Jeremias 5:1-31
5 Sursorenyo dagiti kalsada ti Jerusalem.
Kitaenyo ti aglawlaw ken agsiputkayo.
Sursorenyo dagiti plasana tapno makitayoNo adda tao nga agar-aramid iti kinahustisia+Ken mangikagkagumaan nga agbalin a matalek,Ket pakawanekto ti siudad.
2 Uray no ibagbagada: “Isapatami iti nagan ti sibibiag a Dios a ni Jehova!”
Ulbod latta ti sapatada.+
3 O Jehova, saan kadi a birbirokem ti kinamatalek?+
Kinabilmo ida, ngem awan ti epektona kadakuada.*
Adu kadakuada ti dinadaelmo, ngem saanda nga inawat ti disiplina.+
Pinagbalinda ti rupada a natangtangken ngem iti dakkel a bato.+Ken saanda a kinayat ti agsubli kenka.+
4 Ngem kinunak iti bagik: “Sigurado nga awan serserbi dagitoy.
Kinamaag ti ar-aramidenda, ta saanda nga ammo ti dalan ni Jehova,Ti panangukom ti Diosda.
5 Mapanakto kadagiti prominente a tattao ket kasaritak ida,Ta mabalin nga ammoda ti dalan ni Jehova,Ti panangukom ti Diosda.+
Ngem isuda amin ti nangdadael iti sangolKen nangpugsat kadagiti galut.”*
6 Isu a darupen ida ti maysa a leon iti bakir,Rarauten ida ti maysa a lobo ti desierto a tanap,Siririing ti maysa a leopardo kadagiti siudadda.
Marangrangkay ti amin a rummuar kadagita.
Ta nakaad-adu ti basolda;Namin-adu nga impakitada a dida matalek.+
7 Kasanoka a mapakawan gapu iti daytoy?
Pinanawandak dagiti annakmo,Agsapsapatada iti saan a Dios.+
Intedko la ngaruden ti amin a kasapulanda,Ngem intultuloyda latta ti nakikamalala,Ket simrekda amin iti balay ti balangkantis.
8 Kasda la kadagiti naderrep ken narasuk a kabalio,Kakaiddaen ti tunggal maysa kadakuada ti asawa ti sabali a lalaki.+
9 “Saan aya a rumbeng laeng a singirek ida gapu kadagita?” kuna ni Jehova.
“Saan aya a rumbeng a balsek ti kasta a nasion?”+
10 “Serken ken dadaelenyo ti natukantukad a kaubasanna,Ngem diyo pukawen nga interamente dayta.+
Ikkatenyo dagiti agkalkalatkat a saringitna,Ta saan ida a kukua ni Jehova.
11 Gapu ta saan a pulos a matalek kaniakDagiti umili ti Israel ken Juda,” kuna ni Jehova.+
12 “Inlaksidda ni Jehova, ken sangkaibagada,‘Awan ti aniaman nga aramidenna.*+
Awanto ti didigra a dumteng kadatayo;Awanto ti gubat ken nakaro a bisin a mapasarantayo.’+
13 Awan kaes-eskanna ti ibagbaga dagiti propeta,Ket awan kadakuada ti sao.*
Mapasamak koma dayta kadakuada!”
14 Isu nga imbaga ni Jehova a Dios dagiti armada:
“Gapu ta kasta ti ibagbaga dagitoy a tattao,Pagbalinek nga apuy dagiti saok iti ngiwatmo,+Kasla kayo dagitoy a tattao,Ket daytanto ti mangpuor kadakuada agingga a dumapoda.”+
15 “Mangibaonak iti nasion a naggapu iti adayo a mangraut kenka, O Israel,”+ kuna ni Jehova.
“Maysa a nagkauna a nasion.
