Josue 19:1-51
19 Kalpasanna ti maikadua a pannaka-bunot+ rimmuar maipaay ken Simeon, maipaay iti tribu ti annak ni Simeon+ sigun iti pampamiliada. Ket ti tawidda naadda iti tengnga ti tawid ti annak ni Juda.+
2 Ket naadda kadakuada iti tawidda ti Beer-seba+ agraman ti Sheba, ken Molada,+
3 ken Hazar-sual+ ken Bala ken Ezem,+
4 ken Eltolad+ ken Betul ken Horma,
5 ken Siclag+ ken Bet-marcabot ken Hazar-susa,+
6 ken Bet-lebaot+ ken Saruhen; sangapulo ket tallo a siudad ken dagiti purokda.
7 Ain,+ Rimmon+ ken Eter ken Asan;+ uppat a siudad ken dagiti purokda,
8 ken amin dagiti purok nga adda iti intero nga aglikmut dagitoy a siudad agingga iti Baalat-beer,+ Rama+ iti abagatan. Daytoy idi ti tawid ti tribu ti annak ni Simeon sigun iti pampamiliada.
9 Ti tawid ti annak ni Simeon ket naggapu iti bingay ti annak ni Juda, agsipud ta ti binglay ti annak ni Juda dakkel unay idi maipaay kadakuada.+ Gapuna ti annak ni Simeon nakagun-odda iti sanikua iti tengnga ti tawidda.+
10 Sumaganad timpuar ti maikatlo a pannaka-bunot+ maipaay iti annak ni Zabulon+ sigun iti pampamiliada, ket ti beddeng ti tawidda isu idi ti agingga idiay Sarid.
11 Ket ti beddengda simmang-at nga agpalaud met agingga iti Mareal ket dimmanon agingga iti Dabeset ken dimmanon agingga iti naapres a ginget nga adda iti sanguanan ti Jocneam.+
12 Ket nagsubli manipud Sarid nga agpadaya nga agturong iti leleggakan ti init agingga iti ketegan ti Kislot-tabor ket rimmuar agingga iti Daberat+ ken simmang-at agingga iti Jafia.
13 Ket manipud sadiay bimmallasiw nga agpadaya nga agturong iti leleggakan ti init agingga iti Gat-hefer,+ agingga iti Et-kazin, ket rimmuar agingga iti Rimmon ket namarkaan agingga iti Nea.
14 Ket ti beddeng limmikaw iti dayta iti amianan agingga iti Hanaton, ket dagiti paginggaanna adda idi iti ginget ti Ifta-el,
15 ken Cattat ken Nahalal ken Simron+ ken Idala ken Betlehem;+ sangapulo ket dua a siudad ken dagiti purokda.
16 Daytoy idi ti tawid+ ti annak ni Zabulon sigun iti pampamiliada.+ Dagitoy idi dagiti siudad ken dagiti purokda.
17 Maipaay idi ken Isacar+ a rimmuar ti maikapat a pannaka-bunot, maipaay iti annak ni Isacar sigun iti pampamiliada.
18 Ket ti beddengda isu idi ti agingga iti Jezrael+ ken Kesulot ken Sunem,+
19 ken Hafaraim ken Shion ken Anaharat,
20 ken Rabbit ken Kision ken Ebez,
21 ken Remet ken En-gannim+ ken En-hadda ken Bet-pazez.
22 Ket ti beddeng dimmanon agingga iti Tabor+ ken Sahazuma ken Bet-semes, ket dagiti paginggaan ti keteganda adda idi idiay Jordan; sangapulo ket innem a siudad ken dagiti purokda.
23 Daytoy idi ti tawid ti tribu ti annak ni Isacar sigun iti pampamiliada,+ dagiti siudad ken dagiti purokda.
24 Idin ti maikalima a pannaka-bunot+ rimmuar maipaay iti tribu ti annak ni Aser+ sigun iti pampamiliada.
25 Ket ti beddengda isu idi ti Helcat+ ken Hali ken Beten ken Acsaf,+
26 ken Alamelec ken Amad ken Misal.+ Ket dimmanon nga agpalaud agingga iti Carmelo+ ken agingga iti Sihor-libnat,
27 ket nagsubli nga agpaleleggakan ti init agingga iti Bet-dagon ket dimmanon iti Zabulon+ ken iti ginget ti Ifta-el iti agpaamianan, agingga iti Bet-emec ken Neiel, ket rimmuar dayta agingga iti Cabul iti makannigid,
28 ken agingga iti Ebron ken Rehob ken Hammon ken Kana agingga iti aduan umilina a Sidon.+
29 Ket ti beddeng nagsubli agingga idiay Rama ken agingga iti nasarikedkedan a siudad ti Tiro.+ Ket ti beddeng nagsubli agingga idiay Hosa, ket sadiay baybay iti rehion ti Aczib+ dagiti paginggaanna,
30 ken Umma ken Afek+ ken Rehob;+ duapulo ket dua a siudad ken dagiti purokda.
