Ti Kanta ni Solomon 4:1-16
4 “Napintaska, O ay-ayatek.
Wen, napintaska.
Ti matam ket kas iti mata dagiti kalapati a naabbongan iti dalungdongmo.
Ti buokmo ket kas iti pangen dagiti kaldingA sumalsalog iti kabambantayan ti Gilead.+
2 Ti ngipenmo ket kas iti pangen ti kappukis a karneroA kalkalpas a nadigus,Nangyanakda amin iti singin,Ket awan ti napukaw nga urbonda.
3 Ti bibigmo ket kas iti nalabaga a sinulid,Ken makaay-ayo ti panagsaom.
Kas iti napisi a prutas a granadaDagiti pingpingmo* a naabbongan iti dalungdongmo.
4 Ti tengngedmo+ ket kas iti torre ni David,+A naaramid iti napagtutuon a batoA nakaibitinan ti rinibu a kalasag,Amin a nagtimbukel a kalasag ti nabileg a lallaki.+
5 Ti dua a susom ket kas iti dua nga urbon nga ugsa,Ti singin nga urbon ti gasela,+Nga agar-arab iti tengnga dagiti lirio.”
6 “Agingga a lumamiis ti pul-oy ti aldaw* ken agpukaw dagiti anniniwan,Mapanak iti bantay ti mirraKen iti turod ti olibano.”+
7 “Nakapimpintaska, O ay-ayatek,+Awan ti pamilawan kenka.
8 Agkaduata a pumanaw iti Lebanon, O nobiak,Wen, panawanta ti Lebanon.+
Sumalogka iti tuktok ti Amanah,*Iti tuktok ti Senir, iti tuktok ti Hermon,+Iti apon dagiti leon, iti kabambantayan dagiti leopardo.
9 Pinagbitikmo ti pusok,+ O kabsatko, nobiak,Pinagbitikmo ti pusok iti maysa a taldiap ti matam,Iti maysa a bitin ti kuentasmo.
10 Anian a nagsayaat ti ebkas ti pammategmo,+ O kabsatko, nobiak!
Nasaysayaat nga amang ti ebkas ti pammategmo ngem ti arak,+Ken nabangbanglo ti bangbanglom ngem ti amin a kita ti bangbanglo!+
11 Agtedtedted ti diro iti bibigmo, O nobiak.+
Diro ken gatas ti adda iti baba ti dilam,+Ken ti banglo ti badom ket kas iti banglo ti Lebanon.
12 Ti kabsatko, ti nobiak, ket kas iti naserraan a hardin,Wen, naserraan a hardin, nasullatan nga ubbog.
13 Dagiti saringitmo* ket paraiso* dagiti prutas a granadaNga addaan kadagiti kaimasan a prutas, mula a hena ken nardo,
14 Nardo+ ken safron, nabanglo a ruot+ ken kanela,+Ken amin a kita ti kayo nga olibano, mirra, ken aloe,+Agraman ti amin a kasayaatan a bangbanglo.+
15 Maysaka nga ubbog ti hardin, bubon ti nadalus a danum,Ken agay-ayus a waig manipud Lebanon.+
16 Agriingka, O angin iti amianan,Umayka, O angin iti abagatan.
Puyotanyo* ti hardinko.
Iwarasyo ti banglona.”
“Umay koma ti patpatgek iti hardinnaKen kanenna dagiti kaimasan a prutas.”
Footnotes
^ Wenno “pispismo.”
^ Lit., “nga aganges ti aldaw.”
^ Wenno “Anti-Lebanon.”
^ Wenno mabalin a, “kudilmo.”
^ Wenno “hardin.”
^ Wenno “Pul-oyanyo.”