Nahum 3:1-19
3 Kaasi pay ti siudad ti panagibukbok iti dara!
Napnuan iti panangallilaw ken panagtakaw.
Kanayon nga adda biktimana!
2 Adda sadiay ti uni ti saplit ken ti karadakad dagiti pilid,Ti napartak a kabalio ken ti agsaltesaltek a karuahe.
3 Ti nakasakay a kumakabalio, ti gumilapgilap nga espada, ken ti nasileng a pika,Ti nakaad-adu a napapatay ken ti nabunton a bangkay—Saan a mabilang ti kaadu dagiti natay.
Matmatuangda gapu kadagiti bangkay.
4 Gapu daytoy iti adu a panagbalangkantisna,Isu ket makaatrakar ken makaay-ayo, nalaing nga agkulam,Nga inallilawna dagiti nasion iti panagbalangkantisna ken dagiti pamilia iti panagkulamna.
5 “Busorenka,”* kuna ni Jehova a panguluen dagiti armada,+“Ilukaiskonto ti paldam a mayabbong iti rupam;Ipakitakto kadagiti nasion ti kinalamolamom,Ken kadagiti pagarian ti pannakaibabainmo.
6 Puruakankanto iti rugitKen ibabainkanto;Pagbalinenkanto kas pakdaar iti amin a tattao.+
7 Pumanawto ti asinoman a makakita kenka+ ket ibagada,‘Nadadaelen ti Nineve!
Asinonto ti makipagrikna kenkuana?’
Sadino ti pagbirokak kadagiti mangliwliwa kenka?
8 Nasaysayaatka kadi ngem iti No-amon,*+ a nakatugaw iti igid dagiti kanal ti Nilo?+
Napalikmutan iti danum;Ti baybay ti kinabaknangna ken ti baybay ti paderna.
9 Ti Etiopia ti paggapuan ti dakkel a pigsana, kasta met ti Egipto.
Ti Put+ ken dagiti Libyano ti timmulong kenka.+
10 Ngem uray naipan iti sabali a daga;Nagbalin nga adipen.+
Siraranggas met a napapatay ti annakna iti tunggal suli ti kalsada.*
Nagbibinnunotanda dagiti mararaem a lallakina,Ken pinosasanda ti amin a natan-ok a lallakina.
11 Mabartekkanto met;+Aglemmengkanto.
Agkamangkanto gapu iti kabusor.
12 Amin a padermo ket kas kadagiti kayo a higos nga adda umuna a naluom a bungbungana;No magunggonda, matnagda iti ngiwat ti manangalun-on.
13 Dagiti soldadom ket kas kadagiti nakapuy a babbai iti tengngam.
Maluktanto dagiti ruangan ti dagam para kadagiti kabusormo.
Ibusento ti apuy ti trangka dagiti ruanganmo.
14 Agsakdoka iti danum para iti iraraut!+
Patibkerem dagiti padermo.
Mapanka iti kapitakan ket payatpayatem ti pila;Iggamam ti pagsukogan ti ladrilio.
15 Uray sadiay ibusennakanto ti apuy.
Papatayennakanto ti espada.+
Alun-onennakanto a kas iti aramiden ti awan pay payakna a dudon.+
Paaduem ti bilangmo a kas kadagiti awan pay payakna a dudon!
Wen, paaduem ti bilangmo a kas kadagiti dudon!
16 Pinaadum dagiti komersiantem nga ad-adu ngem kadagiti bituen ti langit.
Naglupos dagiti awan pay payakna a dudon ket nagtayabda.
17 Dagiti guardiam ket kas kadagiti dudon,Ken dagiti opisialmo ket kas iti pangen ti dudon.
Agkampoda kadagiti kulongan a bato iti nalamiis nga aldaw,Ngem agtayabda no agsilnagen ti init;Ket awan ti makaammo iti ayanda.
18 Makaturturog dagiti pastormo, O ari ti Asiria;Agyan dagiti natan-okmo iti pagtaenganda.
Naiwarawara ti ilim iti bambantay,Ket awan ti mangummong kadakuada.+
19 Awan ti mangbang-ar kenka iti didigram.
Saanen nga umimbag ti sugatmo.
Agpalakpakto ti amin a makadamag iti napasamak kenka;+Ta asino ti saan a nagsagaba iti nakaro a kinaranggasmo?”+
Footnotes
^ Kayatna a sawen, ti Nineve.
^ Kayatna a sawen, ti Tebes.
^ Lit., “iti ulo ti amin a kalsada.”
