Eclesiastes 1:1-18
1 Ti sasao ti paraummong,+ ti anak ni David, nga ari idiay Jerusalem.+
2 “Awan serserbina!”* kuna ti paraummong,“Awan serserbina! Awan serserbi ti amin!”+
3 Ania ti magunggona ti tao iti amin a napasnek a panagtrabahonaA nagbannoganna iti baba ti init?+
4 Lumabas ti maysa a henerasion, ken umay ti maysa a henerasion,Ngem ti daga agtalinaed* iti agnanayon.+
5 Sumingising* ken lumnek ti init;Sa agdardaras* nga agsubli iti pagsingisinganna manen.+
6 Agpaabagatan ti angin sa agrikus nga agpaamianan;Agtultuloy nga agrikus ken saan a sumarsardeng.
7 Amin nga ayus* ket agturong iti baybay, ngem saan a mapno dayta.+
Agsubli ti ayus iti naggapuanna tapno agayus manen.+
8 Makabannog amin a banag;Awan pay ketdi ti makaibaga iti dayta.
Saan a kontento a kumita ti mata;Ken saan a mapnek a dumngeg ti lapayag.
9 Ti addan, addanto latta,Ken ti naaramiden, maaramidto manen;Awan ti baro iti baba ti init.+
10 Adda kadi makaibaga maipapan iti aniaman a banag, “Kitaem—baro daytoy”?
Nabayagen nga adda dayta;Addan sakbay pay a naaddatayo.
11 Awan ti makalagip kadagiti tattao iti napalabas;Awanto met ti makalagip kadagiti sumaruno nga umay;Ken saanto a malagip ida dagiti maud-udi pay.+
12 Siak, ti paraummong, nagbalinak nga ari ti Israel idiay Jerusalem.+
13 Inkagumaak nga usaren ti sirib+ a mangadal ken mangsukisok iti amin a banag a naaramid iti baba ti langit+—ti makapaupay nga aramid nga inted ti Dios a pakaseknan ti annak dagiti tattao.
14 Nakitak amin a naaramid iti baba ti init,Ket awan serserbi ti amin, maysa a panangkamat iti angin.+
15 Saanen a mailinteg ti killo,Ken imposible a bilangen ti awan.
16 Isu nga imbagak iti pusok: “Nakagun-odak iti nakaad-adu a sirib, ad-adu ngem iti asinoman nga immun-una kaniak idiay Jerusalem,+ ket naaddaan ti pusok iti adu a sirib ken pannakaammo.”+
17 Inkagumaak nga ammuen ti sirib ken kinamauyong* ken kinamaag,+ ket panangkamat met daytoy iti angin.
18 Ta adu a pannakaupay ti iyeg ti adu a sirib,Isu a ti mangpaadu iti pannakaammona papaaduenna ti rigatna.+
Footnotes
^ Wenno “Ubbaw.”
^ Lit., “agtakder.”
^ Wenno “Agsilnag.”
^ Wenno “agan-anangsab.”
^ Wenno “ayus iti tiempo ti lam-ek; ayus iti nagduduma a paniempo.”
^ Wenno “nakaro a kinamaag.”
