Josue 12:1-24
12 Ita dagitoy ti ar-ari ti daga a pinarmek ti annak ti Israel ket kalpasanna ti dagada tinagikuada iti bangir ti Jordan nga agpaleleggakan ti init,+ manipud iti naapres a ginget ti Arnon+ agingga idiay Bantay Hermon+ ken ti intero nga Araba+ nga agpaleleggakan ti init:
2 Ni Sihon+ nga ari dagiti Amoreo, a nagnaed idiay Hesbon,+ agturturay manipud Aroer,+ nga adda iti igid ti naapres a ginget ti Arnon,+ ken iti tengnga ti naapres a ginget, ken iti kagudua ti Galaad agingga idiay Jaboc+ a naapres a ginget, ti beddeng ti annak ni Ammon,
3 ken iti Araba+ agingga iti baybay ti Kinneret+ nga agpadaya ken agingga iti baybay ti Araba, ti Asin a Baybay,+ iti daya iti turong ti Bet-jesimot,+ ken agpaabagatan iti baba dagiti darisdis ti Pisga.+
4 Ken ti teritoria ni Og+ nga ari ti Basan, ti natedda iti Refaim,+ a nagnaed idiay Astarot+ ken Edrei,+
5 ken nagturay idiay Bantay Hermon+ ken idiay Saleca ken iti intero a Basan,+ agingga iti beddeng dagiti Gesurita+ ken dagiti Maacatita,+ ken iti kagudua ti Galaad, agingga iti teritoria ni Sihon+ nga ari ti Hesbon.+
6 Ni Moises nga adipen ni Jehova ken ti annak ti Israel ti nangparukma kadakuada,+ kalpasanna ni Moises nga adipen ni Jehova intedna dayta a kas pannakasanikua kadagiti Rubenita+ ken kadagiti Gadita+ ken iti kagudua ti tribu ni Manases.+
7 Ket dagitoy ti ar-ari ti daga a pinarukma ni Josue ken ti annak ti Israel idiay bangir ti Jordan nga agpalaud, manipud Baal-gad+ iti ginget a tanap ti Libano+ ken agingga idiay Bantay Halac,+ a sumang-at idiay Seir,+ kalpasanna inted dayta ni Josue kadagiti tribu ti Israel kas pannakasanikua sigun kadagiti binglayda,+
8 iti nakabambantay a rehion ken idiay Sefela ken idiay Araba ken kadagiti darisdis ken idiay let-ang ken idiay Negeb+—dagiti Heteo, dagiti Amoreo+ ken dagiti Canaanita, dagiti Perizeo, dagiti Heveo ken dagiti Jebuseo:+
9 Ti ari ti Jerico,+ maysa; ti ari ti Ai,+ nga adda iti abay ti Bethel, maysa;
10 ti ari ti Jerusalem,+ maysa; ti ari ti Hebron,+ maysa;
11 ti ari ti Jarmut,+ maysa; ti ari ti Laquis,+ maysa;
12 ti ari ti Eglon,+ maysa; ti ari ti Gezer,+ maysa;
13 ti ari ti Debir,+ maysa; ti ari ti Geder, maysa;
14 ti ari ti Horma, maysa; ti ari ti Arad, maysa;
15 ti ari ti Libna,+ maysa; ti ari ti Adullam, maysa;
16 ti ari ti Makkeda,+ maysa; ti ari ti Bethel,+ maysa;
17 ti ari ti Tappua, maysa; ti ari ti Hefer,+ maysa;
18 ti ari ti Afek, maysa; ti ari ti Lassaron, maysa;
19 ti ari ti Madon,+ maysa; ti ari ti Hasor,+ maysa;
20 ti ari ti Simron-meron, maysa; ti ari ti Acsaf,+ maysa;
21 ti ari ti Taanac, maysa; ti ari ti Megiddo,+ maysa;
22 ti ari ti Kedes, maysa; ti ari ti Jocneam+ idiay Carmelo, maysa;
23 ti ari ti Dor iti pantok ti bantay ti Dor,+ maysa; ti ari ti Goiim idiay Gilgal, maysa;
24 ti ari ti Tirza, maysa; amin nga ar-ari tallopulo ket maysa.+
