Isaias 30:1-33
30 “Kaasi pay dagiti nasukir nga annak,”+ kuna ni Jehova,“A mangitungtungpal kadagiti plano a saan a naggapu kaniak,+A makialiansa,* ngem saan a maitunos iti espirituk,Tapno paaduenda ti basol.
2 Napanda idiay Egipto+ a saanda a nagkonsulta kaniak,*+Tapno agkamangda iti proteksion* ni FaraonKen tapno agkamangda iti anniniwan ti Egipto!
3 Ngem pakaibabainanyonto ti proteksion ni Faraon,Ken maipababakayto gapu iti panagkamangyo iti anniniwan ti Egipto.+
4 Ta adda idiay Zoan dagiti prinsipena,+Ken nakadanon idiay Hanes dagiti mensaherona.
5 Ibabainto amin idaTi ili nga awan maitedna a pagimbaganda,Nga awan maitulongna ken awan serserbina,No di laeng pakaibabainan ken pakaumsian.”+
6 Ti mensahe maibusor kadagiti animal iti abagatan:
Iti daga ti riribuk ken rigat,Iti leon, ti ngumerngernger a leon,Iti karasaen ken iti napartak ken nagita nga uleg,*Impaawitda kadagiti asno ti kinabaknangda,Ken iti bukot dagiti kamelio dagiti abastoda.
Ngem saanto a magunggonaan kadagitoy dagiti tattao.
7 Ta awan serserbi ti tulong ti Egipto.+
Isu a pinanaganak: “Rahab,+ a nakatugaw lattan.”
8 “Inka isurat daytoy iti maysa a tabla iti sangoda,Ken isuratmo iti libro,+Tapno mausar iti masanguanan nga aldaw,Kas permanente a pammaneknek.+
9 Ta rebeliosoda a tattao,+ manangallilaw nga annak,+Annak a saan a dumdumngeg iti linteg* ni Jehova.+
10 Ibagada kadagiti pumaparmata, ‘Dikay kumita,’
Ken kadagiti managsirmata, ‘Diyo ibaga kadakami dagiti pudno a sirmata.+
Pammasablog* ti ibagayo kadakami; agsirmatakayo iti makaallilaw nga ilusion.+
11 Suminakayo iti dalan; sumiasikayo iti dana.
Isardengyo nga ibaga kadakami ti maipapan iti Daydiay Nasantuan ti Israel.’”+
12 Gapuna, daytoy ti kinuna Daydiay Nasantuan ti Israel:
“Gapu ta linaksidyo daytoy a sao+Ket agtalekkayo iti panangsaur ken panangallilawKen agpannuraykayo kadagitoy,+
13 Daytoy a biddutyo ket kaslanto iti nadadael a pader,Kas iti nagbirri a nangato a pader a dandanin marba.
Bigla ken alistonto a matumba dayta.
14 Maburakto dayta a kas iti dakkel a karamba,Marumekto ket awan ti mabati a pasetnaA pangkaraykay iti apuy iti urnoWenno pangtako iti danum iti pilaw.”*
15 Ta kinuna ti Kangatuan* nga Apo Jehova, Daydiay Nasantuan ti Israel:
“Maisalakankayto no agsublikayo kaniak ken aginanakayo;Napigsakayo no agtalinaedkayo a kalmado ken no agtalekkayo.”+
Ngem saanyo a kinayat.+
16 Imbagayo ketdi: “Saan, agkabaliokamto nga agtalaw!”
Isu nga agtalawkayto.“Ken agsakaykamto iti napapartak a kabalio!”+
Isu a napartakto dagiti mangkamat kadakayo.+
17 Agpigergerto ti sangaribu gapu iti pamutbuteng ti maysa;+Agtalawkayto gapu iti pamutbuteng ti limaAgingga a ti mabati kadakayo ket kas iti poste iti tuktok ti bantay,Kas pagilasinan a poste iti turod.+
18 Ngem siaanus nga agur-uray* ni Jehova tapno ipakitaannakayo iti pabor,+Ken agtignayto tapno kaasiannakayo.+
Ta ni Jehova ket Dios ti hustisia.+
Naragsak ti amin nga agtultuloy a mangnamnama* kenkuana.+
19 Inton agnaed dagiti tattao iti Sion, idiay Jerusalem,+ saankanton nga agsangit.+ Sigurado a kaasiannakanto no mangngegna ti panagpatulongmo; sumungbatto a dagus.+
20 Uray no pakanennakayo ni Jehova iti rigat ken painumennakayo iti pannakairurumen,+ saanton nga aglemmeng ti Naindaklan nga Instruktoryo,+ ket makitayonto a mismo ti Naindaklan nga Instruktoryo.
