Ti Umuna a Cronicas 4:1-43
4 Ti annak ni Juda ket da Perez,+ Hezron,+ Carmi, Hur,+ ken Sobal.+
2 Ni Reaias nga anak ni Sobal ti ama ni Jahat; ni Jahat ti ama da Ahumai ken Lahad. Dagitoy ti pamilia dagiti Zoratita.+
3 Dagitoy ti annak ti ama ni Etam:+ Jezreel, Isma, ken Idbas (ket ni Hazelelponi ti kabsatda a babai),
4 ni Penuel ti ama ni Gedor, ken ni Ezer ti ama ni Husa. Dagitoy ti annak ni Hur,+ ti inauna ni Efrata ken ama ni Betlehem.+
5 Ni Asur+ nga ama ni Tekoa+ ket dua ti asawana, da Hela ken Naara.
6 Inyanak ni Naara da Ahuzam, Hefer, Temeni, ken Haahastari. Dagitoy ti annak ni Naara.
7 Ti annak ni Hela ket da Zeret, Izar, ken Etnan.
8 Ni Koz ti ama da Anub, Zobeba, ken dagiti pamilia ni Aharhel nga anak ni Harum.
9 Natantan-ok ni Jabez ngem kadagiti kakabsatna. Ni nanangna ti nangpanagan kenkuana iti Jabez,* a nagkuna: “Napalalo ti rigatko a nangyanak kenkuana.”
10 Inkararag ni Jabez iti Dios ti Israel: “Sapay koma ta bendisionannak ken palawaem ti teritoriak ket tulongan ken ispalennak iti didigra, tapno saanak a madangran!” Iti kasta, pinatgan ti Dios ti kiddawna.
11 Ni Kelub a kabsat ni Suha ti ama ni Mehir, nga ama ni Eston.
12 Ni Eston ti ama da Bet-rafa, Pasea, ken Tehina, nga ama ni Ir-nahas. Dagitoy ti lallaki ti Reca.
13 Ti annak ni Kenaz ket da Otniel+ ken Seraias, ken ti anak* ni Otniel ket ni Hatat.
14 Ni Meonotai ti ama ni Ofra. Ni Seraias ti ama ni Joab nga ama dagiti agnanaed iti Ge-harasim.* Naawaganda iti kasta ta ekspertoda a trabahador.
15 Ti annak ni Caleb+ nga anak ni Jefune ket da Iru, Elah, ken Naam. Ti anak* ni Elah ket ni Kenaz.
16 Ti annak ni Jehalelel ket da Zif, Zifa, Tiria, ken Asarel.
17 Ti annak ni Ezra ket da Jeter, Mered, Efer, ken Jalon. Inyanakna* da Miriam, Samai, ken Isba nga ama ni Estemoa.
18 (Ti asawana a Judio ti ina ni Jered nga ama ni Gedor, ken ni Heber nga ama ni Soco, ken ni Jekutiel nga ama ni Zanoa.) Dagitoy ti annak ni Bitia, nga anak a babai ni Faraon ken asawa ni Mered.
19 Ti annak ti asawa ni Hodias, ti kabsat a babai ni Naham, ket isu dagiti amma ni Keila a Garmita ken ni Estemoa a Maacatita.
20 Ti annak ni Shimon ket da Amnon, Rina, Ben-hanan, ken Tilon. Ti annak ni Isi ket da Zohet ken Ben-zohet.
21 Ti annak ni Sela+ nga anak ni Juda ket ni Er nga ama ni Leca, ni Laada nga ama ni Maresa, ken dagiti pamilia dagiti agar-aramid iti dekalidad a tela iti balay ni Asbea,
22 ken ni Jokim, dagiti lallaki ti Cozeba a da Joas ken Saraf, a nangasawa iti Moabita a babbai, ken ni Jasubi-lehem. Nagkauna dagitoy a rekord.*
23 Agdamdamili ken agnanaedda idiay Netaim ken Gedera. Nagnaed ken nagtrabahoda sadiay para iti ari.
24 Ti annak ni Simeon+ ket da Nemuel, Jamin, Jarib, Zera, ken Shaul.+
25 Ni Shaul ti ama ni Salum, nga ama ni Mibsam, nga ama ni Misma.
26 Ti annak ni Misma ket ni Hamuel, nga ama ni Zacur, nga ama ni Simei.
27 Addaan ni Simei iti annak a 16 a lallaki ken 6 a babbai; ngem manmano ti annak a lallaki dagiti kakabsatna a lallaki no idilig iti annak a lallaki dagiti annak ni Juda.+
28 Nagyanda idiay Beer-sheba,+ Molada,+ Hazar-sual,+
29 Bilha, Ezem,+ Tolad,
30 Betuel,+ Horma,+ Ziklag,+
31 Bet-marcabot, Hazar-susim,+ Bet-biri, ken Saaraim. Dagitoy ti siudadda agingga iti panagturay ni David.
32 Nagyanda idiay Etam, Ain, Rimmon, Token, ken Asan,+ lima a siudad,
33 agraman dagiti lugar iti aglawlaw dagitoy a siudad agingga idiay Baal. Dagitoy ti listaan ti kapuonanda ken dagiti lugar a nagnaedanda.
34 Da Mesobab, Jamlek, Josa nga anak ni Amazias,
35 Joel, Jehu nga anak ni Josibias nga anak ni Seraias nga anak ni Asiel,
36 Elioenai, Jaakoba, Jesohaias, Asaias, Adiel, Jesimiel, Benaias,
37 ken Ziza nga anak ni Sifi nga anak ni Alon nga anak ni Jedaias nga anak ni Simri nga anak ni Semaias.
38 Dagitoy a nainaganan ti panguluen dagiti pamiliada, ket dimmakkel ti sangakabbalayan dagidi ammada.
39 Napanda iti pagserkan ti Gedor, iti makindaya a paset ti sakaanan ti bantay, tapno agsapulda iti pangipastoranda kadagiti tarakenda.
40 Kamaudiananna, nakasarakda kadagiti naraber ken nasayaat a pagpastoran. Nalawa, natalna, ken awan ti mangrirriribuk iti dayta a daga. Dati nga agnanaed sadiay dagiti Hamita.+
41 Immay idi panawen ni Ari Ezekias+ ti Juda dagitoy a nailista ti naganda ket pinerdida dagiti tolda dagiti Hamita ken dagiti Meunim nga adda idi sadiay. Dinadaelda dagita kas makita ita nga aldaw; ket nagyanda iti dayta a lugar ta adda pangipastoranda kadagiti tarakenda.
42 Napan idiay Bantay Seir+ ti sumagmamano a Simeonita, 500 a lallaki. Indauluan ida ti annak ni Isi a da Pelatias, Nearias, Refaias, ken Uziel.
43 Pinarmekda ti dadduma pay nga Amalekita+ a nakalibas, ket nagnaedda sadiay agingga ita nga aldaw.
Footnotes
^ Ti nagan a Jabez ket mabalin a nainaig iti Hebreo a sao a kaipapananna, “ut-ot.”
^ Lit., “annak.”
^ Kaipapananna, “Tanap Dagiti Eksperto a Trabahador.”
^ Lit., “annak.”
^ Mabalin a tumukoy ken Bitia iti ber. 18.
^ Wenno “Dagiti sasao ket manipud iti daan a tradision.”
