Joel 3:1-21
3 “Ta kadagidiay nga aldaw ken iti dayta a tiempo,Inton isublik dagidiay natiliw iti Juda ken Jerusalem,+
2 Ummongekto met ti amin a nasionKet isalogko ida iti Tanap* ni Jehosafat.*
Ukomekto ida sadiay+Maigapu iti ilik ken iti tawidko nga Israel,Ta inwarawarada ida kadagiti nasion,Ken pinagbibingayanda ti dagak.+
3 Ta pinagbibinnunotanda ti ilik;+Itedda ti ubing a lalaki kas sukat ti serbisio ti balangkantis,Ken ilakoda ti ubing a babai tapno makainumda iti arak.
4 Maysa pay, ania ti basolko kadakayo,O Tiro ken Sidon ken dakayo amin a rehion ti Filistia?
Adda kadi inaramidko tapno balsendak?
No agibalbaleskayo kaniak,Dagus nga ibaleskonto ti inaramidyo.+
5 Gapu ta innalayo ti pirak ken balitokko,+Ken impanyo dagiti kasayaatan a gamengko kadagiti temployo;
6 Ken inlakoyo kadagiti Griego dagiti umili ti Juda ken Jerusalem,+Tapno mapapanawyo ida iti teritoriada;
7 Tignayek ida nga umay manipud iti lugar a nangilakuanyo kadakuada,+Ket balsenkayto.
8 Ilakokto ti annakyo a lallaki ken babbai kadagiti umili ti Juda,+Ket ilakodanto ida kadagiti umili ti Sheba, iti nasion nga adayo;Ta ni Jehova a mismo ti nagsao iti dayta.
9 Iwaragawagyo daytoy kadagiti nasion:+
‘Saganaanyo* ti gubat! Tignayenyo ti nabileg a lallaki!
Umabante ken dumarup koma ti amin a soldado!+
10 Pitpitenyo ti subsob ti aradoyo a pagbalinen nga espada ken ti kumpayyo a pagbalinen a pika.*
Ibaga koma ti nakapuy: “Nabilegak.”
11 Umaykayo tumulong, dakayo amin a nasion iti aglawlaw, aguummongkayo!’”+
Iti dayta a lugar, O Jehova, ibaonmo ti nabileg a puersam.*
12 “Agtignay koma dagiti nasion ket sumang-atda iti Tanap* ni Jehosafat;Ta agtugawakto sadiay a mangukom iti amin a nasion iti aglawlaw.+
13 Usarenyo ti kumpay, ta natangkenanen ti anien.
Umulogkayo ket agpespeskayo iti ubas, ta napnon ti pagpespesan.+
Agliplippias dagiti tangke, ta nakaron ti kinadakesda.
14 Nakaad-adu a tao ti adda iti tanap* ti desision,Ta asidegen ti aldaw ni Jehova iti tanap* ti desision.+
15 Agsipngetto ti init ken bulan,Ket maawanto ti raniag dagiti bituen.
16 Agungorto ni Jehova iti Sion,Ipigsananto ti timekna iti Jerusalem.
Magunggonto ti langit ken daga;Ngem ni Jehova ti pagkamanganto ti ilina,+Maysa a pagkamangan dagiti umili ti Israel.
17 Maammuanyonto a siak ni Jehova a Diosyo, nga agnanaed iti Sion, ti nasantuan a bantayko.+
Agbalinto ti Jerusalem a nasantuan a disso,+Ket saanton a lumasat iti dayta dagiti estranghero.*+
18 Iti dayta nga aldaw, agtedtedto ti nasam-it nga arak manipud kadagiti bantay,+Agayusto ti gatas manipud kadagiti turod,Ken agayusto ti danum manipud iti amin a waig ti Juda.
Addanto rummuar nga ubbog iti balay ni Jehova,+Ket padanumannanto ti Tanap* ti Kaykayo nga Akasia.*
19 Ngem madadaelto ti Egipto,+Ken agbalinto a langalang a let-ang ti Edom,+Gapu iti kinaranggasda kadagiti umili ti Juda,+Ti daga a nagibukbokanda iti inosente a dara.+
20 Ngem kanayonto a mapagnaedan ti Juda,Ken ti Jerusalem iti amin a henerasion.+
21 Ibilangkonto nga inosente ti darada a saanko nga imbilang idi nga inosente;+Ket agnaedto ni Jehova iti Sion.”+
Footnotes
^ Wenno “Kapatagan.”
^ Kaipapananna, “Ni Jehova ti Ukom.”
^ Wenno “Iwaragawagyo.”
^ Wenno “gayang.”
^ Wenno “dagiti mannakigubatmo.”
^ Wenno “Kapatagan.”
^ Wenno “kapatagan.”
^ Wenno “kapatagan.”
^ Wenno “ganggannaet.”
^ Klase ti akasia a siitan nga agtubo iti desierto.
^ Karayan a maaddaan laeng iti danum no panagtutudo.