Ezequiel 13:1-23
13 Ket ti sao ni Jehova nagtultuloy a dumteng kaniak, a kunkunana:
2 “Anak ti tao, agipadtoka maipapan kadagiti mammadto ti Israel nga agipadpadto,+ ket masapul a kunaem kadagidiay agipadpadto manipud bukodda a puso,+ ‘Denggenyo ti sao ni Jehova.+
3 Daytoy ti kinuna ti Soberano nga Apo Jehova: “Asi pay dagiti maag+ a mammadto, a sumursurot iti bukodda nga espiritu,+ idinto ta awan ti nakitada!+
4 Kas kadagiti sora iti walangwalang a disdisso ti nagbalinan dagiti bukodmo a mammadto, O Israel.+
5 Sigurado a saankayto a sumang-at a sumrek kadagiti giwang,+ saankayto met a mangibangon iti pader a bato+ maipaay iti balay ti Israel, tapno makapagtakderkayo iti bakal iti aldaw ni Jehova.”+
6 “Nasirmatada ti saan a pudno ken ti naulbod a panagpadles,+ dagidiay nga agkunkuna, ‘Ti sao ni Jehova ket,’ idinto ta saan ida nga imbaon ni Jehova, ken nagurayda a pumudno ti maysa a sao.+
7 Saan aya a di pudno a sirmata ti nasirmatayo, ken naulbod a panagpadles ti sinaoyo, no kunaenyo, ‘Ti kuna ni Jehova ket,’ idinto ta siak awan sinaok?”’+
8 “‘Gapuna daytoy ti kinuna ti Soberano nga Apo Jehova: “‘Iti rason a nagsaokayo iti di kinapudno ket nagsirmatakayo iti ulbod, gapuna adtoy bumusorak kadakayo,’+ kuna ti Soberano nga Apo Jehova.”
9 Ket ti imak bimmusor kadagiti mammadto nga agsirsirmata iti di kinapudno ken agipadpadles iti ulbod.+ Iti nasinged+ a bunggoy ti ilik saandanto nga agtalinaed, ket iti pagipasalistaan ti balay ti Israel saandanto a maisurat,+ ket iti daga ti Israel saandanto nga umay;+ ket kasapulanto a maammuanyo a siak ti Soberano nga Apo Jehova,+
10 iti rason, wen, iti rason nga inyaw-awanda ti ilik, a kunkunada, “Adda talna!” idinto ta awan ti talna,+ ket adda maysa a mangibangbangon iti mamagsina a pader, ngem iti kinaubbaw+ nga adda dagidiay mangpalpalitada iti dayta iti pangpapuraw nga apug.’+
11 “Kunaem kadagidiay mangipalpalitada iti pangpapuraw nga apug a marbanto dayta. Sigurado a dumtengto ti maysa a manglayus a bayakabak, ket dakayo, O ur-uraro, agtinnagkayto, ket ti met laeng isisiplog dagiti allawig mamagsinasinanto.+
12 Ket, adtoy! marbanto ti pader. Saanto aya a maikuna kadakayo, ‘Sadino ti ayan ti pangalupkop a pinangpalitadayo?’+
13 “Gapuna daytoy ti kinuna ti Soberano nga Apo Jehova, ‘Pagbettakekto met ti isisiplog dagiti allawig iti pungtotko, ket iti ungetko addanto dumteng a manglayus a bayakabak, ket iti pungtot addanto ur-uraro a maipaay iti panangtalipupos.+
14 Ket rebbaekto ti pader a pinalitadaanyo iti pangpapuraw nga apug ket pagdissuekto iti daga, ket maiduyayyatto ti pamuonna.+ Ket isu sigurado a marbanto, ket agngudokayto iti tengngana; ket kasapulanto a maammuanyo a siak ni Jehova.’+
15 “‘Ket ipatinggakto ti pungtotko iti pader ken kadagidiay mangpalpalitada iti dayta iti pangpapuraw nga apug, ket kunaekto kadakayo: “Ti pader awanen, ket dagidiay mangpalpalitada iti dayta awandan,+
16 dagiti mammadto ti Israel nga agipadpadto iti Jerusalem ken agsirsirmata agpaay kenkuana iti sirmata ti talna,+ idinto ta awan ti talna,”’ kuna ti Soberano nga Apo Jehova.+
17 “Ket no maipapan kenka, O anak ti tao, iturongmo ta rupam+ maibusor iti annak a babbai dagiti kailiam isuda nga agak-akem kas mammadto+ manipud iti bukodda a puso,+ ket agipadtoka maibusor kadakuada.
18 Ket masapul a kunaem, ‘Daytoy ti kinuna ti Soberano nga Apo Jehova: “Asi pay dagiti babbai nga agdadait a mamagsangsangkamaysa kadagiti bedbed iti amin a siko ken mangar-aramid kadagiti abbungot iti ulo a maitutop iti tunggal rukod tapno aganup kadagiti kararua!+ Dagiti aya kararua a dakayo a babbai anupanyo isuda dagidiay kukua ti ilik, ket dagiti kararua a kukuayo isuda dagidiay taginayonenyo a sibibiag?
19 Ket tabbaawandakto aya iti ilik gapu iti rinakrakem a sebada ken gapu kadagiti pisi ti tinapay,+ tapno papatayenyo dagiti kararua a rebbeng a saan a matay+ ken tapno taginayonenyo a sibibiag dagiti kararua a rebbeng a saan nga agbiag babaen ti panagulbodyo iti ilik, dagiti managdengngeg iti ulbod?”’+
20 “Gapuna daytoy ti kinuna ti Soberano nga Apo Jehova, ‘Adtoy bumusorak kadagiti bedbedyo dakayo a babbai, a panganupyo kadagiti kararua a kasla agtaytayabda a bambanag, ket rabsutekto ida kadagiti takiagyo ket bulosak dagiti kararua nga an-anupanyo, karkararua a kasla agtaytayabda a bambanag.+
21 Ket pisangekto dagiti abbungotyo ket ispalek ti ilik iti imayo, ket iti imayo saandanton nga agbalin a maysa a banag a natiliw iti panaganup; ket kasapulanto a maammuanyo a siak ni Jehova.+
22 Gapu iti panamagliday iti puso ti maysa a nalinteg babaen ti kinaulbod,+ idinto ta siak saanak a namataud kenkuana iti saem, ken gapu iti panangpapigsa kadagiti ima ti maysa a nadangkes+ iti kasta saan a tumallikud iti dakes a dalanna tapno mataginayon a sibibiag,+
23 gapuna dakayo a babbai saankayto nga agtultuloy a makasirmata iti di kinapudno,+ ket saankayton+ nga agipadles+ iti panagpadles;+ ket ispalekto ti ilik iti imayo,+ ket kasapulanto a maammuanyo a siak ni Jehova.’”+
