Sofonias 2:1-15
2 Aguurnongkayo a sangsangkamaysa, wen, aguurnongkayo,+ O nasion a saan nga aglusiaw iti bain.+
2 Sakbay a ti paglintegan agpasngay iti aniaman a banag,+ sakbay a ti aldaw limmabasen a kasla taep, sakbay a dumteng kadakayo ti sumsumged nga unget ni Jehova,+ sakbay a dumteng kadakayo ti aldaw ti unget ni Jehova,+
3 sapulenyo ni Jehova,+ dakayo amin a naemma iti daga,+ a nangannurot iti bukodna a hudisial a pangngeddeng. Sapulenyo ti kinalinteg,+ sapulenyo ti kinaemma.+ Nalabit+ maitalimengkayo iti aldaw ti unget ni Jehova.+
4 Ta, no maipapan iti Gaza, maysa a napanawan a siudad ti pagbalinannanto;+ ket ti Ascalon agbalin a langalang a rebbek.+ No maipapan iti Asdod,+ pagtalawendanto iti matuon;+ ket no maipapan iti Ekron, maparutto.+
5 “Asi pay dagidiay agnanaed iti rehion ti baybay, ti nasion dagiti Kereteo!+ Ti sao ni Jehova ket maibusor kadakayo. O Canaan, ti daga dagiti Filisteo, dadaelenkanto met, iti kasta awanto ti agnaed.+
6 Ket ti rehion ti baybay agbalinto a pagpaaraban,+ nga addaanda kadagiti bubon maipaay kadagiti pastor ken kulkulongan a bato maipaay kadagiti karnero.
7 Ket agbalinto a rehion maipaay kadagidiay nabatbati iti balay ti Juda.+ Agtaraondanto kadagita. Kadagiti balay ti Ascalon, iti rabii, agiddadanto a nakaunnat. Ta ni Jehova a Diosda iturongnanto ti asikasona kadakuada+ ket sigurado nga ummongenna nga isubli dagidiay kautibo kadakuada.”+
8 “Nangngegko ti panangumsi ti Moab+ ken ti nabassawang a sasao ti annak ti Ammon,+ a pinangumsida iti ilik ken pinagpaspasawda maibusor iti teritoriada.
9 Gapuna, kas sibibiagak,”+ kuna ni Jehova ti buybuyot, ti Dios ti Israel, “ti met laeng Moab agbalinto a kas iti Sodoma,+ ken ti annak ti Ammon+ kas iti Gomorra, maysa a lugar a tinagikua dagiti siitan, ken maysa nga abut ti asin, ken maysa a langalang a rebbek, agingga a mismo iti tiempo a di nakedngan.+ Samsamanto ida dagidiay nabatbati iti ilik, ket tagikuaento ida ti natda ti bukodko a nasion.+
10 Daytoy ti addanto kadakuada imbes a ti panagpannakkelda,+ agsipud ta inumsida ken nagpaspasawda maibusor iti ili ni Jehova ti buybuyot.+
11 Ni Jehova nakaam-amakto maibusor kadakuada;+ ta sigurado a papairennanto ti amin a didios ti daga,+ ket agruknoyto kenkuana dagiti tattao,+ tunggal maysa manipud iti dissona, amin dagiti isla ti nasnasion.+
12 “Dakayo met, dakayo nga Etiope,+ dakayonto ti tattao a napapatay babaen ti kampilanko.+
13 “Ket iyunnatnanto ti imana a maiturong iti amianan, ket dadaelennanto ti Asiria.+ Ket pagbalinennanto ti Nineve a maysa a langalang a rebbek,+ maysa nga awanan danum a rehion a kas iti let-ang.
14 Ket iti tengngana, sigurado nga agiddanto a nakaunnat dagiti pangen, amin dagiti atap nga animal ti maysa a nasion.+ Agpadpada a ti mangngaput ken ti anaping+ busbosendanto ti rabii iti mismo a nagtetengngaan dagiti paratok ti adigina.+ Ti maysa a timek agkankantanto iti tawa. Addanto panagwalangwalang iti arsadanan; ta sigurado nga iduyayyatnanto ti mismo a kalupkop.+
15 Daytoy ti narag-o a siudad nga agtugtugaw idi a sitatalged,+ nga agkunkuna iti pusona, ‘Siak, ket awanen ti sabali.’+ O anian ti panagbalinna a banag a pagmalangaan, maysa a lugar a pagiddaan a nakaunnat dagiti atap nga animal! Tunggal maysa a lumabas kenkuana agsagawisiwto, iwallagesnanto ti imana.”+