Nabayagen a nasion,Nasion a saanmo nga ammo ti lengguahena,Ken saanmo a maawatan ti panagsasaona.+
16 Ti pagkargaanda iti pana ket kas iti nakalukat a tanem;Aminda ket mannakigubat.
17 Ibusendanto dagiti apit ken tinapaymo.+
Patayendanto dagiti annakmo a lallaki ken babbai.
Alaendanto dagiti karnero, kalding, ken bakam.
Ibusendanto dagiti ubas ken higosmo.
Dagiti armasda ti mangdadaelto kadagiti napaderan a siudadmo a pagtaltalkam.”
18 “Ngem uray kadagidiay nga aldaw,” kuna ni Jehova, “saankayonto nga interamente a dadaelen.+
19 Ket no damagenda, ‘Apay nga inaramid amin dagitoy kadatayo ni Jehova a Diostayo?’ masapul nga isungbatmo kadakuada, ‘Gapu ta pinanawandak tapno agserbikayo iti sabali a dios iti dagayo, agserbikayonto met kadagiti ganggannaet iti daga a saanyo a kukua.’”+
20 Ipakaammom daytoy iti sangakabbalayan ni Jacob,Ken iwaragawagmo dayta idiay Juda:
21 “Denggenyo, dakayo a maag ken saan a manakem a tattao:*+
Adda matada ngem saanda a makakita;+Adda lapayagda ngem saanda a makangngeg.+
22 ‘Saankay kadi nga agbuteng kaniak,’ kuna ni Jehova,‘Saankay kadi nga agpigerger iti sanguanak?
Siak ti nangikabil iti kadaratan a pagpatinggaan ti baybay,Maysa a permanente a paglintegan a saanna a mabalin a sukiren.
Uray no agsabuag dagiti dalluyonna, saanda a makaballasiw;Uray no dumaranudorda, saanda latta a lumbes iti pagpatinggaanda.+
23 Ngem nasukir ken rebelioso ti puso dagitoy a tattao;Timmallikudda ken inaramidda ti kaykayatda.+
24 Ken saanda nga imbaga iti pusoda:
“Agbutengtayo itan ken Jehova a Diostayo,Daydiay mangmangted iti tudo iti panawenna,Iti nasapa a tudo ken iti naladaw a tudo,Daydiay mangipasigurado a maaddaantayo kadagiti naikeddeng a lawas ti panagaapit.”+
25 Gapu kadagiti kamaliyo, saan a dimteng dagita kadakayo;Naipaidam kadakayo ti nasayaat a bambanag gapu kadagiti basolyo.+
26 Ta adda dagiti managdakdakes iti tengnga dagiti tattaok.
Agsipsiputda a kas kadagiti kumkumleb nga agtiliw iti billit.
Mangipakatda iti makapapatay a silo.
Tattao ti tiliwenda.
27 Kas iti pagipupokan a napno iti billit,Kasta dagiti balayda a napno iti panangallilaw.+
Isu a bimmileg ken bimmaknangda.
28 Limmukmeg ken limmamuyotda;Nagkaro ti kinadakesda.
Saanda nga ilaban ti kalintegan dagiti awan amana,+Tapno laeng agballigida;Ken ipaidamda ti hustisia kadagiti napanglaw.’”+
29 “Saan aya a rumbeng laeng a singirek ida gapu kadagita?” kuna ni Jehova.
“Saan aya a rumbeng a balsek ti kasta a nasion?
30 Adda nakabutbuteng ken nakaam-amak a napasamak iti daga:
31 Ulbod ti ipadpadto dagiti propeta,+Ken us-usaren ti papadi ti autoridadda tapno mangiturayda.
Ket magusgustuan dayta dagiti tattaok.+
Ngem anianto ti aramidenyo inton umay ti panungpalan?”
Footnotes
^ Lit., “saanda a kimmapsut.”
^ Lit., “bedbed.”
^ Wenno mabalin nga, “Awan isuna.”
^ Kayatna a sawen, sao ti Dios.
^ Lit., “dakayo a maag a tattao nga awanan puso.”
