Amos 5:1-27
5 “O sangakabbalayan ti Israel, denggenyo daytoy a dung-awko* maibusor kadakayo:
2 ‘Natuangen ti birhen nga Israel;Saanen a makabangon.
Nabaybay-an iti bukodna a daga;Awan ti mangpatakder kenkuana.’
3 “Ta daytoy ti imbaga ti Kangatuan* nga Apo Jehova:
‘Ti siudad a mangibaon iti 1,000 a soldado, 100 laeng ti agsubli a sibibiag;Ken daydiay mangibaon iti 100 a soldado, 10 laeng ti agsubli a sibibiag. Daytoy ti mapasamak iti sangakabbalayan ti Israel.’+
4 “Ta daytoy ti imbaga ni Jehova iti sangakabbalayan ti Israel:
‘Birokendak ket agtultuloykayo nga agbiag.+
5 Saanyo a biroken ti Bethel,+Dikay mapan idiay Gilgal+ wenno bumallasiw iti Beer-sheba,+Ta sigurado a maipanaw ti Gilgal,+Ket awanto ti pagbalbalinan* ti Bethel.
6 Birokenyo ni Jehova ket agtultuloykayo nga agbiag,+Tapno saan a sumgiab a kas iti apuy iti sangakabbalayan ni Jose,A manguram iti Bethel, ket awan ti makaiddep iti dayta.
7 Pinagbalinyo ti kinahustisia a kas iti mula nga ajenjo,*Ken imbellengyo ti kinalinteg iti daga.+
8 Daydiay nangaramid iti Kimah a konstelasion* ken iti Kesil a konstelasion,*+Daydiay mamagbalin a nakasipsipnget ti agsapa,Daydiay mamagbalin iti aldaw a kas iti kasipnget ti rabii,+Daydiay mangay-ayab iti dandanum ti baybayTapno ibuyatna ida iti rabaw ti daga+—Jehova ti naganna.
9 Dadaelenna dagiti napigsa,Perdienna dagiti napaderan a siudad.
10 Kagurada dagidiay adda iti ruangan a mangmangted iti pannubngar,Ken busorenda dagidiay agsasao iti pudno.+
11 Gapu ta pilitenyo a singiren ti abang ti taltalonen* ti marigrigat,Ket alaenyo ti apitna kas pagbuisna,+Saankayto nga agtultuloy nga agyan kadagiti inaramidyo a balay a natikap a batbato+Wenno uminum iti arak a naggapu kadagiti napintas a kaubasan nga immulayo.+
12 Ta ammok no kasano kaadu ti panagrebelde* nga inaramidyoKen no kasano ti kinakaro dagiti basolyo—Idaddadanesyo dagiti nalinteg,Agal-alakayo iti pasuksok,Ken ipapaidamyo ti kalintegan dagiti marigrigat iti ruangan ti siudad.+
13 Isu nga iti dayta a tiempo, agulimekto dagiti mannakaawat,Ta tiemponto dayta ti didigra.+
14 Birokenyo ti naimbag, saan a ti dakes,+Tapno agtultuloykayo nga agbiag.+
Tapno maadda koma kadakayo ni Jehova a Dios dagiti armada,Kas iti ibagbagayo nga adda isuna kadakayo.+
15 Guraenyo ti dakes, ket ayatenyo ti naimbag,+Ipakatyo ti kinahustisia iti ruangan ti siudad.+
Bareng no maasian ni Jehova a Dios dagiti armadaKadagiti nabati iti sangakabbalayan ni Jose.’+
16 “Isu a daytoy ti imbaga ni Jehova a Dios dagiti armada, ni Jehova:
‘Addanto agsasangit iti amin a plasa,Ken ibagadanto iti amin a kalsada: “Ayna, ayna!”
Ayabandanto dagiti mannalon nga agdung-awKen uray dagiti matangtangdanan nga agdung-aw tapno agsangit.’
17 ‘Iti tunggal kaubasan addanto dagiti agsasangit;+Ta lumabasakto iti tengngam,’ kuna ni Jehova.
18 ‘Kaasi met dagidiay mangpadpadaan iti aldaw ni Jehova!+
Ania ngarud ti kaipapanan kadakayo ti aldaw ni Jehova?+
Nasipngetto, saan a nalawag.+
19 Kaslanto iti lalaki nga itartarayanna ti leon, ngem adda oso a masabatna,Ket inton sumrek iti balayna ken isadagna ti imana iti diding, adda uleg a mangkagat kenkuana.
20 Saan aya a nasipngetto ti aldaw ni Jehova ken saan a nalawag;Saan aya a nalidemto ken saan a naraniag?
21 Kagurak ken karurodko dagiti piestayo,+Ket saanak a maragsakan iti angot dagiti maidatdaton kadagiti nasantuan nga asambleayo.
22 Uray no ikkandak kadagiti sagut ken sibubukel a daton a mapuoran,Saankonto nga awaten dagita;+Ken saanak a maragsakan kadagiti nalukmeg nga animal nga idatonyo a pakikappia.+
23 Isardengyo dagiti makatitileng a kantayo;Ket diyo ipangngeg kaniak ti tokar dagiti dekuerdas nga instrumentoyo.+
24 Ipakatyo koma ti hustisia a kas iti agay-ayus a danum,+Ken ti kinalinteg a kas iti waig a saan a maatianan.
25 Inikkandak kadi kadagiti daton ken sagutBayat ti 40 a tawen a panagyanyo iti let-ang, O sangakabbalayan ti Israel?+
26 Ngem masapul nga itugotyonto ti ariyo a ni Sakkut ken ni Kaiwan,*Dagiti imahenyo, ti bituen ti diosyo nga inaramidyo,
27 Ket ipankayto agingga iti labes ti Damasco,’+ kuna daydiay agnagan iti Jehova a Dios dagiti armada.”+
Footnotes
^ Wenno “kanta ti panagladingitko.”
^ Wenno “Soberano.”
^ Wenno mabalin nga, “agbalinto a karkarna.”
^ Wenno “kinapait.”
^ Mabalin a dagiti bituen ti Pleiades iti konstelasion a Taurus.
^ Mabalin a ti Orion a konstelasion.
^ Wenno “buis ti daga.”
^ Wenno “krimen.”
^ Dagitoy a didiosen ket mabalin a tumukoy iti planeta a Saturn a madaydayaw idi kas dios.
