Amos 4:1-13
4 “Denggenyo daytoy, dakayo a baka ti Basan,Nga adda iti bantay ti Samaria,+Dakayo a babbai a mangsasaur kadagiti kakaasi+ ken mangilupitlupit kadagiti napanglaw,A mangibagbaga kadagiti assawayo a lallaki,* ‘Mangyegkayo iti inumentayo!’
2 Gapu ta talaga a nasantuan ti Kangatuan* nga Apo Jehova, inkarina,‘“Kitaenyo! Um-umayen kadakayo dagiti aldaw inton ibitinnakayo babaen kadagiti kawit ti partidorKet mabanniitanto ti nabatbati kadakayo.
3 Lumsotto a rummuar ti tunggal maysa kadakayo kadagiti giwang ti pader;Ket maipalladawkayto idiay Harmon,” kuna ni Jehova.’
4 ‘Mapankayo idiay Bethel ket agbasolkayo,*+Idiay Gilgal ken ipapasyo ti agbasol!+
Iyegyo dagiti datonyo+ iti bigat,Ken dagiti apagkapulloyo+ iti maikatlo nga aldaw.
5 Mangpuorkayo iti tinapay nga adda lebadurana kas daton ti panagyaman;+Ipigsayo nga ipakaammo a nangtedkayo kadagiti boluntario a daton!
Ta dayta ti pagay-ayatyo nga aramiden, O tattao ti Israel,’ kuna ti Kangatuan nga Apo Jehova.
6 ‘Siak ti nangyeg iti bisin* iti amin a siudadyoIsu nga awan ti kinnanyo kadagiti balbalayyo;+Ngem saankayo a nagsubli kaniak,’+ kuna ni Jehova.
7 ‘Saanko met a pinagtudo iti lugaryo iti tallo a bulan sakbay ti panagani;+Pinagtudok iti maysa a siudad ngem saan iti sabali pay a siudad.
Matuduan ti sangakelleng* a talon,Ngem tikag iti sabali pay a sangakelleng.
8 Agkakapsuten a magna dagiti tattao iti dua wenno tallo a siudad tapno agbirok iti danum+ iti sabali a siudadKen awan ti makaanay nga inumenda;Ngem saankayo a nagsubli kaniak,’+ kuna ni Jehova.
9 ‘Dinidigrakayo iti makasinit a pudot ken panagbuot.+
Pinaaduyo dagiti hardin ken kaubasanyo,Ngem inibus ti dudon dagiti kayoyo a higos ken olibo;+Kaskasdi a saankayo a nagsubli kaniak,’+ kuna ni Jehova.
10 ‘Nangyegak iti makapapatay a sakit kadakayo kas iti inyegko idiay Egipto.+
Pinatayko iti espada dagiti agtutuboyo a lallaki+ ken innalak dagiti kabalioyo.+
Naangotyo ti buyok dagiti bangkay iti kampoyo;+Ngem saankayo a nagsubli kaniak,’ kuna ni Jehova.
11 ‘Dinadaelko ti dagayoKas iti panangdadaelko iti Sodoma ken Gomorra.+
Ket kaslakayo iti troso a naguyod manipud iti apuy;Ngem saankayo a nagsubli kaniak,’+ kuna ni Jehova.
12 Isu a kasta ti panangdusak kenka, O Israel.
Ket kasta ti aramidek kenka,Agsaganaka a sumango iti Diosmo, O Israel.
13 Ta, kitaem! Isu Daydiay nangaramid kadagiti bantay+ ken nangparsua iti angin;+Ipakaammona iti tao ti adda iti panunotna,Pagsipngetenna ti parbangon,+Ken magna kadagiti nangato a lugar ditoy daga;+Jehova a Dios dagiti armada ti naganna.”
Footnotes
^ Wenno “appoyo.”
^ Wenno “Soberano.”
^ Wenno “agrebeldekayo.”
^ Wenno “Saankayo nga inikkan iti makan.”
^ Wenno “sangasilong.”
