Job 11:1-20
11 Insungbat ni Zofar+ a Naamatita:
2 “Agtalinaed kadi a di masungbatan ti amin nga imbagam,Wenno agbalinka kadi nga umiso gapu iti adu a nasaom?*
3 Agulimekto kadi dagiti tattao gapu kadagiti awan serserbina nga imbagam?
Awan kadi ti mangtubngar kenka gapu iti makapasuron a sasaom?+
4 Ta ibagbagam, ‘Agpayso dagiti isursurok,+Ken nadalusak iti sanguanam.’+
5 Ngem no la koma agsao ti DiosKen kasaritanaka!+
6 Ipalgakna kenka dagiti sekreto ti kinasirib,Ta adu ti saklawen ti praktikal a sirib.
Iti kasta, maammuamto a kayat ti Dios a lipaten ti dadduma a basolmo.
7 Kabaelam kadi a takuaten dagiti nauneg a bambanag ti DiosWenno ammuen ti amin maipapan iti* Mannakabalin-amin?
8 Nangatngato dayta ngem iti langit. Ania ti maaramidam?
Naun-uneg ngem iti Tanem.* Ania ti maammuam?
9 At-atiddog dayta ngem iti daga,Ken ak-akaba ngem iti baybay.
10 No lumabas ket adda natiliwna ken idarumna iti korte,Asino ti makalapped kenkuana?
11 Ta ammona no mangal-allilaw dagiti tattao.
No adda dakes a makitana, saanna aya a mailasin?
12 Ngem sa la makaawat ti tao nga awan nagyan ti isipnaNo ti atap nga asno ket aganak iti tao.*
13 No la koma isaganam ta pusomKen ingatom dagiti imam nga agkararag kenkuana,
14 No dakes ti ar-aramidem, isardengmon,Dimo ipalubos nga adda kinakillo iti pagtaengam.
15 Tapno maisangom ta rupam gapu ta awan pakababalawam;Makapagtakderka a sititibker ken saanka a mabuteng.
16 Iti kasta, malipatamton ti rigatmo;Dimonton malagip dayta a kas iti nagayusen a danum.
17 Nalawlawagto ti biagmo ngem iti tengnga ti aldaw;Uray ti kinasipngetna ket agbalinto a kas iti agsapa.
18 Addanto kompiansam ta adda namnamam;Kitaemto ti aglawlawmo ket natalgedkanto.
19 Agiddakanto nga awan ti mangbutbuteng kenka,Ket adunto a tattao ti agpatulong kenka.
20 Ngem mabulsekto dagiti managdakdakes;Ket awanto ti pagkamanganda,Ken ti laengen ipapatay ti namnamada.”*+
Footnotes
^ Wenno “agbalin aya nga umiso ti napangas?”
^ Wenno “ammuen ti limitasion ti.”
^ Wenno “No ti atap nga asno ket mayanak a kas tao.”
^ Wenno “ipapatay ti kararua ti namnamada.”
