Ti Kanta ni Solomon 8:1-14
-
Agtutubo a babai (1-4)
-
“No kaslaka koma iti kabsatko a lalaki” (1)
-
-
Kakabsat ti agtutubo a babai (5a)
-
‘Asino daytoy, a nakasadag iti patpatgenna?’
-
-
Agtutubo a babai (5b-7)
-
“Nabileg ni ayat a kas ken patay” (6)
-
-
Kakabsat ti agtutubo a babai (8, 9)
-
“No koma pader ti kabsatmi, . . . ngem no ridaw, . . .” (9)
-
-
Agtutubo a babai (10-12)
-
“Maysaak a pader” (10)
-
-
Pastor (13)
-
‘Denggek met koma ti timekmo’
-
-
Agtutubo a babai (14)
-
“Partakam a kas iti gasela”
-
8 “No kaslaka koma iti kabsatko a lalaki,A simmuso ken nanangko!
Bisongenka no makitaka iti ruar,+Ket awan ti manglais kaniak.
2 Iturongka;Ipanka iti balay ni nanangko,+A nangisursuro kaniak.
Painumenka iti natempla nga arak,Ti kapespespes a tubbog dagiti prutas a granada.
3 Ikabilna ti kannigid nga imana iti baba ti ulok,Ket arakupennak ti kannawan nga imana.+
4 Pagsapataenkayo, O annak a babbai ti Jerusalem:
Diyo riingen wenno piliten ti riknak nga agayat no diak pay kayat.”+
5 “Asino daytoy sumangsang-at iti let-ang,A nakasadag iti patpatgenna?”
“Riniingka iti sirok ti kayo a mansanas.
Sadiay a nagpasikal ni nanangmo.
Sadiay a nagpasikal ti nangyanak kenka.
6 Ikabilnak a kas selio iti pusom,Kas selio iti takiagmo,Ta nabileg ni ayat a kas ken patay,+Ken napasnek ti naipamaysa a debosion a kas iti Tanem.*
Gumilgil-ayab dagiti apuyna, ti apuy ni Jah.*+
7 Dagiti dalluyon saanda a maiddep ni ayat,+Saan met a mayanud dayta dagiti karayan.+
No ited ti maysa a lalaki ti amin a kinabaknang iti balayna gapu iti ayat,Siguradonto a malais dayta.”*
8 “Adda ubing a kabsatmi a babai,+Ken bassit pay dagiti susona.
Anianto ti aramidenmi iti kabsatmiInton aldaw a danonenda?”
9 “No koma pader ti kabsatmi,Mangibangonkami iti torre a pirak iti rabawna,Ngem no ridaw,Ikkanmi iti tabla a sedro.”
10 “Maysaak a pader,Ken dagiti susok ket kas kadagiti torre.
Isu a nagbalinak iti imatangnaA kas babai a nakasarak iti talna.
11 Adda idi kaubasan ni Solomon+ idiay Baal-hamon.
Intalekna ti kaubasan kadagiti paraaywan.
Mangyeg ti tunggal maysa iti sangaribu a pedaso a pirak para iti bungana.
12 Adda kaubasak nga ay-aywanak.
Kukuam ti sangaribu a pedaso a pirak,* O Solomon,Ket 200 ti mapan kadagiti paraaywan iti bungana.”
13 “O sika nga agnanaed kadagiti hardin,+Denggen dagiti kakaduam ti timekmo.
Denggek met koma.”+
14 “Alistuam, O patpatgek,Ket partakam a kas iti gasela+Wenno iti urbon a kalakian nga ugsaIti bambantay nga ayan dagiti mula a pagpabanglo.”
Footnotes
^ Ti “Jah” ket napaababa a porma ti nagan a Jehova.
^ Wenno mabalin a, “ti lalaki.”
^ Lit., “ti sangaribu.”
