Ti Kanta ni Solomon 3:1-11
3 “Iti pagiddaak bayat dagiti rabii,Binirokko ti ay-ayatek.*+
Binirokko ngem diak nasarakan.+
2 Timmakderak ket sinursorko ti siudad;Binay-andak a nangbirok iti ay-ayatek*Kadagiti kalsada ken plasa.
Binirokko ngem diak nasarakan.
3 Nakitadak dagiti guardia nga agliklikmut iti siudad.+
‘Nakitayo kadi ti ay-ayatek?’*
4 Kalablabasko kadakuadaIdi nasarakak ti ay-ayatek.*
Iniggamak, ket saanko nga inibbatanAgingga a simrekkami iti balay ni nanangko,+Iti makin-uneg a siled ti nangyanak kaniak.
5 Pagsapataenkayo, O annak a babbai ti Jerusalem,Babaen kadagiti gasela ken kabaian nga ugsa iti tanap:
Diyo riingen wenno piliten ti riknak nga agayat no diak pay kayat.”+
6 “Ania dayta kasla napuskol nga asuk nga agpangpangato manipud iti let-ang,A nabangbangluan iti mirra ken olibano,Ken iti amin a kita ti nabanglo a pulbos ti komersiante?”+
7 “Daytoy ti sopa ni Solomon.
Pinalawlawan dayta ti 60 a nabileg a lallaki,Nabileg a lallaki ti Israel,+
8 Addaanda amin iti espada,Nasanayda amin iti gubat,Adda espada iti sikigandaA panglabanda iti nakabutbuteng a bambanag iti rabii.”
9 “Dayta ti sopa* ni Ari SolomonNga inaramidna para kenkuana manipud kadagiti kayo ti Lebanon.+
10 Pirak dagiti saka ti sopa,Balitok dagiti sarapana.
Purpura a delana ti tugawna;Ti unegna ket siaayat a dinekorasionanTi annak a babbai ti Jerusalem.”
11 “Rummuarkayo, O annak a babbai ti Sion,Kitaenyo ni Ari SolomonA nakasuot iti korona* a pangkasar nga inaramid ni nanangna+Para iti aldaw ti panagasawana,Iti aldaw a panagragsak ti pusona.”
Footnotes
^ Wenno “ay-ayaten ti kararuak.”
^ Wenno “ay-ayaten ti kararuak.”
^ Wenno “ay-ayaten ti kararuak.”
^ Wenno “ay-ayaten ti kararuak.”
^ Naabbongan a sopa a pangbagkat iti natan-ok a tao.
^ Wenno “balangat.”
