Deuteronomio 32:1-52
32 “Umimdengkayo, O langlangit, ket bay-andak nga agsao;Ket denggen koma ti daga ti sasao ti ngiwatko.+
2 Ti pammilinko agtedtedto a kas ti tudo,+Ti sasaok agaruyotto a kas ti linnaaw,+Kas arimukamok iti rabaw ti ruot+Ken kas naruay nga arbis iti rabaw ti mulmula.+
3 Ta ideklarakto ti nagan ni Jehova.+Ipakumityo ti kinanaindaklan iti Diostayo!+
4 Ti Bato, naan-anay ti aramidna,+Ta amin a daldalanna kinahustisia.+Maysa a Dios ti kinamatalek,+ a kenkuana awan ti di kinahustisia;+Isu nalinteg ken napalungdo.+
5 Nagtignayda iti makadadael iti biangda a mismo;+Saanna ida nga annak, adda kadakuada a mismo ti pilaw.+Maysa a kaputotan a nakillo ken tiritir!+
6 Maipaay kadi ken Jehova nga ar-aramidenyo ti kastoy,+O ili a maag ken saan a masirib?+Saan kadi nga isu ti Amam a nangpataud kenka,+Isu a nangaramid kenka ken nangted kenka iti kinatibker?+
7 Lagipem ti al-aldaw idi ugma,+Utobenyo ti tawtawen a naglabas manipud kaputotan agingga iti kaputotan;Imtuodem iti amam, ket mabalinna nga ibaga kenka;+Kadagiti lallakaymo, ket mabalinda a sawen dayta kenka.+
8 Idi a ti Kangatuan inikkanna dagiti nasion iti tawid,+Idi pinagsisinana+ ti annak ni Adan,Impasdekna ti beddeng ti il-ili+Sigun iti bilang ti annak ti Israel.+
9 Ta ti binglay ni Jehova isu ti ilina;+Ni Jacob isu ti bingay a tawidenna.+
10 Isu nasarakanna iti let-ang a daga,+Ken iti ongaong, nataguob a desierto.+Rinugianna a palawlawan,+ tapno taripatuenna,+Tapno saluadanna kas iti alintatao ti matana.+
11 Kas iti agila a gunggonenna ti umokna,Agalimpayag iti ngatuen dagiti urbonna,+Ukradenna dagiti payakna, alaenna ida,Awitenna ida kadagiti pawisna,+
12 Ni Jehova laeng ti nangiturturong kenkuana,+Ket awan ti naikadua kenkuana a ganggannaet a dios.+
13 Pinagsaksakayna kadagiti nangato a disso ti daga,+Iti kasta kinnanna ti bunga ti talon.+Ket pinagsussusopna iti diro manipud napasdok a bato,+Ken lana manipud pimmamulinawen a bato;+
14 Mantekilia ti pangen ken gatas ti arban+Agraman taba dagiti bulog a karnero,Ken kalakian a karkarnero, ti tubo ti Basan, ken kalakian a kalkalding+Agraman taba ti bekkel ti trigo;+Ket ti dara ti ubas inin-inummo kas arak.+
15 Idi nangrugi a lumukmeg ti Jesurun,+ idin kimmugtar.+Limmukmegka, immakabaka, namutittitka.+Gapuna binaybay-anna ti Dios, a nangaramid kenkuana,+Ket inumsina ti Bato+ ti pannakaisalakanna.
16 Rinugianda a ginargari nga agimon+ babaen ti ganggannaet a didios;+Babaen ti nakarimrimon a bambanag intultuloyda a pinagrurod.+
17 Nagisaksakripisioda kadagiti sairo, saan nga iti Dios,+Didios a saanda a naammuan,+Kabbaro a nabiit pay a dimteng,+A saan nga am-ammo dagidi ammayo.
18 Ti Bato a nangputot kenka, linipatmo,+Ket ti Dios rinugiam nga iwaksi iti lagip, Daydiay mangipaspasngay kenka buyogen kadagiti panagpasikal.+
19 Idi nakita dayta ni Jehova, idin saanna a rinaem ida,+Gapu iti pannakasemsem nga impaay ti annakna a lallaki ken annakna a babbai.
20 Gapuna kinunana, ‘Ilemmengko ti rupak manipud kadakuada,+Kitaek no ania ti tungpaldanto kalpasanna.Ta isuda ket kaputotan ti kinabalusingsing,+Annak a kadakuada awan ti kinamatalek.+
21 Isuda, iti biangda, ginargaridak nga agimon babaen iti saan a dios;+Pinagluksawdak babaen kadagiti ubbaw nga idoloda;+Ket siak, iti biangko, gargariek ida nga agimon babaen kadagiti saan nga umili;+Babaen ti maysa a maag a nasion pagrurodekto ida.+
22 Ta iti ungetko napasgedan ti apuy+Ket sumgedto agingga idiay Sheol, ti kababaan a lugar,+Ket ibusennanto ti daga ken ti bungana+Ken paggayebgebennanto dagiti pamuon ti bambantay.+
23 Paaduekto dagiti didigra kadakuada;+Dagiti panak ibusekto kadakuada.+
24 Kumapsutdanto iti bisin+ ken lamuten ida ti nakabarbara a gurigor+Ken napait a pannakadadael.+Ket ibaonkonto kadakuada dagiti ngipen ti an-animal,+Agraman gita dagiti reptilia iti tapok.+
25 Iti ruar ulilaento ida ti kampilan,+Ket iti uneg aliaw,+Agpadpada iti agtutubo a lalaki ken birhen,+Agsussuso agraman ubanan a tao.+
26 Kinunak koma: “Iwarawarakto ida,+Ti panangdakamat kadakuada pagsardengekto manipud mortal a tattao,”+
27 No koma saanak a nagbuteng iti pannakasemsem manipud kabusor,+Di la ket ta mapagbiddutan dayta dagiti kabusorda,+Di la ket ta kunaenda: “Nabilbileg ti imami,+Ket saan a ni Jehova ti nangaramid iti isuamin daytoy.”+
28 Ta isuda ket nasion a kadakuada mapukaw ti pammatigmaan,+Ket iti tengngada awan pannakaawat.+
29 O no masiribda koma!+ Iti kasta utobenda koma daytoy.+Utobenda koma ti tungpalda kalpasanna.+
30 Kasano a ti maysa kamatenna ti sangaribu,Ket ti dua pagtalawenda ti sangapulo a ribu?+
Malaksid no inlako ida ti Batoda+Ket insuko ida ni Jehova.
