Oseas 12:1-14
-
Masapul nga agsubli ti Efraim ken Jehova (1-14)
12 “Angin ti kankanen ti Efraim.
Agmalmalem a kamkamatenna ti angin manipud iti daya.
Umad-adu ti panagulbodna ken kinaranggasna.
Makitulag iti Asiria+ ken agipan iti lana idiay Egipto.+
2 Adda pangakusaran ni Jehova iti Juda;+Singirennanto ti Jacob sigun kadagiti aramidna,Dusaennanto sigun kadagiti basolna.+
3 Idi adda pay laeng iti aanakan, kimpet iti mukod ti kabsatna,+Ket impakatna ti amin a pigsana a nakigabbo iti Dios.+
4 Nakigabbo iti maysa nga anghel ket nangabak.
Nagsangit tapno agpakaasi iti paraburna.”+
Nasarakanna idiay Bethel, ket sadiay a nakisarita kadatayo,+
5 Ni Jehova a Dios dagiti armada,+Jehova ti nagan a pakalaglagipan kenkuana.+
6 “Isu nga agsublika iti Diosmo,+Kanayon nga ipakitam ti napudno nga ayat ken kinahustisia,+Ken kanayon a manginanamaka iti Diosmo.
7 Ngem saur a timbangan ti us-usaren ti aglaklako;*Pagay-ayatna ti agsuitik.+
8 Sangkaibaga ti Efraim, ‘Nabaknangakon!+Nakabirokak iti kinabaknang.+
Awan ti makitada a di umiso wenno basol iti amin a panagbannogko.’
9 Ngem siak ni Jehova a Diosmo manipud pay idiay Egipto.+
Pagnaedenkanto manen kadagiti toldaKas kadagiti aldaw ti naikeddeng a tiempo.*
10 Nakisaritaak kadagiti propeta,+Pinaaduk dagiti sirmatada,Ket nagibagaak kadagiti pangngarig babaen kadagiti propeta.
11 Adda napasamak a panangallilaw*+ ken panagulbod idiay Gilead.Nagidatonda kadagiti kalakian a baka idiay Gilgal.+
Dagiti altarda ket kas iti gabsuon a batbato kadagiti mamulmulaan a talon.+
12 Nagkamang ni Jacob iti teritoria* ti Aram;*+Nagserbi sadiay ni Israel+ tapno maaddaan iti asawa,+Nagaywan kadagiti karnero tapno maaddaan iti asawa.+
13 Babaen ti propeta, inruar ni Jehova ti Israel manipud Egipto,+Babaen ti propeta, isu ket nasalakniban.+
14 Nakaro ti basol ti Efraim;+Saan a mapunas ti basolna a panangpapatay;Dusaento ti Apona gapu kadagiti aramidna a nangibabain iti Apona.”+
Footnotes
^ Wenno “negosiante.”
^ Wenno mabalin a, “ti piesta.”
^ Wenno “karkarna.”
^ Lit., “talon.”
^ Wenno “Siria.”