Zacarias 11:1-17
11 “Luktam dagiti ruanganmo, O Libano,+ tapno ti apuy agalun-on kadagiti sedrom.+
2 Aganug-ogka, O kayo a parwa, ta natuangen ti sedro; agsipud ta naagawanen dagidiay nadaeg!+ Aganug-ogkayo, dakayo a nakarangrangpaya a kayo ti Basan, ta ti di mastrek a bakir narpuogen!+
3 Imdenganyo! Ti panaganug-og dagiti pastor,+ ta naagawanen ti kinatan-okda.+ Imdenganyo! Ti panagngernger dagiti burboran a bumaro a leon, ta naagawanen dagiti napannakkel a kasamekan iti igid ti Jordan.+
4 “Daytoy ti kinuna ni Jehova a Diosko, ‘Ipastoram ti arban a nairanta iti pannakapapatay,+
5 a dagiti aggatgatang kadakuada papatayenda+ ida nupay saanda a naibilang a nakabasol.+ Ket kunaen dagidiay mangilaklako+ kadakuada: “Bendito koma ni Jehova, bayat a makagun-odak iti kinabaknang.”+ Ket dagiti bukodda a pastor saanda a mangipakita iti aniaman a panangngaasi kadakuada.’+
6 “‘Ta saanakton a mangipakita iti panangngaasi kadagiti agnanaed iti daga,’+ kuna ni Jehova. ‘Gapuna adtoy aramidekto a masarakan ti sangatauan ti bagbagida, tunggal maysa iti ima ti kaduana+ ken iti ima ti arina;+ ket sigurado a rumekrumekendanto ti daga, ket saanakto a mangispal manipud imada.’”+
7 Ket impastorko ti arban+ a nairanta iti pannakapapatay,+ maigapu kadakayo, O naparigatan iti arban.+ Gapuna inyalaak ti bagik iti dua a sarukod.+ Ti maysa inawagak iti Kinamakaay-ayo,+ ket ti sabali inawagak iti Panagkaykaysa,+ ket impastorko ti arban.
8 Ket iti kamaudiananna nangpunasak iti tallo a pastor iti maysa a lunar a bulan,+ ta ti kararuak nagin-inut a nagbalin a di makaanus kadakuada,+ ken kasta met a ti bukodda a kararua kinarumennak.
9 Idi agangay kinunak: “Saankayton nga itultuloy nga ipastoran.+ Daydiay matmatay, bay-an a matay. Ket daydiay mapumpunas, bay-an a mapunas.+ Ket no maipapan kadagidiay nabatbati, bay-an nga alun-onenda, tunggal maysa ti lasag ti kaduana.”+
10 Iti kasta innalak ti sarukodko a Kinamakaay-ayo+ ket pinutedputedko,+ tapno rakrakek ti tulagko a pinatalgedak kadagiti amin nga ili.+
11 Ket narakrak iti dayta nga aldaw, ket dagidiay naparigatan iti arban+ a mangbuybuya+ idi kaniak naammuanda iti daytoy a wagas a dayta idi ti sao ni Jehova.
12 Idin kinunak kadakuada: “No naimbag kadagiti matayo,+ itedyo kaniak dagiti tangdanko; ngem no saan, agkedkedkayo.” Ket binayadanda dagiti tangdanko, tallopulo a kapisi a pirak.+
13 Iti kasta, kinuna kaniak ni Jehova: “Ipuruakmo dayta iti pagidulinan iti gameng+—ti nadaeg a pateg a nakapatgak iti panangmatmatda.”+ Gapuna innalak ti tallopulo a kapisi a pirak ket impuruakko iti pagidulinan iti gameng iti balay ni Jehova.+
14 Kalpasanna pinutedputedko ti maikadua a sarukodko, ti Panagkaykaysa,+ tapno rakrakek ti panagkabsat+ iti nagbaetan ti Juda ken Israel.+
15 Ket kinuna kaniak ni Jehova: “Iyalaam pay ta bagim iti ramramit ti awan serserbina a pastor.+
16 Ta adtoy bay-ak a tumakder ti maysa a pastor iti daga.+ Ti karnero a mapumpunas saannanto nga asikasuen.+ Ti urbon saannanto a sapulen, ket ti nadunor a karnero saannanto a paimbagen.+ Daydiay mangisasaad iti bagina saannanto nga abastuan iti taraon, ket ti lasag daydiay nalukmeg kanennanto,+ ket dagiti kuko ti karnero alas-asennanto.+
17 Asi pay ti pastorko nga awanan pateg,+ a mangbaybay-a iti arban!+ Ti kampilan agdissonto iti takiagna ken iti makannawan a matana. Di bumurong nga agmaganto ti bukodna a takiag,+ ket di bumurong a kumudrepto ti bukodna a makannawan a mata.”