31 Ta ti batoda saan a kas iti Batotayo,+Uray no dagiti kabusortayo ti mangikeddeng.+
32 Ta ti puon ti ubasda nagtaud iti puon ti ubas ti SodomaKen manipud kadagiti natukantukad a talon ti Gomorra.+
Dagiti ubasda ub-ubas a sabidong,Napait dagiti raayda.+
33 Ti arakda isu ti gita dagiti dadakkel nga ulegKen ti naulpit a sabidong dagiti kobra.+
34 Saan aya a naidulin kaniak,Nga addaan selio a naikapet iti dayta iti kamaligko?+
35 Kukuak ti pammales, ken pannusa.+Iti naituding a tiempo agkaglisto ti sakada,+Ta asidegen ti aldaw ti pannakadidigrada,+Ket agganat ti paspasamak a sisasagana nga agpaay kadakuada.’+
36 Ta ukomento ni Jehova ti ilina+Ket agladingitto gapu kadagiti adipenna,+Agsipud ta makitananto a nagpukaw ti saranayKet daydiay laeng awan gawgawayna ken awan patpategna ti adda.
37 Ket sigurado a kunaennanto, ‘Sadino ti ayan ti didiosda,+Ti bato a nagkamanganda,+
38 A nangnangan iti taba dagiti sakripisioda,+Nga immin-inum iti arak dagiti datonda nga inumen?+Tumakderda koma ket tulongandakayo.+Agbalinda koma a paglemmengan a lugar maipaay kadakayo.+
39 Kitaenyo ita a siak—siak daydiay+Ket awan didios a naikadua kaniak.+Mangpapatayak, ken mangbiagak.+Nangsugatak iti nakaro,+ ket siak—mangpaimbagakto,+Ket awan ti asinoman a makarabsut manipud iti imak.+
40 Ta itag-ayko ti imak a maiturong iti langit iti maysa a sapata,+Ket kunaek: “Kas sibibiagak agingga iti tiempo a di nakedngan,”+
41 No pudno a patademek ti sumilapsilap a kampilanko,+Ket petpetan ti imak ti panangukom,+Isupapakkonto ti pammales kadagiti kabusorko+Ken mangipaayak iti pannusa kadagidiay nakaro ti pananggurada kaniak.+
42 Bartekekto dagiti panak iti dara,+Bayat a ti kampilanko manganto iti lasag,+Agraman dara ti napapatay ken dagiti kautibo,Agraman ul-ulo dagiti panguluen ti kabusor.’+
43 Agragsakkayo, dakayo a nasnasion, agraman umilina,+Ta ibalesannanto ti dara dagiti adipenna,+Ket isupapaknanto ti pammales kadagiti kabusorna+Ket pudno a mangaramidto iti panangabbong maipaay iti daga ti ilina.”
44 Ngarud immay ni Moises ket sinaona amin a sasao daytoy a kanta iti pagdengngeg dagiti umili,+ isu ken ni Hosea nga anak ni Nun.+
45 Kalpasan a nalpas ni Moises a sawen amin dagitoy a sasao iti intero nga Israel,
46 kinunana kadakuada: “Igaedyo ti puspusoyo iti amin a sasao a sasawek kas pammakdaar kadakayo ita nga aldaw,+ tapno mabilinyo ti annakyo nga annadanda nga aramiden ti amin a sasao daytoy a linteg.+
47 Ta saan a sao nga awanan pateg maipaay kadakayo,+ no di ket kaipapananna ti biagyo,+ ken babaen itoy a sao mapaatiddogyo ti al-aldawyo iti rabaw ti daga a bumallasiwanyo iti Jordan tapno tagikuaenyo.”+
48 Ket ni Jehova nagsao ken Moises iti daytoy met laeng nga aldaw, a kunkunana:
49 “Sumang-atka itoy a bantay ti Abarim,+ Bantay Nebo,+ nga adda iti daga ti Moab, a sumango iti Jerico, ket kitaem ti daga ti Canaan, nga itedko iti annak ti Israel kas sanikua.+
50 Kalpasanna matayka iti bantay a sang-atam, ket maitiponka kadagiti kailiam,+ kas iti ipapatay ni Aaron a kabsatmo iti Bantay Hor+ ket naitipon kadagiti kailianna;
51 iti rason a nagtignaykayo a di situtudio kaniak+ iti tengnga ti annak ti Israel iti dandanum ti Meriba+ ti Cades idiay let-ang ti Zin; iti rason a saandak a sinantipikar iti tengnga ti annak ti Israel.+
52 Ta manipud iti adayo makitamto ti daga, ngem saankanto a sumrek sadiay iti daga nga itedko iti annak ti Israel.”+
