Jeremias 4:1-31
4 “No agsublika, O Israel,” kuna ni Jehova,“No agsublika kaniakKen no ikkatem dagiti makarimon nga idolom iti sanguanak,Saankanto ngarud nga agbalin a pugante.+
2 Ken no isapatam,‘Isapatak iti nagan ti sibibiag a Dios a ni Jehova!’ iti kinapudno, kinahustisia, ken kinalinteg,Magun-odanto ngarud dagiti nasion ti pamendisionko,Ket ipagpannakkeldak.”+
3 Ta daytoy ti kuna ni Jehova kadagiti tattao ti Juda ken ti Jerusalem:
“Araduenyo dagiti mamulmulaan a daga,Ken diyo itultuloy ti agmula iti nagbabaetan dagiti siitan.+
4 Agbalinkayo a nadalus+Iti sanguanan ni Jehova,*Dakayo a tattao ti Juda ken umili ti Jerusalem,Tapno saan a sumged ti pungtotko a kas iti apuyKen gumil-ayab nga awan ti asinoman a makaiddep,Gapu kadagiti dakes nga aramidyo.”+
5 Ibagayo dayta iti Juda, ket ipakaammoyo dayta iti Jerusalem.
Agpukkawkayo ken puyotanyo ti tangguyob iti intero a daga.+
Ipigsayo nga ibaga: “Aguummongtayo,Ket agkamangtayo kadagiti napaderan a siudad.+
6 Mangipatakderkayo iti senial* a sumango iti Sion.
Aglemmengkayo ken saankayo nga agtaktakder lattan,”
Ta mangyegak iti didigra nga aggapu iti amianan,+ maysa a nakaro a panangdadael.
7 Rimmuar a kas iti leon manipud iti kasamekan;+Um-umayen ti mangdadael kadagiti nasion.+
Rimmuar iti ayanna tapno pagbalinenna a nakabutbuteng ti dagayo.
Marpuogto dagiti siudadyo ket awanton ti agnaed kadagita.+
8 Isu nga agbadokayo iti nakersang,+Agsangit* ken aganug-ogkayo,Ta sumsumged pay laeng ti unget ni Jehova kadatayo.
9 “Iti dayta nga aldaw,” kuna ni Jehova, “kumapuyto ti pakinakem* ti ari,+Ken uray ti pakinakem* dagiti prinsipe;Kasta unay ti panagbutengto dagiti papadi, ken masdaawto dagiti propeta.”+
10 Kalpasanna, kinunak: “O Kangatuan* nga Apo Jehova! Talaga nga inallilawmo dagitoy a tattao+ ken ti Jerusalem, ta ibagbagam, ‘Addanto talna kadakayo,’+ idinto ta adda espada a nakalayat iti karabukobmi.”
11 Iti dayta a tiempo, maipakaammonto kadagitoy a tattao ken iti Jerusalem:
“Addanto makasinit nga angin manipud kadagiti kalbo a turod iti desierto.Dalapusennanto ti annak a babbai dagiti* tattaok;Saan nga umay mangwalis wenno mangdalus.
12 Dumteng ti napigsa nga angin gapu kaniak.
Ipakaammok itan ti panangukomko kadakuada.
13 Umay a kas kadagiti ulep ti tudo,Ken dagiti karuahena a kas iti angin ti bagyo.+
Nasigsiglat dagiti kabaliona ngem kadagiti agila.+
Kaasitayo pay ta madadaeltayon!
14 Dalusam ti pusom ket ikkatem ti kinadakesna, O Jerusalem, tapno maisalakanka.+
Kasano pay kabayag ti panangpampanunotmo iti dakes?
15 Ta adda timek a mangiwarwaras iti damag manipud idiay Dan,+Ket ipakpakaammona ti didigra manipud iti kabambantayan ti Efraim.
16 Ipadamagyo dayta, wen, kadagiti nasion;Ipakaammoyo dayta maibusor iti Jerusalem.”
“Um-umayen dagiti agbambantay* manipud iti adayo a lugar,Ket agpukkawda maikontra kadagiti siudad ti Juda.
