Ti Kanta ni Solomon 6:1-13
6 “Napanan ti patpatgem,O kapintasan kadagiti babbai?
Nagturongan ti patpatgem?
Intay biroken.”
2 “Napan ti patpatgek iti hardinna,Iti ayan dagiti mula a pagpabanglo,Tapno agipastor iti tengnga dagiti hardinKen agala kadagiti lirio.+
3 Kukuanak ti patpatgek,Ket kukuak met ti patpatgek.+
Agipaspastor iti tengnga dagiti lirio.”+
4 “Napintaska a kas iti Tirza,*+ O patpatgek,+Kas kapintas ti Jerusalem,+Nakaskasdaawka a kas iti armada iti aglawlaw dagiti banderada.+
5 Dinak perrengen,+Tapno saanak a maallukoy.
Ti buokmo ket kas iti pangen ti kaldingA sumalsalog iti bakras ti Gilead.+
6 Dagiti ngipenmo ket kas iti pangen ti karneroA kalkalpas a nadigus,Nangyanakda amin iti singin,Ket awan ti napukaw nga urbonda.
7 Kas iti napisi a prutas a granadaDagiti pingpingmo* a naabbongan iti dalungdongmo.
8 Mabalin nga 60 ti reynaKen 80 ti sabali pay nga assawaKen di mabilang ti agtutubo a babbai.+
9 Ngem maymaysa ti kalapatik+ nga awan pakapilawanna.
Maymaysa nga anak ni nanangna.
Paborito* ti nangyanak kenkuana.
Nakita ti annak a babbai, ket nasayaat ti ibagbagada maipapan kenkuana;Indaydayaw dagiti reyna ken sabali pay nga assawa.
10 ‘Asino daytoy agsilsilnag* a kas iti parbangon,Kas kapintas ti kabus,Kas kadalus ti lawag ti init,Nakaskasdaaw a kas iti armada iti aglawlaw dagiti banderada?’”+
11 “Napanak iti hardin dagiti kayo a nogal+Tapno kitaek dagiti busel iti tanap,*Tapno kitaek no nagsaringiten* ti puon ti ubas,No nagsabongen dagiti kayo a granada.
12 Diak napupuotanNga impannak ti tarigagayko*Kadagiti karuahe ti natan-ok* nga ilik.”
13 “Agsublika, agsublika, O Sulamita!
Agsublika, agsublika,Tapno makitadaka!”
“Apay a perrengenyo ti Sulamita?”+
“Kayariganna ti panagsala ti dua a grupo!”*
Footnotes
^ Wenno “Makaay-ayo a Siudad.”
^ Wenno “pispismo.”
^ Lit., “Nadalus.”
^ Lit., “kumitkita iti baba.”
^ Karayan a maaddaan laeng iti danum no panagtutudo.
^ Wenno “nagbuselen.”
^ Wenno “kararuak.”
^ Wenno “natulok.”
^ Wenno “sala ti Mahanaim.”