AGOSTO 23, 2019
UNITED STATES
St. Louis, United States—2019 “Ti Ayat Saan a Pulos Agpatingga”! nga Internasional a Kombension
Petsa: Agosto 16-18, 2019
Lokasion: The Dome at America’s Center iti St. Louis, Missouri, United States
Lengguahe ti Programa: English, Croatian
Kangatuan a Bilang ti Immatender: 28,122
Bilang ti Nabautisaran: 224
Bilang ti Delegado Manipud iti Agduduma a Pagilian: 5,000
Naawis a Sangay: Argentina, Australasia, Britain, Canada, Central Europe, Colombia, Croatia, Czech-Slovak, Finland, France, Japan, Pilipinas, Poland, Portugal, Scandinavia, Serbia, South Africa
Kapadasan: Inkomento ni Martin Gulley, ti external communications manager ti Metrolink: “Mabalin nga ibagam nga ay-ayatem ti maysa a tao. Mabalin nga ibagam nga ay-ayatem ti maysa a banag. Ngem saan a pudno nga ayat dayta no saanka nga agtignay. Ipakpakitayo ti ayat buyogen ti aramid. Nakapakpakumbabakayo, ket ti ayat ti mamagbalin kadagiti tattao a napakumbaba, saan a napangato. Ammo dagiti tattao nga agtrabtrabahoak iti Metrolink gapu iti daytoy nga ID. Ngem mabigbigdakayo kas Saksi ni Jehova gapu iti ayatyo.”
Innayon met ni Jerry Vallely, ti external communications manager ti Bi-State Development (maysa a kompania a nakapokus iti panagdur-as ti ekonomia iti St. Louis): “Saan la a basta agor-organisarkayo. Pampanunotenyo no kasano a magunggonaan dagiti tattao; dagiti man gagayyemyo, dagiti empleado iti siudad, wenno dakami nga empleado ti Metrolink. Ikabkabilanganyo ti amin a marikna dagiti makatrabahoyo ken ar-aramidenyo ti amin a kabaelanyo tapno agbalin a nasaysayaat ti amin.”
Dagiti lokal a kakabsat a mangur-uray kadagiti sumangpet a delegado iti St. Louis Lambert International Airport
Dagiti delegado a makiramraman iti cart witnessing a kadua dagiti kakabsat iti sentro ti St. Louis
Dagiti kakabsat a mangdaldalus iti “The Dome,” nga awag iti venue, sakbay ti kombension
Tallo kadagiti 224 a kabbaro a kakabsat a nagpabautisar
Ni Brother David Splane, a miembro ti Bagi a Manarawidwid, a mangiparparang iti maudi a palawag iti maikatlo nga aldaw ti kombension
Nakaisem dagiti delegado bayat a dumdumngegda iti programa
Iti Domingo, agpaypayapay dagiti agserserbi iti espesial nga amin-tiempo a naggapu iti agduduma a pagilian
Dagiti delegado ken kakabsat nga agpikpiktiur
Maragragsakan dagiti delegado a mangbuybuya kadagiti animal iti Saint Louis Zoo
Kitkitaen dagiti delegado ti maysa a Biblia—maysa kadagiti manmano a kopia ti King James Version 1611 nga edision. Nakaukrad ti Salmo 83:18, ken nakadispley iti St. Louis Public Library. Naluktan ti Biblia iti dayta a teksto para kadagiti agpasiar a delegado
Agtutubo a kakabsat nga agkankanta iti evening gathering
Baka Kayatmo Met ti
MAIPAPAN KADAKAMI
Atenderam ti 2024 a Kombension—“Ipakaammo ti Naimbag a Damag!”
Naimpusuan nga awisendaka nga umatender iti tallo nga aldaw a kombension nga insagana dagiti Saksi ni Jehova ita a tawen.
