Idi Agosto 8, 2023, gapu iti napigsa nga angin ti bagyo alisto a nagwaras ti uram iti Maui, ti maikadua a kadakkelan nga isla iti Hawaii, U.S.A. Dinadael dagiti apuy dagiti linia ti komunikasion, balay, ken negosio. Iti dadduma a lugar, imbilin dagiti lokal nga autoridad ti inkapilitan a panagbakuit. Di kumurang a 97 a tattao ti kompirmado a natay. Sebsebseban met dagiti bombero dagiti babassit a wildfire iti Big Island iti Hawaii.

Dagiti sumaganad nga impormasion ket naibasar iti damo a report dagiti lokal a kakabsat.

• Makapaladingit ta maysa a nataengan a brother ti natay gapu iti wildfire

• 307 a kakabsat ti nagbakuit

• 42 a balay ti nadadael

• 2 a balay ti nakaro ti pannakadadaelna

• 38 a balay ti saan unay a nadadael

• Maysa a Kingdom Hall ti medio nadadael

• Mangipapaay dagiti manangaywan iti sirkito ken lokal a panglakayen iti naespirituan ken praktikal a tulong kadagidiay naapektaran iti didigra

• Adda naapointaran a Disaster Relief Committee a mangidaulo iti panangsaranay

Ur-urayentayo ti tiempo inton pukawen ti Pagarian ti Dios dagiti makadadael a paniempo a mangap-apektar iti adu a tattao, a pakairamanan dagiti kakabsattayo, bayat dagiti maudi nga al-aldaw.—Marcos 4:39.