Sipud idi Hulio 4, 2019, adda dagiti napipigsa a ginggined ken dagiti aftershock a nangdayyeg iti makin-abagatan a California iti rehion ti Mojave Desert. Maysa kadagita ti 7.1-magnitude a ginggined a maibilang a maysa kadagiti kapigsaan a nairekord a napasamak iti daytoy a lugar iti naglabas a dua a dekada.

Napasamak ti ginggined iti asideg ti siudad ti Ridgecrest, nga ayan ti 215 a Saksi ni Jehova. Adda tallo nga agibumbunannag a nadangran. Ngem nagsayaat ta awan ti nakaro a nadangran kadagiti kakabsattayo. Sigun iti damo a report, adda pito nga agibumbunannag a napapanaw iti balayda. Kasta met, pito a balay dagiti kakabsattayo ti nakaro a nadadael ken 35 ti nakapasar iti babbabassit a dadael. Kanayonanna, dua a Kingdom Hall ti naperdi ti dadduma a pasetna.

Dua a manangaywan iti sirkito ti mangidadaulo iti panangsaranay iti lugar. Liwliwaen ken pabpabilgen dagiti manangaywan iti sirkito ken dagiti lokal a panglakayen dagiti kakabsat a naapektaran iti ginggined.

Ikararagtayo nga agtultuloy nga ipaayan ni Jehova dagiti kapammatiantayo iti sirib a kasapulanda tapno mapagballigianda dagiti natural a didigra a kas kadagitoy.—Proverbio 2:6-8.