21 No kas pagarigan agpakannawan wenno agpakannigidkayo,+ makangngegkayto a mismo iti sao iti likudan, a kunana: “Daytoy ti dalan.+ Magnakayo iti dayta.”
22 Rugitanyonto ti pirak a naikalupkop kadagiti kinitikitan nga imahenyo ken ti balitok a naikalupkop kadagiti metal nga estatuayo.*+ Ibellengyonto dagita a kas lupot a nagreglaan ken ibagayo, “Pumanawkayo ditoy!”*+
23 Mangtedto ti Dios iti tudo para iti bin-i nga imulayo,+ ket adu ken nasayaatto* ti taraon a patauden ti daga.+ Iti dayta nga aldaw, agarabto dagiti tarakenyo kadagiti nalawa a pagpastoran.+
24 Dagiti baka ken asno a mangtaltalon iti daga ket manganto iti nasayaat a taraon* a naitaep babaen ti pala* ken tinidor.
25 Addanto dagiti waig ken ayus ti danum iti tunggal nangato a bantay ken turod,+ iti aldaw ti nakaro a panangpapatay inton marba dagiti torre.
26 Ti lawag ti kabus a bulan ket kaslanto iti lawag ti init. Mamimpitonto a naranraniag ti lawag ti init, kas iti lawag ti pito nga aldaw,+ inton aldaw a bedbedan ni Jehova ti sugat* ti ilina+ ken paimbagenna ti nakaro a sugatda gapu iti impalak-amna a rigat.+
27 Um-umay ti nagan ni Jehova manipud adayo,Sumsumged ti pungtotna ken napakuyogan iti napuskol nga ulep.
Napno ti bibigna iti unget,Ken kasla mangibus nga apuy ti dilana.+
28 Ti espirituna* ket kas iti napegges a layus a pagattengnged,Tapno gunggonenna dagiti nasion babaen ti yakayak ti pannakadadael;*Ken maikkanto iti rienda ti panga+ dagidiay mangyaw-awan kadakuada.
29 Ngem ti kantayo ket kaslanto iti kanta iti rabiiNo agsaganakayo* iti piesta,+Ken agrag-onto ti pusoyo a kas iti maysaA magmagna nga addaan iti* plautaNga agturong iti bantay ni Jehova, iti Dakkel a Bato ti Israel.+
30 Ipangngegto ni Jehova ti nadayag a timekna+Ken iparangna ti imana+ iti pangipapasanna iti pungtotna,+Babaen ti gil-ayab ti mangibus nga apuy,+Napigsa a tudo,+ bagyo nga adda gurruodna, ken agtinnag nga uraro.+
31 Ta gapu iti timek ni Jehova, agbutengto ti Asiria;+Kabilennanto dayta babaen ti sarukod.+
32 Tunggal iwasawas ni JehovaTi sarukodna a pangdusa iti Asiria,Matokarto dagiti pandereta ken arpa+Bayat nga usarenna ti imana a makigubat kadakuada.+
33 Ta insagananan ti Tofet;*+Naisagana met dayta iti ari.+
Pinauneg ken pinalawana ti pagyanan ti kayo,Babaen ti adu nga apuy ken kayo.
Pasgedanto daytaTi anges ni Jehova, kas iti agay-ayus nga asupre.
Footnotes
^ Lit., “mangibukbok iti naingel nga inumen,” nalawag a tumukoy iti pannakitulag.
^ Lit., “napaderan a siudad.”
^ Wenno “saanda a nagkonsulta iti ngiwatko.”
^ Lit., “tumaytayab nga umap-apuy nga uleg.”
^ Wenno “instruksion.”
^ Lit., “Nalamuyot a sasao.”
^ Wenno mabalin a, “pagurnongan iti danum.”
^ Wenno “Soberano.”
^ Wenno “agtultuloy a mangnamnama.”
^ Wenno “a sigagagar nga agur-uray.”
^ Wenno “sinukog nga estatuayo.”
^ Wenno mabalin a, “ken awaganyo ida iti rugit.”
^ Lit., “nataba ken nalanit.”
^ Wenno “taraon a nalaokan iti sorel.”
^ Wenno “suplad.”
^ Wenno “bullo.”
^ Wenno “angesna.”
^ Lit., “yakayak ti kinaawan pateg.”
^ Wenno “pagbalinenyo a nasantuan ti bagiyo.”
^ Wenno “iti uni ti.”
^ Ti “Tofet” ket piguratibo a lugar a pagpuoran, mangirepresentar iti pannakadadael.
