti lugar a nabiit pay a dinadael ti Hurricane Laura

• Nangipaay ti hurricane iti napigsa a tudo ken bumanesbes nga angin a nakaigapuan ti nakaro a layus ken adu a lugar ti naawanan iti koriente

• 1,583 nga agibumbunannag ti nangpanaw iti balayda wenno naibakuit

• 216 a balay ken 16 a Kingdom Hall ti adda bassit perdina

• 7 a balay ti nakaro ti perdina

• 3 a balay ti nadadael

• Tultulongan dagiti manangaywan iti sirkito ken dagiti panglakayen dagiti kakabsat nga agkasapulan iti makan, danum, pagyanan, ken dadduma pay. Supsuportaran dayta ti Disaster Relief Committee a datin a nabukel para iti Hurricane Laura. Agtultuloy nga alerto dagiti kakabsat ken sursurotenda ti amin a pagannurotan tapno maliklikan ti COVID-19

Ad-adda met a ginagetan dagiti panglakayen kadagita a lugar ti panangipastorda. Imbaga ti maysa a panglakayen: “Nakaskasdaaw a makita ti bileg nga ipapaay ni Jehova kadagitoy a kakabsat. Sigurado a ‘bileg a nalablabes ngem iti gagangay’ dayta.”—2 Corinto 4:7.

Agyamantayo ken Jehova ta agtultuloy a maysa a “pagkamangan ken proteksion” para kadagiti ipatpategtayo a kakabsat a naapektaran kadagitoy a napalabas a bagyo.—Isaias 4:6.