Zacarias 10:1-12
10 “Agkiddawkayo ken Jehova iti tudo+ iti tiempo ti tudo iti primavera,+ ken Jehova a mismo a mangar-aramid kadagiti ulep ti bagyo,+ ken isu a mangted kadakuada iti bayakabak ti tudo,+ mulmula iti talon iti tunggal maysa.+
2 Ta dagiti met laeng terafim+ nagsaoda iti karkarna; ket dagiti managipadles, iti biangda, nakasirmatada iti kinaulbod,+ ket isasaoda dagiti awanan pateg a tagtagainep, ket iti kinaubbaw a padasenda ti mangliwliwa.+ Dayta ti makagapu a sigurado a pumanawdanto a kas iti arban;+ maparigatandanto, agsipud ta awan ti pastor.+
3 “Bimmara ti ungetko maibusor kadagiti pastor,+ ket makikuentaakto+ maibusor kadagiti marakalding a panguluen;+ ta ni Jehova ti buybuyot inturongna ti asikasona iti pangenna,+ ti balay ti Juda, ket pinagbalinna ida a kas kabaliona+ nga addaan dayaw iti bakal.
4 Aggapu kenkuana ti kangrunaan a lalaki,+ aggapu kenkuana ti bumadbadang nga agturay,+ aggapu kenkuana ti bai a pakibakal;+ manipud kenkuana rummuar ti tunggal mamangulo iti akem,+ isuda amin.
5 Ket agbalindanto a kas nabileg a lallaki+ a bumaddebaddek iti pitak dagiti kalsada iti bakal.+ Ket makibakaldanto, ta ni Jehova adda kadakuada;+ ket dagiti sumasakay iti kabkabalio kasapulanto a mapasaranda ti pannakaibabain.+
6 Ket pagbalinekto a natantan-ok ti balay ti Juda, ket ti balay ni Jose isalakankonto.+ Ket ipaayakto ida iti pagnaedan, ta ipakitaakto ida iti asi;+ ket agbalindanto a kas kadagidiay saanko nga inwaksi;+ ta siak ni Jehova a Diosda, ket sungbatakto ida.+
7 Ket dagidiay kameng ti Efraim agbalindanto a kas iti nabileg a lalaki,+ ket agrag-onto ti pusoda a kasla gapu iti arak.+ Ket makitanto dagiti bukodda nga annak ket sigurado nga agrag-oda;+ ti pusoda agrag-onto ken Jehova.+
8 “‘Sultipakto+ ida ket ummongekto ida a sangsangkamaysa; ta sigurado a subbotekto+ ida, ket umadudanto, a kas kadagidiay immadu.+
9 Ket iwarawarakto ida a kasla bin-i iti tengnga dagiti ili,+ ket iti adayo a luglugar lagipendakto;+ ket maungarandanto agraman ti annakda ket agsublida.+
10 Ket isublikto ida manipud iti daga ti Egipto;+ ket manipud Asiria ummongekto ida a sangsangkamaysa;+ ket iti daga ti Galaad+ ken Libano iyegkonto ida, ket awan lugar a masarakanto maipaay kadakuada.+
11 Ket isu lumasatto iti baybay buyogen ti rigat;+ ket iti baybay kabilenna dagiti dalluyon,+ ket agmaganto amin dagiti kaadalman ti Nilo.+ Ket ti panagpannakkel ti Asiria maipababanto,+ ket suminanto+ ti mismo a setro+ ti Egipto.
12 Ket ken ni Jehova+ pagbalinekto ida a natantan-ok, ket iti naganna agsursordanto,’+ kuna ni Jehova.”
