Habakuk 2:1-20
2 Agtalinaedakto a nakatakder iti pagguardiaak,+Ket agpuestoakto iti natibker a pader;Agtultuloyakto nga agbantay tapno makitak ti ibagana babaen kaniakKen ti isungbatko no matubngarak.
2 Insungbat kaniak ni Jehova:
“Isuratmo daytoy a sirmata, ket isuratmo a silalawag kadagiti tapi a bato,*+Tapno nalaka* a basaen daydiay mangbasa a sipipigsa.+
3 Ta matungpalto pay laeng ti sirmata iti naikeddeng a tiempo,Ken agal-alisto nga agpatingga,* ket saanto a mapaay.
Uray no mataktak,* namnamaem a matungpal!*+
Ta sigurado a pumudnonto.
Saanto a maladaw!
4 Kitaem ti napangas;*
Dakes ti kinataona.
Ngem agbiagto ti nalinteg gapu iti kinamatalekna.*+
5 Kinapudnona, gapu ta manangallilaw ti arak,Saanto a magun-od ti natangsit ti kalatna.
Pagbalinenna ti ganasna a mangan* a kas kadakkel ti Tanem;*Mayarig ken patay a saan a mapmapnek.
Ur-urnongenna ti amin a nasionKen um-ummongenna ti amin nga ili.+
6 Saanto kadi nga agsao amin dagitoy iti proverbio, panangiparipirip, ken burburtia maibusor kenkuana?+
Ibagadanto:
‘Kaasi pay ti mangur-urnong iti saanna a kukua—Kasano kabayag?—Ken ti mangpapaadu iti utangna!
7 Saanto kadi a dagus a busorendaka dagiti nakautangam?
Agriingdanto ket gunggonendaka iti napigsa,Ket agbalinkanto a banag nga alaenda.+
8 Gapu ta innalam ti sanikua ti adu a nasion,Alaento ti dadduma pay a tattao ti sanikuam,+Gapu ta nagibukbokka iti dara ti taoKen naranggaska iti daga,Kadagiti siudad ken kadagidiay agnanaed kadagita.+
9 Kaasi pay daydiay manggundaway para iti sangakabbalayanna,Tapno maikabilna ti umokna iti nangato a lugar,Iti kasta, makalibas iti ima ti kalamidad!
10 Implanom nga ibabain ti sangakabbalayam.
Agbasbasolka iti bagim* gapu iti panangpapataymo iti adu a tao.+
11 Ta agpukkawto ti maysa a bato iti pader,Ket sumungbatto ti maysa a kayo manipud iti atep.
12 Kaasi pay ti mangbangbangon iti siudad babaen ti panagibukbok iti dara,Ken mangar-aramid iti ili babaen ti kinakillo!
13 Saan kadi a ni Jehova a panguluen dagiti armada ti mangtignay kadagiti tattao a napasnek nga agtrabaho nga agtungpal laeng iti apuy,Ken agbannog dagiti nasion nga awan serserbina?+
14 Ta mapnonto ti daga iti pannakaammo iti dayag ni JehovaKas iti pannakapunno ti baybay iti danum.+
15 Kaasi pay ti mangted iti mainum kadagiti kaduana,A nayonanna dayta iti pungtot ken unget, tapno mabartekda,Ket makitana ti kinalamolamoda!
16 Mabsogkanto iti pannakaibabain imbes a dayag.
Uray sika—uminumka ken ipakitam a saanka a nakugit.*
Dumtengto ti batangmo nga uminum iti kopa iti kannawan nga ima ni Jehova,+Ket maabbonganto ti dayagmo iti pannakaibabain;
17 Ta maabbongankanto iti kinaranggas a naaramid idiay Lebanon,Ken mapasamakto kenka ti pannakadadael a nagbutngan dagiti animal,Gapu iti panagibukbokmo iti dara ti taoKen ti kinaranggasmo iti daga,Kadagiti siudad ken kadagidiay agnanaed kadagita.+
18 Ania ti magunggona iti kinitikitan nga imahen,Nga inkitikit laeng ti nangaramid iti dayta?
Ania ti magunggona iti metal nga estatua* ken iti mangisursuro iti kinaulbod,Uray no agtalek iti dayta ti nangaramidKen agaramid iti awan serserbina a didiosen a di makasao?+
19 Kaasi pay daydiay mangibaga iti maysa a kayo, “Agriingka!”
Wenno iti bato a di makasao, “Agriingka! Isuronakami!”
Nakalupkopan dayta iti balitok ken pirak,+Ket awan a pulos ti angesna.+
20 Ngem adda ni Jehova iti nasantuan a templona.+
Agulimekkayo iti sanguananna, intero a daga!’”+
Footnotes
^ Wenno “tabla.”
^ Wenno “nasayud.”
^ Wenno “a matungpal.”
^ Wenno “no kasla mataktak.”
^ Wenno “sigagagar nga urayem!”
^ Wenno “Kitaem! Bimsog ti kararuana.”
^ Wenno mabalin a, “pammatina; patpatienna.”
^ Wenno “ti kararuana.”
^ Wenno “kararuam.”
^ Wenno mabalin a, “ken agibar-ibarka.”
^ Wenno “sinukog nga estatua.”