31 Daytoy idi ti tawid ti tribu ti annak ni Aser sigun iti pampamiliada.+ Dagitoy idi dagiti siudad ken dagiti purokda.
32 Maipaay iti annak ni Neftali+ a rimmuar ti maikanem a pannaka-bunot,+ maipaay iti annak ni Neftali sigun iti pampamiliada.
33 Ket ti beddengda isu idi ti manipud Helef, manipud iti dakkel a kayo idiay Zaanannim,+ ken Adami-nekeb ken Jabneel agingga iti Laccum; ket dagiti paginggaanna adda idi idiay Jordan.
34 Ket ti beddeng nagsubli nga agpalaud agingga iti Aznot-tabor ket rimmuar manipud sadiay nga agturong iti Hukkok ket dimmanon iti Zabulon+ iti abagatan, ket iti Aser+ dimmanon iti laud ken iti Juda+ idiay Jordan nga agpaleleggakan iti init.
35 Ket dagiti nasarikedkedan a siudad isu ti Ziddim, Zer ken Hamat,+ Raccat ken Kinneret,+
36 ken Adama ken Rama ken Hasor,+
37 ken Kedes+ ken Edrei ken En-hasor,
38 ken Yiron ken Migdal-el, Horem ken Bet-anat ken Bet-semes;+ sangapulo ket siam a siudad ken dagiti purokda.
39 Daytoy idi ti tawid+ ti tribu ti annak ni Neftali sigun iti pampamiliada,+ dagiti siudad ken dagiti purokda.
40 Maipaay idi iti tribu ti annak ni Dan+ sigun iti pampamiliada a rimmuar ti maikapito a pannaka-bunot.+
41 Ket ti ketegan ti tawidda isu idi ti Zora+ ken Estaol ken Ir-semes,
42 ken Saalabbin+ ken Ajalon+ ken Itla,
43 ken Elon ken Timna+ ken Ekron,+
44 ken Eltequeh ken Gibbeton+ ken Baalat,+
45 ken Jehud ken Bene-berac ken Gat-rimmon,+
46 ken Me-jarcon ken Raccon, a ti ketegan adda iti sanguanan ti Joppe.+
47 Ket ti teritoria ti annak ni Dan nailet unay+ maipaay kadakuada. Ket simmang-at ti annak ni Dan ken nakigubatda a maibusor iti Lesem+ ket kinautiboda ken kinabilda dayta iti tadem ti kampilan. Idin tinagikuada dayta ket nagnaedda iti dayta, ket ti Lesem rinugianda nga awagan iti Dan, maitunos iti nagan ni Dan nga amada.+
48 Daytoy idi ti tawid ti tribu ti annak ni Dan sigun iti pampamiliada. Dagitoy idi dagiti siudad ken dagiti purokda.
49 Iti kasta nalpasda a biningbingay ti daga maipaay iti panangtagikua sigun kadagiti teritoriana. Idin ti annak ti Israel nangtedda iti tawid ken Josue nga anak ni Nun iti tengngada.
50 Kas imbilin ni Jehova intedda kenkuana ti siudad a kiniddawna,+ awan sabali, ti Timnat-sera,+ iti nakabambantay a rehion ti Efraim; ket rinugianna a bangonen ti siudad ket nagnaed iti dayta.
51 Dagitoy idi dagiti tawid a ni Eleazar a padi ken ni Josue nga anak ni Nun ken dagiti pannakaulo ti amma dagiti tribu ti annak ti Israel imbunongda+ a kas sanikua babaen ti panagbibinnunot idiay Silo+ iti saklang ni Jehova, idiay pagserkan ti tolda ti gimong.+ Iti kasta nalpasda a biningaybingay ti daga.
