Ti Kanta ni Solomon 1:1-17
-
Kanta dagiti kanta (1)
-
Agtutubo a babai (2-7)
-
Annak a babbai ti Jerusalem (8)
-
Ari (9-11)
-
“Iyaramidandakanto kadagiti balitok nga arkos” (11)
-
-
Agtutubo a babai (12-14)
-
“Ti patpatgek ket kas iti nabanglo a supot ti mirra” (13)
-
-
Pastor (15)
-
“Napintaska, O ay-ayatek”
-
-
Agtutubo a babai (16, 17)
-
‘Napintaska, O patpatgek’ (16)
-
1 Ti kanta dagiti kanta* ni Solomon:+
2 “Bisongennak koma ti bibigmo,Ta nasaysayaat ngem arak ti ebkas ti pammategmo.+
3 Makaay-ayo ti banglo dagiti lanam.+
Ti naganmo ket kas iti nabanglo a lana a naibukbok.+
Isu nga ay-ayatendaka dagiti agtutubo a babbai.
4 Ikuyognak;* tumarayta.
Impannak ti ari kadagiti makin-uneg a siledna!
Agrag-o ken agragsakta koma.
Pagsaritaanta* ti ebkas ti pammategmo a nasaysayaat ngem ti arak.
Isu met laeng nga ay-ayatendaka.*
5 Nangisitak,* ngem napintasak, O annak a babbai ti Jerusalem,Kas kadagiti tolda ti Kedar,+ kas kadagiti lupot ti tolda+ ni Solomon.
6 Diyo kitaen ti kinangisitko,Ta nabilagak iti init.
Nakapungtot kaniak ti annak a lallaki ni nanangko;Pinagbantaydak kadagiti kaubasan,Ngem diak binantayan ti bukodko a kaubasan.
7 Ibagam kaniak, sika nga ay-ayatek unay,*Ti pangipastoram kadagiti tarakenmo,+Ti pangipainanaam kadakuada iti tengnga ti aldaw.
Apay koma nga agbalinak a kas iti babai a nakadalungdong*Iti tengnga dagiti taraken ti kakaduam?”
8 “No saanmo nga ammo, O kapintasan kadagiti babbai,Surotem ti tugot dagiti tarakenkoKet ipaarabmo dagiti urbon a kaldingmo iti abay ti tolda dagiti pastor.”
9 “O ay-ayatek, inyarigka iti kabaian a kabalio* iti tengnga dagiti karuahe ni Faraon.+
10 Napintas dagiti naarkosan a pingpingmo,*Ti nakuentasan a tengngedmo.
11 Iyaramidandakanto kadagiti balitok nga arkos*A nadekorasionan iti pirak.”
12 “Bayat nga agtugtugaw ti ari iti nagtimbukel a lamisaanna,Agayamuom ti bangbanglok.*+
13 Para kaniak, ti patpatgek ket kas iti nabanglo a supot ti mirra+Nga agpatnag iti barukongko.
14 Para kaniak, ti patpatgek ket kas iti sangaraay a hena+Iti tengnga dagiti kaubasan ti En-gedi.”+
15 “Napintaska, O ay-ayatek.
Wen, napintaska. Ti matam ket kas iti mata dagiti kalapati.”+
16 “Napintas* ken makaay-ayoka, O patpatgek.+
Berde a karuotan ti iddata.
17 Kayo a sedro ti biga ti balayta,*Kayo a parwa ti pasanggir ti atepta.
Footnotes
^ Wenno “Ti kasasayaatan a kanta.”
^ Lit., “Guyodennak.”
^ Wenno “Idayawta.”
^ Kayatna a sawen, dagiti agtutubo a babbai.
^ Wenno “Napugotak.”
^ Wenno “nakadalungdong iti leddaang.”
^ Wenno “ay-ayaten unay ti kararuak.”
^ Wenno “kabaliok.”
^ Wenno mabalin a, “dagiti pingpingmo iti tengnga ti nasallapid a buok.”
^ Wenno “nagtimbukel nga arkos.”
^ Lit., “nardok.”
^ Wenno “Naguapo.”
^ Wenno “napintas a balayta.”
