Amos 3:1-15
3 “O tattao ti Israel, denggenyo daytoy nga imbaga ni Jehova maipapan kadakayo, maipapan iti intero a pamilia nga inruarna idiay Egipto:
2 ‘Kadagiti amin a pamilia iti daga, dakayo laeng ti am-ammok.+
Isu a dusaenkayo gapu iti amin a kamaliyo.+
3 Agkaduanto aya a magna ti dua a tao malaksid no nagtulagda?
4 Agngernger aya ti leon iti bakir no awan ti natiliwna?
Agngernger aya ti urbon a leon* manipud iti aponna no awan a pulos natiliwna?
5 Matnag aya ti billit iti silo nga adda iti daga no awan ti appan?*
Agpangato aya ti silo no awan ti nasiluanna?
6 No mapuyot ti tangguyob iti siudad, saan aya nga agtigerger dagiti umili?
No adda didigra iti siudad, saan aya a ni Jehova ti nangyeg iti dayta?
7 Ta saanto nga agaramid iti aniaman ti Kangatuan* nga Apo JehovaMalaksid no impalgaknan ti kompidensial a banagna* kadagiti adipenna a propeta.+
8 Nagngernger ti leon!+ Asino ti di agbuteng?
Nagsao ti Kangatuan nga Apo Jehova! Asino ti saan nga agipadto?’+
9 ‘Ipakaammoyo kadagiti natibker a torre idiay AsdodKen kadagiti natibker a torre idiay Egipto.
Ibagayo: “Aguummongkayo maibusor iti kabambantayan ti Samaria;+Kitaenyo ti mapaspasamak a riribukKen panangsaur sadiay.+
10 Ta saanda nga ammo ti agaramid iti umiso,” kuna ni Jehova,“Dagidiay mangpumpunno kadagiti natibker a torreda iti kinaranggas ken panangdadael.”’
11 Isu a daytoy ti imbaga ti Kangatuan nga Apo Jehova,‘Addanto kabusor a mangpalikmut iti daga,+Ikkatennanto ti kinaturaymo,Ket alaennanto ti kinabaknang kadagiti natibker a torrem.’+
12 Daytoy ti imbaga ni Jehova,‘Kas iti panangrabsut ti pastor iti dua a gurong wenno maysa a lapayag manipud iti ngiwat ti leon,Kastanto ti pannakarabsut dagiti tattao ti Israel,Dagidiay agtugtugaw idiay Samaria kadagiti nakapimpintas a kama ken sopa.’*+
13 ‘Dumngegkayo ken pakdaaranyo ti* sangakabbalayan ni Jacob,’ kuna ti Kangatuan nga Apo Jehova, ti Dios dagiti armada.
14 ‘Ta iti aldaw a dusaek ti Israel gapu iti amin a panagrebelde* nga inaramidna,+Dadaelekto met dagiti altar ti Bethel;+Maputedto dagiti sara ti altar ken matnagda iti daga.+
15 Dadaelekto ti balay a pagyanan no tiempo ti lam-ek ken ti balay a pagyanan no tiempo ti pudot.’
‘Mapukawto dagiti balay a marfil,+Ket marbanto ti dadakkel* a balbalay,’+ kuna ni Jehova.”
Footnotes
^ Wenno “burboran a bumaro a leon.”
^ Wenno mabalin a, “no awan ti appan iti unegna?”
^ Wenno “Soberano.”
^ Wenno “sekretona.”
^ Wenno “sopa dagiti taga-Damasco.”
^ Wenno “agtestigokayo maibusor iti.”
^ Wenno “krimen.”
^ Wenno mabalin nga, “adu.”
