Amos 6:1-14
6 “Kaasi met dagiti agtaltalek iti bagida* idiay Sion,Dagidiay kampante ti riknada idiay bantay ti Samaria,+Dagiti prominente a tattao kadagiti kalatakan a nasion,Dagidiay pappapanan ti sangakabbalayan ti Israel!
2 Mapankayo idiay Calne tapno makitayo.
Kalpasanna, mapankayo idiay Dakkel a Hamat,+Sa mapankayo idiay Gat dagiti Filisteo.
Nasaysayaatda kadi ngem kadagitoy a pagarian,*Wenno nalawlawa kadi ti teritoriada ngem iti teritoriayo?
3 Saanyo kadi a kayat a panunoten ti aldaw ti didigra+Ken kaykayatyo kadi nga agari* ti kinaranggas?+
4 Agid-iddakayo kadagiti kama a marfil+ ken agil-iladkayo kadagiti sopa,+Mangmangankayo iti karne ti kalakian a karnero ti arban ken nalukmeg a baka;*+
5 Agimpuputarkayo iti kanta a maitunos iti uni ti arpa,*+Ken kas ken David, agim-imbentokayo kadagiti instrumento a pagtokar;+
6 Dadakkel a tasa ti pagin-inumanyo iti arak+Ken sapsapuanyo ti bagiyo kadagiti kasayaatan a lana.
Ngem dikay man la makipagrikna* iti pannakadidigra ni Jose.+
7 Dakayonto ngarud ti umuna kadagiti maipanaw,+Isu nga agsardengton ti panagragragsak dagiti nakailad.
8 ‘Inkari a mismo ti Kangatuan* nga Apo Jehova,’+ kuna ni Jehova a Dios dagiti armada,‘“Karurodko ti kinatangsit ni Jacob,+Kagurak dagiti natibker a torrena,+Isu nga iyawatkonto ti siudad ken dagiti adda iti dayta kadagiti kabusorna.+
9 “‘“Ken no 10 a lallaki ti nabati iti maysa a balay, mataydanto met.
10 Addanto kabagian* a mangiruar kadakuada ket saggaysa a puoranna ida. Iruarnanto iti balay dagiti tulangda; sa ibagana iti asinoman nga adda kadagiti kauunegan a kuarto iti balay, ‘Adda kadi pay kaduam?’ Isungbatnanto, ‘Awan!’ Ket ibagananto, ‘Agulimekka! Ta saan a daytoy ti tiempo a dakamaten ti nagan ni Jehova.’”
11 Ta ni Jehova ti nangibilin,+Ken rebbaennanto ti dakkel a balay,Ken rakrakennanto ti bassit a balay.+
12 Makataray aya dagiti kabalio iti bakras,Wenno addanto aya tao a pagaradona ti bakana sadiay?
Ta pinagbalinyo ti hustisia a makasabidong a mula,Ken pinagbalinyo ti bunga ti kinalinteg a kas iti mula nga ajenjo.*+
13 Maragragsakankayo iti awan serserbina a banag,Ken ibagbagayo, “Saan aya a nagbalinkami a mannakabalin* gapu iti bukodmi a pigsa?”+
14 Isu a mangibaonak iti nasion a bumusor kadakayo, O sangakabbalayan ti Israel,’+ kuna ni Jehova a Dios dagiti armada,‘Ket parigatendakayto manipud Lebo-hamat*+ agingga iti Karayan* ti Araba.’”
Footnotes
^ Wenno “agnamnam-ay.”
^ Nalawag a tumukoy kadagiti pagarian ti Juda ken Israel.
^ Lit., “agtugaw.”
^ Wenno “urbon a baka.”
^ Wenno “dekuerdas nga instrumento.”
^ Lit., “saankayo a nagsakit.”
^ Wenno “Soberano.”
^ Lit., “kabsat a lalaki ni amana.”
^ Wenno “kinapait.”
^ Lit., “nangalakami kadagiti sara para iti bagimi.”
^ Wenno “pagserkan ti Hamat.”
^ Karayan a maaddaan laeng iti danum no panagtutudo.