Amos 8:1-14
8 Daytoy ti impakita kaniak ti Kangatuan* nga Apo Jehova: Kitaem! Adda sangabasket a prutas ti kalgaw.
2 Ket kinunana: “Ania ti makitkitam, Amos?” Insungbatko: “Sangabasket a prutas ti kalgaw.” Kalpasanna, imbaga kaniak ni Jehova: “Dimtengen ti panungpalan ti ilik nga Israel. Saankonto idan a pakawanen.+
3 ‘Dagiti kanta iti templo ket agbalinto a dung-aw iti dayta nga aldaw,’+ kuna ti Kangatuan nga Apo Jehova. ‘Agkaiwaranto ti adu a bangkay+—awan ti agtagtagari!’
4 Denggenyo daytoy, dakayo a mangparparigat kadagiti napanglawKen mangdaddadael kadagiti naemma iti daga,+
5 A kunayo, ‘Kaano a malpas ti piesta ti baro a bulan+ tapno makapaglakokami iti bukbukel,Ken ti Sabbath+ tapno makapaglakokami iti bukbukel?
Tapno mapabassitmi ti efa a pagsukat*Ken manayonanmi ti kadagsen ti siklo,*Ket mapagbalinmi a saur dagiti timbangan;+
6 Tapno dagiti pobre ket magatangmi iti pirakKen dagiti napanglaw ket magatangmi iti sangaparis a sandalias,+Ken mailakomi ti awan serserbinan a bukbukel.’
7 Inkari a mismo ni Jehova, ti Pagpannakkel ni Jacob,+‘Diakto pulos malipatan ti amin nga inaramidda.+
8 Gapu iti daytoy, magunggonto ti daga,Ket agsangitto ti amin nga umili.+
Saan aya nga umadalemto dayta a kas iti Nilo,Ket nadawel ken naapresto a kas iti Nilo ti Egipto?’+
9 ‘Iti dayta nga aldaw,’ kuna ti Kangatuan nga Apo Jehova,‘Paglennekekto ti init iti tengnga ti aldaw,Ket pagsipngetekto ti daga iti nalawag nga aldaw.+
10 Pagbalinekto a panagsasangit dagiti piestayo+Ken dung-aw* ti amin a kantayo.
Mangibidangakto iti nakersang a lupot kadakayo amin ken pagkalbuek ti tunggal ulo;Pagbalinekto dayta a kas iti panagladingit iti ipapatay ti kakaisuna nga anak,Ket kas iti nasaem nga aldaw ti panagpatinggana.’
11 ‘Kitaenyo! Um-umayen dagiti aldaw,’ kuna ti Kangatuan nga Apo Jehova,‘Inton mangyegak iti nakaro a bisin iti daga,Saan a bisin iti makan wenno waw iti danum,No di ket iti panagdengngeg iti sasao ni Jehova.+
12 Agibar-ibardanto iti nadumaduma a baybay,Manipud amianan agingga iti daya.*
Agsursordanto nga agbirok iti sao ni Jehova, ngem didanto masarakan.
13 Iti dayta nga aldaw, matalimudawto dagiti napintas a babbalasang,Ken uray dagiti agtutubo a lallaki, gapu iti waw;
14 Isuda dagidiay mangisapsapata iti basol ti Samaria,+ ken mangibagbaga:“Isapatak iti nagan ti sibibiag a diosmo, O Dan!”+
Ken “Isapatak nga agingga nga adda dalan ti Beer-sheba!”+
Matumbadanto, ket saandanton a makabangon.’”+