17 Mapanda iti amin a sikiganna kas kadagiti guardia iti kataltalonan,+Ta nagrebelde kaniak,”+ kuna ni Jehova.
18 “Maisingirto kenka dagiti kababalin ken aramidmo.+
Nakaronto ti pannakadidigram,Ta simmalputen iti pusom ti kinadakesmo!”
19 Annayko,* annayko!
Nakaut-ut-ot ti pusok.*
Agkebbakebba ti barukongko.
Saanak a makatalna.Ta nangngegko ti uni ti tangguyob,Ti uni a mangpakdaar nga adda gubat.*+
20 Naipadamag ti agsasaruno a didigra,Ta nadadaelen ti intero a lugar.
Pagammuan ta nadadael dagiti toldak,Dagus a napigis dagiti tela ti toldak.+
21 Kasano kabayag a makitkitak ti senial,*Ken mangmangngegko ti uni ti tangguyob?+
22 “Ta maag dagiti tattaok;+Saandak nga ikaskaso.
Saanda a manakem nga annak, saanda a makaaw-awat.
Naglaingda* nga agaramid iti dakes,Ngem saanda nga ammo ti agaramid iti nasayaat.”
23 Kinitak dayta a lugar, ket kitaenyo! awanen ti aggigian ken nabaybay-anen.+
Kinitak ti langit, ket awanen ti lawagna.+
24 Kinitak ti bambantay, ket kitaenyo! aggingginedda,Ken magunggunggon dagiti turod.+
25 Kimmitaak, ket kitaenyo! awanen ti tao,Ken nagpapanawen ti amin a billit iti tangatang.+
26 Kimmitaak, ket kitaenyo! nagbalinen a let-ang ti dati a hardin,Narban ti amin a siudadna.+
Gapu dayta ken Jehova,Gapu iti sumsumged nga ungetna.
27 Ta daytoy ti kinuna ni Jehova: “Saanton a mapagnaedan ti intero a lugar,+Ngem saankonto nga interamente a dadaelen.
28 Gapu iti daytoy, agladingitto dayta a lugar,+Ken agsipngetto ti langit.+
Gapu ta imbagakon ken inkeddengkon,Ket saankonto a balbaliwan ti panunotko, wenno saankonto a babawyen dayta.+
29 Apaman a mangngeg ti uni dagiti kumakabalio ken pumapana,Agtalaw ti intero a siudad.+
Sumrekda kadagiti kasamekan,Ken ulienda dagiti dadakkel a bato.+
Mapanawan ti tunggal siudad,Ket awan ti tao nga agyan kadagita.”
30 Itan ta nadadaelka, ania ngaruden ti aramidem?
Nalabaga idi ti isusuotmo a badom,Balitok dagiti iyar-arkosmo iti bagim,Ken padpadakkelem dagita matam iti nangisit a pinta,*Awan serserbina ti panangpapintasmo iti bagim.+
Ta didakan kayat dagidiay narasuk a nakidendenna kenka;Kayatda itan a kettelen ti biagmo.*+
31 Ta nangngegko ti timek a kas iti timek ti masakit a babai,Ti panagrigat a kas iti mapaspasaran ti agdadamo nga aganak,Ti timek ti anak a babai ti Sion a marigrigatan nga umanges.
Ibagbagana bayat nga uk-ukradenna dagiti dakulapna:+
“Kakaasiak met, ta nabannogakon gapu kadagiti mammapatay!”
Footnotes
^ Lit., “Agpakugitkayo ken Jehova ken ikkatenyo ti makinruar a kudil ti pusoyo.”
^ Wenno “pagilasinan a poste.”
^ Wenno “Banugbogenyo dagiti barukongyo.”
^ Lit., “puso.”
^ Lit., “puso.”
^ Wenno “Soberano.”
^ Maysa a personipikasion, nalabit mangyebkas iti asi wenno simpatia.
^ Kayatna a sawen, dagiti parabantay iti siudad tapno maammuan no kaano ti iraraut.
^ Lit., “Bagisko.”
^ Lit., “dagiti diding ti pusok.”
^ Wenno mabalin a, “ti panagpupukkaw dagiti makigubat.”
^ Wenno “pagilasinan a poste.”
^ Wenno “Masiribda.”
^ Wenno “babaen ti kolorete.”
^ Wenno “biroken ti kararuam.”
