Josue 15:1-63
15 Ti daga a naited*+ iti tribu ni Juda sigun kadagiti pamiliada ket agingga iti pagpatinggaan ti teritoria ti Edom,+ iti let-ang ti Zin, nga agturong iti makin-abagatan a pungto ti Negeb.
2 Ti pagpatinggaan ti teritoriada iti abagatan ket mangrugi iti makin-abagatan nga igid ti Asin a Baybay,*+
3 ken agdirdiretso iti sang-atan ti Akrabim+ ken lumasat iti Zin, sa agpaabagatan iti Kades-barnea+ agingga iti Hezron, Addar, ken manglikaw iti Karka.
4 Lumasat iti Azmon+ sa surotenna ti Karayan* ti Egipto+ agingga iti Baybay* a pagpatinggaanna. Daytoy ti pagpatinggaan ti teritoria ti Juda iti abagatan.
5 Ti pagpatinggaan ti teritoriana iti daya ket ti Asin a Baybay* agingga iti sabangan ti Jordan. Mangrugi ti makin-amianan a pagpatinggaan ti teritoria iti dayta met la a paset ti igid ti baybay, iti ungto ti Jordan.+
6 Ti pagpatinggaan ti teritoria ket agdirdiretso iti Bet-hogla+ a lumasat iti amianan ti Bet-araba,+ ken sumang-at agingga iti bato ni Bohan+ nga anak ni Ruben,
7 sa mapan iti Debir iti Tanap* ti Akor+ ken agpaamianan agingga idiay Gilgal,+ nga adda iti sango ti sang-atan ti Adumim, iti abagatan ti karayan.* Agdirdiretso ti pagpatinggaan ti teritoria iti dandanum ti En-semes+ agingga iti En-rogel.+
8 Manipud iti dayta, agdirdiretso ti pagpatinggaan ti teritoria a lumasat iti Tanap ti Anak ni Hinnom+ agingga iti pagsalogan dagiti Jebuseo+ iti abagatan, kayatna a sawen, ti Jerusalem,+ sa sumang-at a mapan iti tuktok ti bantay a sumango iti Tanap ti Hinnom iti laud, nga adda iti makin-amianan a pungto ti Tanap* ti Refaim.
9 Manipud iti dayta a tuktok ti bantay, agdirdiretso ti pagpatinggaan ti teritoria nga agturong iti ubbog ti Neftoa+ ken dumanon kadagiti siudad iti Bantay Efron, agingga iti Baala, kayatna a sawen, ti Kiriat-jearim,+
10 sa manglikaw manipud Baala nga agpalaud agingga iti Bantay Seir, ken lumasat iti bakras ti Bantay Jearim iti amianan, kayatna a sawen, ti Kesalon, sa bumaba iti Bet-semes+ ken lumasat iti Timna.+
11 Agdirdiretso nga agturong iti bakras ti Ekron+ iti amianan agingga iti Sikkeron, sa lumasat iti Bantay Baala, ken agtultuloy idiay Jabneel, ken agpatingga iti baybay.
12 Ti igid ti Dakkel a Baybay*+ ti pagpatinggaan ti teritoria ti Juda iti laud. Dagita ti pagpatinggaan ti teritoria ti tribu ni Juda sigun kadagiti pamiliada.
13 Kas imbilin ni Jehova, inikkan ni Josue ni Caleb+ nga anak ni Jefune iti bingayna manipud iti daga a kukua ti tribu ni Juda. Dayta ket ti Kiriat-arba (ni Arba ti ama ni Anak), kayatna a sawen, ti Hebron.+
14 Isu a pinapanaw sadiay ni Caleb da Sesai, Ahiman, ken Talmai,+ ti tallo a kaputotan ni Anak.+
15 Kalpasanna, ginubatna dagiti agnanaed idiay Debir.+ (Maawagan idi iti Kiriat-sefer.)
16 Kinuna ni Caleb: “Iyasawak ni Aksa nga anakko iti asinoman a mangraut ken mangsakup iti Kiriat-sefer.”
17 Naparmek dayta ni Otniel+ nga anak ni Kenaz,+ a kabsat ni Caleb, isu nga intedna ni Aksa+ nga anakna kas asawa ni Otniel.
18 Idi mapanen ni Aksa iti balay ni Otniel nga asawana, kinombinsirna a dumawat iti talon ken amana a Caleb. Dimsaag ni Aksa iti asno a nagsakayanna,* ket dinamag ni Caleb: “Ania ti kayatmo?”+
19 Insungbat ni Aksa: “Pangngaasim ta bendisionannak. Inikkannak iti daga iti abagatan;* itedmo pay koma ti Gulot-maim.”* Isu nga inted ni Caleb ti Makinngato a Gulot ken ti Makimbaba a Gulot.
