Numeros 24:1-25
24 Idi nakita ni Balaam a kayat* ni Jehova a bendisionan ti Israel, saanen nga immadayo tapno agbirok iti lunod,+ no di ket simmango iti let-ang.
2 Idi nakita ni Balaam a nagkampo ti Israel iti tunggal tribu,+ nagtignay kenkuana ti espiritu ti Dios.+
3 Kastoy ti mensahe nga imbagana:+
“Daytoy ti sao ni Balaam nga anak ni Beor,Ken ti sao ti lalaki a naluktan dagiti matana,
4 Ti sao daydiay dumdumngeg iti sao ti Dios,A nakakita iti sirmata manipud Mannakabalin-amin,A nagruknoy a saan a nakakidem dagiti matana:+
5 Anian a nagpintas dagiti toldam, O Jacob,Dagiti pagnanaedam, O Israel!+
6 Kasla kadagiti tanap* a dumanon iti adayo,+Kas kadagiti hardin iti igid ti karayan.Kas kadagiti aloe nga immula ni Jehova,Kas kadagiti sedro iti igid dagiti danum.
7 Agub-ubo ti danum iti dua a timbana a lalat,Ket naimula ti bin-ina* iti igid ti adu a danum.+
Natantan-okto met ti arina+ ngem ni Agag,+Ken nabilbilegto ti pagarianna.+
8 Inruar ida ti Dios idiay Egipto;Iyarigda ti pigsana iti pigsa dagiti sara ti atap a kalakian a baka.
Ibusento ti Israel dagiti nasion a mangirurrurumen kenkuana,+Ket ngutngotannanto dagiti tulangda, ken dadaelenna ida babaen kadagiti panana.
9 Nagtugaw, nagidda a kas iti leon,Ket asino ti makaitured a mangistorbo kenkuana?
Mabendisionan dagidiay mangbembendision kenka,Ken mailunod dagidiay mangilunlunod kenka.”+
10 Nakapungtot ni Balak ket nagpalakpak sa kinunana ken Balaam: “Inayabanka tapno ilunodmo dagiti kabusorko,+ ngem namitlo met a binendisionam ida.
11 Agawidkan! Dakkel koma ti itedko a gunggonam,+ ngem impaidam dayta kenka ni Jehova.”
12 Insungbat ni Balaam: “Saan kadi nga imbagak kadagiti mensahero nga imbaonmo,
13 ‘Uray ited kaniak ni Balak ti balayna a napno iti pirak ken balitok, saanko a mabalin a sukiren ti bilin ni Jehova ket aramidek ti bukodko a pagayatan,* naimbag man wenno dakes. Ti laeng ibaga kaniak ni Jehova ti ibagak’?+
14 Mapanakon kadagiti kailiak. Ngem umayka ta ibagak no ania ti aramiden dagitoy a tattao kadagiti tattaom iti masanguanan.”*
15 Iti kasta, imbagana daytoy a mensahe:+
“Ti sao ni Balaam nga anak ni Beor,Ken ti sao ti lalaki a naluktan dagiti matana,+
16 Ti sao daydiay dumdumngeg iti sasao ti Dios,Ken daydiay addaan iti pannakaammo maipapan iti Kangatuan,A nakakita iti sirmata manipud Mannakabalin-aminBayat nga agrukruknoy a saan a nakakidem dagiti matana:
17 Makitakto ti Israel, ngem saan nga ita;Maimatangakto, ngem saan pay nga iti mabiit.
Addanto bituen+ a rummuar ken Jacob,Ket addanto tumaud a setro+ iti Israel.+
Sigurado a burakennanto ti muging ti Moab*+Ken ti bangabanga ti amin nga annak ti riribuk.
18 Ket agbalinto ti Edom a sanikua,+Wen, agbalinto ti Seir+ a sanikua dagiti kabusorna,+Bayat nga ipakpakita ti Israel ti kinaturedna.
19 Addanto maysa a tumaud ken Jacob a mangparmek,+Ket dadaelennanto ti asinoman a makalasat iti siudad.”
20 Idi nakitana ti Amalek, intuloyna ti daniwna:
“Ti Amalek ti immuna kadagiti nasion,+Ngem iti kamaudiananna, mapukawto iti agnanayon.”+
21 Idi nakitana dagiti Keneo,+ intuloyna ti mensahena:
“Natalged ti pagnanaedanyo, ket aggigiankayo iti nangato a bato.
22 Ngem addanto mangpuor iti Kain.
Kasano kabayag agingga nga ipanawnakayo ti Asiria kas balud?”
23 Intuloyna pay ti mensahena:
“Kaasi pay! Asinonto ti makalasat inton aramiden daytoy ti Dios?
24 Addanto dagiti barko manipud igid ti baybay ti Kitim,+Ket parigatendanto ti Asiria,+Ken parigatendanto ti Eber.
Ngem naan-anay a mapukawdanto met.”
25 Kalpasanna, timmakder ni Balaam+ sa pimmanaw, ket nagturong met ni Balak iti papananna.
Footnotes
^ Lit., “naimbag kadagiti mata.”
^ Karayan a maaddaan laeng iti danum no panagtutudo.
^ Wenno “kaputotanna.”
^ Lit., “agtaud iti pusok.”
^ Wenno “panagngudo dagiti aldaw.”
^ Wenno “dagiti pispis ti Moab.”
