Zacarias 13:1-9
13 “Iti dayta nga aldaw+ maaddanto ti ubbog+ a silulukat iti balay ni David ken kadagiti agnanaed iti Jerusalem maipaay iti basol+ ken maipaay iti makaparurod a banag.+
2 “Ket mapasamakto iti dayta nga aldaw,” kuna ni Jehova ti buybuyot, “a gessatekto ti nagnagan dagiti idolo manipud iti daga,+ ket saandanton a malagip; ken kasta met dagiti mammadto+ ken ti espiritu ti kinarugit pagtalawekto iti daga.+
3 Ket mapasamakto a no kas pagarigan agipadtonto pay laeng ti maysa a tao, ni amana ken ni inana, dagidiay nangputot kenkuana, masapul a kunaenda met kenkuana, ‘Saankanto nga agbiag, agsipud ta kinaulbod ti sinaom iti nagan ni Jehova.’ Ket ni amana ken ni inana, dagidiay nangputot kenkuana, masapul nga isu salputenda gapu iti panagipadtona.+
4 “Ket mapasamakto iti dayta nga aldaw a mabainanto dagiti mammadto,+ tunggal maysa iti sirmatana inton agipadto; ket saandanto a mangikawes iti opisial a kawes a muldot+ iti panggep a panangallilaw.
5 Ket sigurado a kunaennanto, ‘Saanak a mammadto. Maysaak a tao a mangtaltalon iti daga, agsipud ta ti maysa a naindagaan a tao ginun-odnak manipud pay kinaagtutubok.’
6 Ket kunaento kenkuana ti maysa, ‘Ania dagitoy a sugat iti bagim iti nagbaetan dagita imam?’ Ket kasapulanto a kunaenna, ‘Dagidiay a nakakabilak iti balay dagiti nasged a managayat kaniak.’”
7 “O kampilan, agriingka a maibusor iti pastorko,+ uray pay maibusor iti nabaneg a lalaki a katimpuyogko,”+ kuna ni Jehova ti buybuyot. “Kabilem ti pastor,+ ket bay-am a mawarawara dagidiay adda iti arban;+ ket sigurado nga ibueltakto ti imak kadagidiay a nanumo.”+
8 “Ket mapasamakto iti intero a daga,” kuna ni Jehova, “a ti dua a kapaset iti dayta isunto ti magessat ken mauyosan iti biag;+ ket no maipapan iti kakatlo, mabatinto iti dayta.+
9 Ket ti kakatlo sigurado nga iyegkonto iti apuy;+ ket pudno a pasudiekto ida kas iti panangpasudi iti pirak,+ ket sukimatek ida kas iti panangsukimat iti balitok.+ Dayta, iti biangna, umawagto iti naganko, ket siak, iti biangko, sungbatakto.+ Kunaekto, ‘Isu ti ilik,’+ ket dayta, kunaennanto met, ‘Ni Jehova ti Diosko.’”+
