Isaias 38:1-22
38 Kadagidi nga aldaw, nagsakit ni Ezekias ket gistay natay.+ Gapuna, napan kenkuana ni propeta Isaias+ nga anak ni Amoz ket kinunana, “Daytoy ti imbaga ni Jehova: ‘Bilinem ti sangakabbalayam, ta mataykanto; saankanto nga umimbag.’”+
2 Simmango ni Ezekias iti diding ket inkararagna ken Jehova:
3 “Agpakaasiak kenka, O Jehova, pangngaasim ta lagipem+ ti kinamatalekko kenka iti amin a pusok,+ ken inaramidko ti naimbag iti imatangmo.” Nagsangit iti napalalo ni Ezekias.
4 Kinuna ni Jehova ken ni Isaias:
5 “Agsublika ket ibagam ken Ezekias,+ ‘Daytoy ti kinuna ni Jehova a Dios ni David nga apongmo: “Nangngegko ti kararagmo.+ Nakitak dagiti luam.+ Nayonak iti 15 a tawen ti biagmo,*+
6 ket isalakankanto agraman daytoy a siudad iti ima ti ari ti Asiria ken idepensakto daytoy a siudad.+
7 Daytoy ti pagilasinan nga impaay ni Jehova a mangipakita nga aramidento ni Jehova ti imbagana:+
8 Pagatrasekto iti 10 a tukad ti anniniwan ti init iti agdan* ni Ahaz.”’”+ Isu a nagatras ti anniniwan iti 10 a tukad ti agdan.
9 Daytoy ti surat* ni Ari Ezekias ti Juda idi nagsakit ken immimbag.
10 Kinunak: “Bayat a napigsaak payMapanak kadagiti ruangan ti Tanem.*
Maipaidamto kaniak dagiti nabatbati a tawenko.”
11 Imbagak: “Saankonto a makita ni Jah,* ni Jah iti daga dagiti sibibiag.+
Saankonton a makita ti tattaoInton agnaedakon iti lugar dagiti natay.
12 Ti pagnanaedak ket naparut ken naipanaw kaniakKas iti tolda ti maysa a pastor.+
Linukotko ti biagko kas iti panaglukot ti agab-abel;Pinugsatnak kas iti sinulid ti inabel.
Parparigatanennak iti agsapa agingga iti rabii.+
13 Pagkalkalmaek ti bagik agingga iti agsapa.
Kas iti leon, tukkotukkolenna ti amin a tulangko;Parparigatennak iti agsapa agingga iti rabii.+
14 Agtultuloyak nga aguni kas iti billit a langaylangayan wenno bulbul;*+Agtultuloyak nga agkukok kas iti kalapati.+
Mabannogak a kumita iti nangato:+
‘O Jehova, marigatanak unay;Tulongannak koma!’*+
15 Ania pay ti maibagak?
Isun ti nagsao ken nagtignay para kaniak.
Magnaak a sipapakumbaba* iti amin a tawenkoGapu iti nakaro a rigatko.*
16 ‘O Jehova, gapu kadagitoy a banag* agbiag ti amin a tao,Ken dagita ti biag ti espirituk.
Paimbagennakto ken taginayonennak a sibibiag.+
17 Imbes a talna, naparigatanak unay;Ngem gapu ta ay-ayatennak,Inispalnak iti abut ti pannakadadael.+
Impuruakmo amin a basolko iti likudam.*+
18 Ta saannaka a maipadayag ti Tanem,*+Saannaka a maidaydayaw ni patay.+
Dagidiay bumaba iti abut saanda a manamnama ti kinamatalekmo.+
19 Maidaydayawnaka ti sibibiag, wen, ti sibibiag,Kas iti kabaelak ita nga aldaw.
Maisuro ti ama iti anakna ti maipapan iti kinamatalekmo.+
20 O Jehova, isalakannak,Ket maakompaniaranto dagiti kantak kadagiti dekuerdas nga instrumento+Iti amin nga aldaw ti panagbiagmi iti balay ni Jehova.’”+
21 Kinuna ni Isaias: “Mangalakayo iti napagtitipkel a napakebbet a higos ken itapalyo iti busali, tapno umimbag.”+
22 Insaludsod ni Ezekias: “Ania ti pagilasinan nga umuliakto iti balay ni Jehova?”+
Footnotes
^ Lit., “al-aldawmo.”
^ Nalabit mausar dagitoy nga agdan a pangbilang iti oras, kas iti pagorasan a naibatay iti anniniwan ti init.
^ Wenno “komposision.”
^ Ti “Jah” ket napaababa a porma ti nagan a Jehova.
^ Lit., “Agbalinka koma a garantiak.”
^ Wenno mabalin a, “tipor.”
^ Wenno “sipapasnek.”
^ Wenno “iti pannakaparigat ti kararuak.”
^ Kayatna a sawen, dagiti sao ken aramid ti Dios.
^ Wenno “Inikkatmo amin a basolko iti imatangmo.”