20 Daytoy ti tawid ti tribu ni Juda sigun kadagiti pamiliada.
21 Dagitoy ti siudad iti makin-abagatan a paset ti daga a tawid ti tribu ni Juda iti pagpatinggaan ti teritoria ti Edom:+ Kabzeel, Eder, Jagur,
22 Kina, Dimona, Adada,
23 Kedes, Hazor, Itnan,
24 Zif, Telem, Bealot,
25 Hazor-hadatta, ken Keriot-hezron, kayatna a sawen, ti Hazor,
26 Amam, Sema, Molada,+
27 Hazar-gadda, Hesmon, Bet-pelet,+
28 Hazar-sual, Beer-sheba,+ Biziotia,
29 Baala, Iim, Ezem,
30 Eltolad, Kesil, Horma,+
31 Ziklag,+ Madmana, Sansana,
32 Lebaot, Silhim, Ain, ken Rimmon+—29 amin a siudad agraman dagiti purokda.
33 Idiay Sefela,+ dagitoy ti siudad: Estaol, Zora,+ Ashna,
34 Zanoa, En-gannim, Tapua, Enam,
35 Jarmut, Adulam,+ Soco, Azeka,+
36 Saaraim,+ Aditaim, ken ti Gedera ken Gederotaim*—14 a siudad agraman dagiti purokda.
37 Ti Zenan, Hadasa, Migdal-gad,
38 Dilean, Mizpe, Jokteel,
39 Lakis,+ Bozkat, Eglon,
40 Cabon, Lamam, Kitlis,
41 Gederot, Bet-dagon, Naama, ken Makeda+—16 a siudad agraman dagiti purokda.
42 Ti Libna,+ Eter, Asan,+
43 Ifta, Ashna, Nezib,
44 Keila, Akzib, ken Maresa—9 a siudad agraman dagiti purokda.
45 Ti Ekron ken dagiti ili iti aglawlawna agraman dagiti purokda;
46 manipud Ekron nga agpalaud, amin nga adda iti abay ti Asdod ken dagiti purokda.
47 Ti Asdod+ ken dagiti ili iti aglawlawna agraman dagiti purokda; ti Gaza+ ken dagiti ili iti aglawlawna agraman dagiti purokda; nga agdirdiretso nga agturong iti Karayan* ti Egipto, iti Dakkel a Baybay,* ken iti abayna a rehion.+
48 Iti kabambantayan, Samir, Jatir,+ Soco,
49 Danna, Kiriat-sanna, kayatna a sawen, ti Debir,
50 Anab, Estemo,+ Anim,
51 Gosen,+ Holon, Gilo+—11 a siudad agraman dagiti purokda.
52 Ti Arab, Duma, Esan,
53 Janim, Bet-tapua, Afeka,
54 Humta, Kiriat-arba, kayatna a sawen, ti Hebron,+ ken ti Zior—siam a siudad agraman dagiti purokda.
55 Ti Maon,+ Carmelo, Zif,+ Jutta,
56 Jezreel, Jokdeam, Zanoa,
57 Kain, Gibea, ken Timna+—10 a siudad agraman dagiti purokda.
58 Ti Halhul, Bet-zur, Gedor,
59 Maarat, Bet-anot, ken Eltekon—innem a siudad agraman dagiti purokda.
60 Ti Kiriat-baal, kayatna a sawen, ti Kiriat-jearim,+ ken ti Rabba—dua a siudad agraman dagiti purokda.
61 Iti let-ang, Bet-araba,+ Middin, Secaca,
62 Nibsan, ti Siudad ti Asin ken ti En-gedi+—innem a siudad agraman dagiti purokda.
63 Saan a nabaelan dagiti lallaki iti tribu ni Juda a papanawen dagiti Jebuseo+ nga agnanaed idiay Jerusalem,+ isu a makipagnanaedda kadagiti tattao ti Juda idiay Jerusalem agingga ita.
Footnotes
^ Wenno “naited babaen ti binnunot.”
^ Kayatna a sawen, ti Natay a Baybay.
^ Kayatna a sawen, ti Dakkel a Baybay, ti Mediteraneo.
^ Karayan a maaddaan laeng iti danum no panagtutudo.
^ Kayatna a sawen, ti Natay a Baybay.
^ Karayan a maaddaan laeng iti danum no panagtutudo.
^ Wenno “Kapatagan.”
^ Wenno “Kapatagan.”
^ Kayatna a sawen, ti Mediteraneo.
^ Wenno mabalin a, “Nagpalakpak ni Aksa bayat a nakasakay iti asno.”
^ Wenno “Negeb.”
^ Kaipapananna, “Dagiti Sinanmalukong a Lugar a Naglaon iti Danum.”
^ Wenno mabalin a, “ti Gedera ken ti pagipastoranna.”
^ Karayan a maaddaan laeng iti danum no panagtutudo.
^ Kayatna a sawen, ti Mediteraneo.