Josue 19:1-51
19 Ti maikadua a nabunot+ ket dagiti daga a para kadagiti pamilia iti tribu ni Simeon.+ Ti tawidda ket masarakan iti daga a tawid ti tribu ni Juda.+
2 Nagbalin a tawidda ti Beer-sheba+ agraman ti Sheba, Molada,+
3 Hazar-sual,+ Bala, Ezem,+
4 Eltolad,+ Betul, Horma,
5 Ziklag,+ Bet-marcabot, Hazar-susa,
6 Bet-lebaot,+ ken Saruhen—13 a siudad ken dagiti purokda.
7 Ti Ain, Rimmon, Eter, ken Asan+—uppat a siudad ken dagiti purokda,
8 ken amin a purok nga adda iti aglawlaw dagitoy a siudad agingga iti Baalat-beer wenno Rama iti abagatan. Dayta ti daga a tawid dagiti pamilia iti tribu ni Simeon.
9 Ti daga a tawid ti tribu ni Simeon ket adda iti sakup ti tribu ni Juda, ta nakalawlawa ti naipatawid iti tribu ni Juda. Isu a ti tawidda ket adda iti tengnga ti tawid ti Juda.+
10 Ti maikatlo a nabunot+ ket ti daga a para kadagiti pamilia iti tribu ni Zabulon.+ Agingga idiay Sarid ti pagpatinggaan ti teritoria a tawidda.
11 Ti pagpatinggaan ti teritoriada ket agpalaud a sumang-at idiay Mareal ken dumanon idiay Dabeset sa agturong iti tanap* iti sango ti Jokneam.
12 Manipud idiay Sarid, ti pagpatinggaan ti teritoria ket agpadaya agingga iti Kislot-tabor sa rummuar idiay Daberat+ nga agturong idiay Jafia.
13 Agpadpadaya pay nga agturong iti Gat-hefer,+ agingga iti Et-kazin, sa rummuar idiay Rimmon nga agturong idiay Nea.
14 Aglikaw nga agpaamianan agingga iti Hanaton ken agpatingga iti Tanap ti Ifta-el,
15 ken iti Kattat, Nahalal, Shimron,+ Idala, ken Betlehem+—12 a siudad ken dagiti purokda.
16 Dayta ti daga a tawid dagiti pamilia iti tribu ni Zabulon.+ Dagita dagiti siudad ken dagiti purokda.
17 Ti maikapat a nabunot+ ket ti daga a para kadagiti pamilia iti tribu ni Isacar.+
18 Ti pagpatinggaan ti teritoriada ket agingga iti Jezreel,+ Kesulot, Sunem,+
19 Hafaraim, Shion, Anaharat,
20 Rabit, Kision, Ebez,
21 Remet, En-gannim,+ En-hadda, ken Bet-pazez.
22 Ti pagpatinggaan ti teritoriada ket dimmanon idiay Tabor+ ken Sahazuma ken Bet-semes, ket ti Jordan ti pagpatinggaan ti teritoriada—16 a siudad ken dagiti purokda.
23 Dagita dagiti siudad ken dagiti purok a tawid dagiti pamilia iti tribu ni Isacar.+
24 Ti maikalima a nabunot+ ket ti daga a para kadagiti pamilia iti tribu ni Aser.+
25 Ti pagpatinggaan ti teritoriada ket ti Helkat,+ Hali, Beten, Acsaf,
26 Alamelek, Amad, ken Misal, sa agpalaud idiay Carmelo+ a dumanon idiay Sihor-libnat,
27 sa met la agpadaya agingga idiay Bet-dagon ken agturong idiay Zabulon ken agpaamianan idiay Tanap ti Ifta-el, agingga idiay Bet-emek ken Neiel, sa agpatpatuloy nga agpakannigid iti Cabul,
28 ken dumanon idiay Ebron, Rehob, Hammon, ken Kana agingga idiay Dakkel a Sidon.+
29 Kalpasanna, agkurba nga agturong idiay Rama agingga iti napaderan a siudad ti Tiro.+ Manipud sadiay, agkurba ti pagpatinggaan ti teritoria agingga idiay Hosa sa agpatingga iti baybay iti rehion ti Akzib,
30 Umma, Afek,+ ken Rehob+—22 a siudad ken dagiti purokda.
31 Dayta ti daga a tawid dagiti pamilia iti tribu ni Aser.+ Dagita dagiti siudad ken dagiti purokda.
32 Ti maikanem a nabunot+ ket ti daga a para kadagiti pamilia iti tribu ni Neftali.
33 Mangrugi ti pagpatinggaan ti teritoriada iti Helef, iti dakkel a kayo idiay Zaananim,+ ken Adami-nekeb ken Jabneel agingga idiay Lakkum; sa agpatingga idiay Jordan.
34 Manipud sadiay, agkurba nga agpalaud idiay Aznot-tabor ken agdirdiretso agingga idiay Hukkok sa agpaabagatan a dumanon iti pagpatinggaan ti daga a tawid ti tribu ni Zabulon, ken iti pagpatinggaan ti daga ti tribu ni Aser iti laud, ken aglaylayon nga agpadaya iti pagpatinggaan ti daga ti tribu ni Juda sa agpatingga iti Jordan.
35 Dagiti napaderan a siudad ket ti Ziddim, Zer, Hamat,+ Rakat, Kineret,
36 Adama, Rama, Hazor,+
37 Kedes,+ Edrei, En-hazor,
38 Yiron, Migdal-el, Horem, Bet-anat, ken Bet-semes+—19 a siudad ken dagiti purokda.
39 Dayta ti daga a tawid dagiti pamilia iti tribu ni Neftali.+ Dagita dagiti siudad ken dagiti purokda.
40 Ti maikapito a nabunot+ ket ti daga a para kadagiti pamilia iti tribu ni Dan.+
41 Ti pagpatinggaan ti tawidda ket ti Zora,+ Estaol, Ir-semes,
42 Saalabbin,+ Aijalon,+ Itla,
43 Elon, Timna,+ Ekron,+
44 Elteke, Gibeton,+ Baalat,
45 Jehud, Bene-berak, Gat-rimmon,+
46 Me-jarkon, ken Rakon. Lumasat ti pagpatinggaan ti teritoria iti sango ti Joppe.+
47 Ngem kurang ti tawid a naited iti tribu ni Dan,+ isu a napanda rinaut ti Lesem+ ket inabakda ken pinatayda dagiti umilina. Tinagikuada ti daga ket nagyanda sadiay. Binaliwanda ti Lesem iti Dan, a nagan ti ama a nagtaudan ti tribuda.+
48 Dayta ti daga a tawid dagiti pamilia iti tribu ni Dan. Dagita dagiti siudad ken dagiti purokda.
49 Idi nalpasen a biningay dagiti Israelita ti tawidda a daga, inikkanda ni Josue nga anak ni Nun iti tawidna iti sakupda a daga.
50 Kas imbilin ni Jehova, intedda kenkuana ti siudad a kiniddawna, ti Timnat-sera,+ iti kabambantayan ti Efraim. Sadiay a nangbangon ni Josue iti siudad a nagyananda.
51 Da Eleazar a padi, ni Josue nga anak ni Nun, ken dagiti ulo dagiti pamilia dagiti tribu ti Israel ti nangbingaybingay+ iti naipatawid a daga. Naaramid dayta babaen ti panagbibinnunot idiay Shilo+ iti sanguanan ni Jehova, iti ruangan ti tolda a pagkonsultaan.+ Ket nalpasda a biningbingay ti daga.
Footnotes
^ Wenno “karayan.”
