Ti Maikadua a Cronicas 22:1-12
22 Kalpasanna, dagiti umili ti Jerusalem pinagbalinda nga ari ti inaudi nga anakna a ni Ahazias, ta ti amin nga in-inauna nga annakna ket pinapatay ti grupo dagiti tulisan a kadua dagiti Arabo a rimmaut iti kampo.+ Gapuna, nagbalin nga ari iti Juda ni Ahazias nga anak ni Jehoram.+
2 Agtawen ni Ahazias iti 22 idi nagbalin nga ari, ket nagturay iti makatawen idiay Jerusalem. Ti nanangna ket ni Atalia+ nga apoko* ni Omri.+
3 Tinuladna met ti inaramid ti sangakabbalayan ni Ahab,+ ta ni nanangna ti nangisuro kenkuana nga agaramid iti dakes.
4 Inar-aramidna ti dakes iti imatang ni Jehova, kas iti sangakabbalayan ni Ahab, ta isuda ti nagbalin a mamalbalakadna idi natay ni amana, a dayta ti nakadadaelanna.
5 Sinurotna ti balakadda ket kimmuyog ken Jehoram nga anak ni Ari Ahab ti Israel a napan nakigubat ken Ari Hazael+ ti Siria idiay Ramot-gilead,+ a sadiay a nasugatan ni Jehoram gapu kadagiti pumapana.
6 Nagsubli ni Jehoram idiay Jezreel+ tapno agpaimbag iti sugat a linak-amna idiay Rama idi nakilaban ken Ari Hazael ti Siria.+
Napan idiay Jezreel ni Ahazias* nga anak ni Jehoram+ nga ari ti Juda tapno kitaenna ni Jehoram+ nga anak ni Ahab, ta nasugatan* idi.+
7 Ngem inaramat ti Dios ti isasarungkar ni Ahazias ken ni Jehoram kas pakadadaelanna; ta idi simmarungkar, kimmuyog ken Jehoram a sumabet ken Jehu+ nga apoko* ni Nimsi, a dinutokan ni Jehova a mangibus iti sangakabbalayan ni Ahab.+
8 Idi impakat ni Jehu ti pannusa iti sangakabbalayan ni Ahab, nasarakanna dagiti prinsipe ti Juda ken dagiti lallaki a kaanakan ni Ahazias, dagiti ministro ni Ahazias, ket pinatayna ida.+
9 Binirokna ni Ahazias. Tiniliwda iti paglemlemmenganna idiay Samaria, sa impanda ken Jehu. Kalpasanna, pinatay ken intabonda,+ ta kinunada: “Isu ti apoko ni Jehosafat, a nangsapul ken Jehova iti amin a pusona.”+ Awanen ti miembro ti sangakabbalayan ni Ahazias a mangituray iti pagarian.
10 Idi nakita ni Atalia+ nga ina ni Ahazias a natayen ti anakna, nagtignay tapno ibusenna ti amin a kaputotan ti ari* iti sangakabbalayan ti Juda.+
11 Ngem ni Jehosabeat a balasang ti ari innalana ni Jehoas+ nga anak ni Ahazias ket inlibasna manipud kadagiti annak ti ari a mapapatay, ken inlemmengna ni Jehoas iti maysa a makin-uneg a siled agraman ti agay-aywan kenkuana. Ni Jehosabeat nga anak ni Ari Jehoram+ (isu ti asawa ni Jehoiada+ a padi ken kabsat ni Ahazias) nailemmengna ni Jehoas manipud ken Atalia isu a saanna a napatay ti ubing.+
12 Innem a tawen a kaduana ida, a nakalemmeng iti balay ti pudno a Dios, bayat nga agturturay ni Atalia iti dagada.
Footnotes
^ Lit., “anak a babai.”
^ Iti dadduma a Hebreo a manuskrito, “Azarias.”
^ Wenno “masakit.”
^ Lit., “anak.”
^ Lit., “amin a bin-i ti pagarian.”
