Maysa nga Apocalipsis ken Juan 20:1-15
20 Nakitak ti maysa nga anghel a bumabbaba manipud langit. Iggemna ti tulbek ti nakaun-uneg nga abut+ ken ti maysa a dakkel a kawar.
2 Tiniliwna ti dragon,+ ti nagkauna nga uleg,+ nga isu ti Diablo+ ken Satanas,+ ket kinawaranna iti 1,000 a tawen.
3 Intapuakna iti nakaun-uneg nga abut+ ket rinikpanna ken sinelioanna ti rabaw dayta, tapno dinan maallilaw dagiti nasion agingga a malpas ti 1,000 a tawen. Kalpasan dayta, masapul a maparuar iti apagbiit.+
4 Ket nakakitaak kadagiti trono. Dagidiay nagtugaw kadagita ket naikkan iti autoridad a mangukom. Wen, nakitak ti kararua* dagidiay napapatay* gapu iti panangsaksida ken Jesus ken panagsaoda maipapan iti Dios, ken dagidiay saan a nagdaydayaw iti narungsot nga animal wenno iti estatuana ken saan nga immawat iti marka iti mugingda ken iti imada.+ Nagbiagda ket nakipagturayda ken Kristo+ kas ar-ari iti 1,000 a tawen.
5 (Saan a nagbiag ti dadduma kadagiti natay+ agingga a nalpas ti 1,000 a tawen.) Daytoy ti umuna a panagungar.+
6 Naragsak ken nasantuan ti asinoman a mairaman iti umuna a panagungar;+ didanto mapadasan*+ ti maikadua nga ipapatay,+ no di ket agbalindanto a papadi+ ti Dios ken ti Kristo, ken makipagturayda kenkuana kas ar-ari iti 1,000 a tawen.+
7 Apaman a malpas ti 1,000 a tawen, maparuarto ni Satanas iti nakaibaludanna.
8 Rummuarto tapno allilawenna dagiti nasion iti uppat a suli ti daga, a tumuktukoy iti Gog ken Magog, tapno urnongenna ida para iti gubat. Ti bilangda ket kas iti darat ti baybay.
9 Nagwarasda iti intero a daga ket pinalikmutanda ti kampo dagiti nasantuan ken ti ay-ayaten a siudad. Ngem bimmaba ti apuy manipud langit ket inibusna ida.+
10 Ti Diablo a nangallilaw kadakuada ket naitapuak iti danaw nga apuy ken asupre, nga ayanen agpadpada ti narungsot nga animal+ ken ti ulbod a propeta;+ ket matutuokdanto* iti aldaw ken rabii iti agnanayon nga awan inggana.
11 Nakitak ti maysa a naindaklan a puraw a trono ken Daydiay nakatugaw iti dayta.+ Manipud iti sanguananna, nagtalaw ti daga ken ti langit,+ ket saandan a pulos a masarakan pay.
12 Nakitak dagiti natay, dagiti natan-ok ken nanumo, a nakatakder iti sanguanan ti trono, ket naukrad dagiti lukot. Ngem naukrad ti sabali pay a lukot; dayta ti lukot ti biag.+ Naukom dagiti natay kadagiti banag a naisurat kadagiti lukot sigun kadagiti aramidda.+
13 Inyawat ti baybay dagiti natay nga adda iti dayta, ket inyawat ni patay ken ti Tanem* dagiti natay nga adda kadakuada, ket naukom ti tunggal maysa sigun kadagiti aramidda.+
14 Ket naitapuak ni patay ken ti Tanem* iti danaw nga apuy.+ Kaipapanan dayta ti maikadua nga ipapatay,+ ti danaw nga apuy.+
15 Naitapuak met iti danaw nga apuy+ ti asinoman a saan a nasarakan a naisurat iti libro ti biag.+
