Colosas 3:1-25
3 Nupay kasta, no naibangonkayo+ a naikanunong iti Kristo, itultuloyyo a sapulen ti bambanag sadi ngato,+ a sadiay ti Kristo situtugaw iti makannawan ti Dios.+
2 Pagtalinaedenyo a naipamaysa dagiti panunotyo iti bambanag sadi ngato,+ saan nga iti bambanag iti rabaw ti daga.+
3 Ta nataykayo,+ ket ti biagyo+ naidulin a nairaman iti Kristo a naikaykaysa+ iti Dios.
4 Inton ti Kristo, a biagtayo,+ maiparangarang, iti kasta maiparangarangkayto+ met a mairaman kenkuana iti kinadayag.+
5 Papatayenyo,+ ngarud, dagiti kameng ti bagiyo+ nga adda iti rabaw ti daga no maipapan iti pannakiabig, kinarugit, panaggartem iti sekso,+ makapasakit a tarigagay, ken kinaagum,+ a dayta ket idolatria.
6 Maigapu kadagidiay a bambanag umay ti pungtot ti Dios.+
7 Kadagidiay met laeng a banag, nagnakayo met iti naminsan idi agbibiagkayo kadagita.+
8 Ngem ita pudno nga iwaksiyo amin dagita manipud kadakayo,+ pungtot, unget, kinadakes, nabassawang a sasao,+ ken naalas+ a sasao manipud iti ngiwatyo.
9 Dikay pagulbodan ti maysa ken maysa.+ Uksobenyo ti daan a personalidad+ agraman dagiti aramidna,
10 ket kawesanyo ti bagbagiyo iti baro+ a personalidad, a babaen iti umiso a pannakaammo mapabpabaro maitunos iti ladawan+ Daydiay nangparsua iti dayta,
11 nga iti dayta awan ti Griego wenno uray Judio, pannakakugit wenno uray di pannakakugit, ganggannaet, Escita, adipen, siwayawaya a tao,+ no di ket ni Kristo ti amin a bambanag ken adda iti isuamin.+
12 Ngarud, kas pinili ti Dios,+ nasantuan ken ay-ayaten, kawesanyo ti bagbagiyo kadagiti kinalailo ti pannakipagrikna,+ kinamanangngaasi, kinapakumbaba iti panagpampanunot,+ kinaalumamay,+ ken mabayag a panagitured.+
13 Itultuloyyo nga anusan ti maysa ken maysa ken sibubulos a pakawanen ti maysa ken maysa+ no ti asinoman adda pakaigapuan ti reklamona+ maibusor iti sabali. Kas iti sibubulos a panangpakawan kadakayo ni Jehova,+ kasta met ti aramidenyo.
14 Ngem, malaksid kadagitoy amin a banag, kawesanyo ti bagbagiyo iti ayat,+ ta dayta ket naan-anay a singgalut+ ti panagkaykaysa.
15 Kasta met, bay-anyo nga agturay kadagiti pusoyo+ ti talna+ ti Kristo, ta, iti kinapudnona, naayabankayo iti dayta iti maymaysa a bagi.+ Ket ipakitayo a managyamankayo.
16 Bay-anyo nga agtaeng a sibabaknang kadakayo ti sao ti Kristo iti isuamin a sirib.+ Itultuloyyo nga isuro+ ken bagbagaan ti maysa ken maysa babaen kadagiti salmo,+ daydayaw iti Dios, naespirituan a kankanta+ buyogen ti kinaparabur, nga agkankantakayo iti puspusoyo maipaay ken Jehova.+
17 Ket aniaman ti aramidenyo iti sao wenno iti aramid,+ aramidenyo ti amin a banag iti nagan ni Apo Jesus,+ nga agyamankayo+ iti Dios nga Ama baeten kenkuana.
18 Dakayo nga assawa a babbai, agpasakupkayo+ kadagiti assawayo, yantangay mayanatup dayta iti Apo.
19 Dakayo nga assawa a lallaki, itultuloyyo nga ayaten dagiti assawayo+ ket dikay agpungtot a sipapait kadakuada.+
20 Dakayo nga annak, agtulnogkayo+ kadagiti nagannakyo iti amin a banag, ta daytoy ket makaay-ayo unay iti Apo.
21 Dakayo nga amma, dikay rurruroden ti annakyo,+ tapno saan a maupay ti riknada.
22 Dakayo nga adipen, agtulnogkayo iti amin a banag kadagidiay appoyo iti nainlasagan a kaipapanan,+ saan a buyogen ti ar-aramid a panagserbi iti mata, a kas manangay-ayo iti tattao,+ no di ket buyogen ti kinapasnek ti puso, buyogen ti panagbuteng ken Jehova.+
23 Aniaman ti ar-aramidenyo, aramidenyo dayta nga amin-kararua+ a kas maipaay ken Jehova,+ ket saan a maipaay iti tattao,
24 ta ammoyo a manipud ken Jehova+ nga awatenyonto ti maitutop a gunggona ti tawid.+ Agpaadipenkayo iti Apo, a ni Kristo.+
25 Pudno unay a daydiay agar-aramid iti dakes awatennanto ti dakes nga inaramidna kas supapak,+ ket awan ti panangidumduma.+
