Ti Umuna a Cronicas 5:1-26
5 Ti inauna nga anak ni Israel ket ni Ruben.+ Isu ti inauna, ngem gapu ta dinennaanna ti sabali nga asawa ni amana,*+ naited ti kalinteganna kas inauna kadagiti annak ni Jose+ nga anak ni Israel. Isu nga iti kapuonanda, saan a nailista kas inauna.
2 Nupay natantan-ok ni Juda+ ngem kadagiti kakabsatna ken agtaud kenkuana daydiay agbalin a lider,+ naited ken Jose ti kalintegan kas inauna.
3 Ti annak ni Ruben nga inauna ni Israel ket da Hanok, Palu, Hezron, ken Carmi.+
4 Ti annak ni Joel ket da Semaias nga ama ni Gog, nga ama ni Simei,
5 nga ama ni Mikias, nga ama ni Reaias, nga ama ni Baal,
6 nga ama ni Beerah, a tiniliw kas balud ni Ari Tilgat-pilneser+ ti Asiria; isu ti panguluen dagiti Rubenita.
7 Dagiti kakabsatna sigun iti pannakailista ti kapuonan ti pamiliada ket ni Jeiel, a pannakaulo, ni Zacarias,
8 ken ni Bela nga anak ni Azaz nga anak ni Sema nga anak ni Joel, nga agnanaedda idiay Aroer+ ken agingga idiay Nebo ken Baal-meon.+
9 Nagyan iti daya agingga iti pagserkan ti let-ang nga agturong iti Karayan Eufrates,+ ta immadu dagiti tarakenda idiay Gilead.+
10 Idi kaaldawan ni Saul, nakigubatda kadagiti Hagrita, ket inabakda ida isu a nagnaedda kadagiti tolda iti intero a daya ti Gilead.
11 Nagyan iti asidegda dagiti kaputotan ni Gad iti Basan agingga idiay Saleca.+
12 Idiay Basan, ni Joel ti pannakaulo, ni Safam ti maikadua, ken adda met sadiay da Janai ken Safat.
13 Dagiti kabagianda ket da Miguel, Mesulam, Sheba, Jorai, Jacan, Zia, ken Eber, pitoda amin.
14 Dagitoy ti annak ni Abihail nga anak ni Huri nga anak ni Jaroa nga anak ni Gilead nga anak ni Miguel nga anak ni Jesisai nga anak ni Jado nga anak ni Buz.
15 Ni Ahi nga anak ni Abdiel nga anak ni Guni ti ulo ti tribuda.
16 Nagnaedda idiay Gilead,+ iti Basan+ ken kadagiti ili iti aglawlawna, ken iti amin a pagpastoran ti Sharon agingga kadagiti pagpatinggaanda.
17 Naipalistada amin sigun iti kapuonanda idi panawen ni Ari Jotam+ ti Juda ken idi panawen ni Ari Jeroboam*+ ti Israel.
18 Addaan dagiti Rubenita, Gadita, ken ti kagudua ti tribu ni Manases iti 44,760 a nabileg a mannakigubat iti armadada a nakaawit iti kalasag, espada, ken bai,* ken nasanayda iti gubat.
19 Nakilabanda kadagiti Hagrita,+ kaputotan ni Jetur, Nafis,+ ken Nodab.
20 Gapu ta nagpatulongda iti Dios, tinulonganna ida a nanglaban kadagiti Hagrita ken iti amin a kakaduada, ta nagtalekda kenkuana.+
21 Innalada dagiti tarakenda—50,000 a kamelio, 250,000 a karnero, ken 2,000 nga asno—kasta met ti 100,000 a tattao.
22 Adu ti natay, ta ti pudno a Dios ti nakigubat.+ Nagnaedda iti lugarda agingga iti tiempo a naipanawda.+
23 Nagnaed dagiti kaputotan ti kagudua ti tribu ni Manases+ iti daga manipud Basan agingga idiay Baal-hermon ken Senir ken Bantay Hermon.+ Nakaad-aduda.
24 Dagitoy ti ulo dagiti pamiliada: Efer, Isi, Eliel, Azriel, Jeremias, Hodavias, ken Jadiel; nabibileg a mannakigubat, agdindinamag a lallaki, ken ulo dagiti pamiliada.
25 Ngem saan a nagmatalek iti Dios dagidi ammada ket nagdaydayawda kadagiti didiosen dagiti tattao iti daga,+ nga inibus ti Dios iti sanguananda.
26 Gapuna, nagtignay ti espiritu ti Dios ti Israel ken ni Ari Pul ti Asiria+ (kayatna a sawen, ni Ari Tilgat-pilneser+ ti Asiria) ket tiniliwna dagiti Rubenita, Gadita, ken ti kagudua ti tribu ni Manases ken impanna ida idiay Hala, Habor, Hara, ken iti karayan a Gozan+ nga ayanda agingga ita nga aldaw.
Footnotes
^ Lit., “rinugitanna ti pagiddaan ni amana.”
^ Kayatna a sawen, ni Jeroboam II.
^ Lit., “mangpilko iti bai babaen ti saka.”
