Proverbio 15:1-33
15 Ti maysa a sungbat, no naalumamay, pagbaw-ingenna ti pungtot,+ ngem ti sao a makapasakit parnuayenna ti unget.+
2 Ti dila dagidiay masirib nasayaat ti maaramidanna buyogen ti pannakaammo,+ ngem ti ngiwat dagidiay maag agyesngaw iti kinamaag.+
3 Dagiti mata ni Jehova addada iti amin a lugar,+ a sisisiput kadagidiay dakes ken kadagidiay naimbag.+
4 Ti kinatalinaay ti dila ket kayo ti biag,+ ngem ti kinakillo iti dayta kaipapananna ti pannakarba iti espiritu.+
5 Ti asinoman a maag saanna a raemen ti disiplina ni amana,+ ngem ti asinoman a mangraem iti pannubngar nasaldet.+
6 Iti balay daydiay nalinteg adda naruay a pempen,+ ngem iti apit daydiay nadangkes adda pannakailaksid.+
7 Dagiti bibig dagidiay masirib agtultuloy nga agiwara iti pannakaammo,+ ngem saan a kasta ti puso dagidiay maag.+
8 Ti sakripisio dagidiay nadangkes nakarimrimon ken Jehova,+ ngem ti kararag dagidiay napalungdo pakaragsakanna.+
9 Ti dalan daydiay nadangkes nakarimrimon ken Jehova,+ ngem daydiay mangsursurot iti kinalinteg ayatenna.+
10 Ti disiplina dakes iti daydiay mangbaybay-a iti dana;+ asinoman a manggurgura iti pannubngar matayto.+
11 Ti Sheol ken ti lugar ti pannakadadael+ addada iti sanguanan ni Jehova.+ Anian nga ad-adda pay dagiti puso ti annak ti sangatauan!+
12 Ti managuy-uyaw saanna nga ayaten daydiay mangtubtubngar kenkuana.+ Kadagidiay masirib isu saanto a mapan.+
13 Ti narag-o a puso adda nasayaat nga ibungana iti rupa,+ ngem gapu iti saem ti puso adda ti nadanar nga espiritu.+
14 Ti mannakaawat a puso isu daydiay agbirok iti pannakaammo,+ ngem ti ngiwat dagiti maag a tattao isu daydiay agtarigagay iti kinamaag.+
15 Amin dagiti aldaw daydiay naparigatan dakesda;+ ngem daydiay maay-ayatan ti pusona addaan padaya a patinayon.+
16 Nasaysayaat ti bassit buyogen ti panagbuteng ken Jehova+ ngem iti naruay nga abasto ket pannakariribuk ti naipakuyog iti dayta.+
17 Nasaysayaat ti putahe a natnateng a sadiay adda ayat+ ngem iti toro a pinalukmeg iti kulluong ket gura ti naipakuyog iti dayta.+
18 Ti managpungtot a tao gutugotenna ti rinnupir,+ ngem daydiay nabannayat nga agunget pagulimekenna ti panagririri.+
19 Ti dalan daydiay nasadut ket kas iti alad a siitan,+ ngem ti dana dagidiay napalungdo ket dalan a nagaburan a silalantag.+
20 Ti masirib nga anak isu daydiay mamagrag-o iti ama,+ ngem ti maag a tao umsienna ni inana.+
21 Ti kinamaag maysa a panagrag-o iti daydiay awanan iti puso,+ ngem ti tao nga addaan panangilasin isu daydiay mapan a sililinteg.+
22 Adda pannakapaay dagiti gakat no sadino nga awan ti kompidensial a saritaan,+ ngem iti kinaadu dagiti manangbalakad adda maitungpal.+
23 Ti maysa a tao addaan panagrag-o iti sungbat ti ngiwatna,+ ket ti sao iti umiso a tiempona O anian a nagsayaat!+
24 Ti dana ti biag agpangato iti daydiay agtigtignay a buyogen ti pannakatarus,+ tapno maadaywanna ti Sheol iti baba.+
25 Ti balay dagidiay nangitan-ok iti bagbagida rakrakento ni Jehova,+ ngem ipasdeknanto ti beddeng ti balo a babai.+
26 Dagiti gandat daydiay dakes nakarimrimonda ken Jehova,+ ngem ti makaay-ayo a sasao nadalusda.+
27 Daydiay gumunggun-od iti nakillo a gunggona mangyeg iti pannakailaksid iti bukodna a balay,+ ngem ti gumurgura iti sagsagut isu daydiay agtultuloyto nga agbiag.+
28 Ti puso daydiay nalinteg agmennamenna tapno makasungbat,+ ngem ti ngiwat dagidiay nadangkes agyesngaw iti dakes a bambanag.+
29 Adayo ni Jehova kadagidiay nadangkes,+ ngem ti kararag dagidiay nalinteg denggenna.+
30 Ti kinaraniag dagiti mata+ pagrag-oenna ti puso;+ ti damag+ a naimbag palukmegenna dagiti tulang.+
31 Ti lapayag nga umimdeng iti pannubngar+ ti biag agtaeng iti mismo a nagtetengngaan dagiti masirib a tattao.+
32 Asinoman nga umadayo iti disiplina+ laksidenna ti bukodna a kararua, ngem daydiay umimdeng iti pannubngar gumunggun-od iti puso.+
33 Ti panagbuteng ken Jehova maysa a disiplina nga agturong iti sirib,+ ket sakbay ti dayag adda kinapakumbaba.+
