Ti Kanta ni Solomon 7:1-13
7 “Anian a nagpintas dagiti sakam a nakasandalias,O natan-ok nga anak a babai!
Dagiti napintas a luppom ket kas kadagiti arkos,Ti aramid ti eksperto a trabahador.
2 Ti pusegmo ket kasla nagbukel a malukong.
Saan koma a maibusan iti natempla nga arak.
Ti tianmo ket kasla sangabunton a trigo,A napalawlawan kadagiti lirio.
3 Ti dua a susom ket kas iti dua nga urbon nga ugsa,Ti singin nga urbon ti gasela.+
4 Ti tengngedmo+ ket kas iti torre a marfil.+
Ti matam+ ket kas iti pagurnongan iti danum ti Hesbon,+Iti abay ti ruangan ti Bat-rabim.
Ti agongmo ket kas iti torre ti Lebanon,A nakaturong iti Damasco.
5 Nakoronaan ti ulom a kas iti Carmelo,+Ken ti buokmo*+ ket kas iti purpura a delana.+
Naatrakar ti ari iti nakawakray a buokmo.
6 Nagpintas ken makaay-ayoka unay,O ay-ayatek a babai, ta inatiwmo ti amin a makaparagsak a banag!
7 Ti pammagim ket kas iti kayo a palma,Ken dagiti susom ket kas kadagiti raay ti datiles.+
8 Imbagak, ‘Uliekto ti kayo a palmaTapno iggamak dagiti ungkay ti bungana.’
Agbalin koma dagiti susom a kas kadagiti raay ti ubas,Ti sang-awmo a kas kabanglo ti mansanas,
9 Ken ti ngiwatmo* ket kas iti kasayaatan nga arak.”
“Nalamuyot koma a lumasat iti karabukob ti patpatgek,Ken agayus iti bibig dagidiay matmaturog.
10 Kukuanak ti patpatgek,+Ken siak ti tarigagayanna.
11 Umayka, O patpatgek,Mapanta iti tanap;Umyanta iti tengnga dagiti mula a hena.+
12 Sapaenta ti bumangon ket mapanta iti kaubasan,Tapno kitaenta no nagsaringiten* ti puon ti ubas,No nagukraden dagiti sabong,+No nagsabongen dagiti kayo a granada.+
Iyebkaskonto sadiay ti pammategko kenka.+
13 Maangoten ti banglo dagiti mandragora;+Adda iti ridawta ti amin a kita ti agkakaimas a prutas.+
Ti kappuros kasta met ti napreserba,O patpatgek, indulinko dagita para kenka.